噢！

原來已經黎到2008年既最後一日，
咩都冇做過tim，
新一年目標、fkm's 08大事件、執房換床單、do晒所有hw...
真係唔想堆晒d野去09年呀！！！！！

好似真係除夕一年悶過一年，
今年陪我既又係電腦電視收音機，
但係到倒數到0個一刻又真係好開心~><

今日終於嘗試到係自修室坐足一日，
加上又係08年最後一日，
我將lee個咁神聖既機會比左文學，(太偏心喇~)
haha，係溫到暈左~~@.@
我認我係個度訓左2次，
不過我今日進度幾好呀，
溫左1本書+1課，
雖然最後個幾課係體力不支下係唔入腦既，
但我有大進步喇，要繼續努力，
仲有星期5既中史，gogogo~~

[我今日又係坐門口位178，哈。]

死喇，諗起今日係08最後一日，
個心就好唔安樂，
大佬，真係咩都冇做喎，
我唔想好冇意義咁過lee日呀，
點算呀！？help~~~~~~~~~~~~~~~

P.S. 今日真係好凍，打字又出現困難，我要溶雪~~

Bedtime stories

今日因為某d原因，
而決定一個人去睇戲。
聖誕咁多戲上，
我揀左disney出品既《Bedtime Stories》(中譯：魔法童話夜)

睇lee套係因為想熄左個腦，
想真真正正咁relax。
因為係紅日既關係，
要早d去排隊買飛。
未排隊先睇下個LCD，
嘩，full到呀，
我既dream位(G-H)冇晒lor~
不過，勁搞笑咁係N個行有一位吉左，
我梗係即刻走去買喇，
但同時我個心又響起，
都幾前嫁喎，會唔會要"嶽"高個頭嫁！？
咁咪即係貼錢買難受？好傻姐！
但我最後都係買左~

買完施施然去又開番既大快活食早餐，
咁岩搵到個正位，ha~
食完早餐之後等入場，
睇多次個LCD，嘩，
連第1、2行都有一場，
係接近真正full場！！
唔只lee套，其他都有咁既情況出現，
like伽俐略、葉問、荒失失，
佳節真係多好多人睇戲~~

入到hall2，搵到N17，
真係第一次坐最側，
明明以為個位會好差，
但點知又幾好喎！
因為個screen係偏高既，
所以距離都好ok，
加上其實真係唔係太需要"嶽'高頭，
前面個個人又唔係好高，gd！
仲有，個screen係偏向我個邊多d，
又講明唔係風口位tim呀，
所以坐到最側都冇咩影響，
只係冇中間咁好姐:P

最妙既係，因我坐最側，
隔離就係一塊板，
攰個陣仲可以挨下tim呀！！！
好彩唔似ty嘉禾個個係布幕，
鬼死咁恐怖！><
仲有最怪既野， 我個位係有2個擺野飲既地方~
既然有好位，又要relax，
我決定今日容忍下d細路，
話晒lee套係細路喜劇麻~

講番套戲先，
真係好睇到喊呀！(誇張手法)
不過真係有十個正lor，
我諗lee套係今年屈居於Bat Man之後，
最好既一套戲！！！
真心講句，好睇過Twilight，
可能係因為我冇睇過原著喇.....

套戲玩好多伏線呼應，
睇得人賞心悅目，下下都有驚喜，
橋段不落俗套，超有創意！！！
好耐未試過可以笑得咁大聲，咁free，
直程係傻左咁，有全場人陪你一齊笑，好舒服。
最鐘意戲中對白句句有骨搞笑，
下下都插中你笑穴， 特別係Adam講個d，
真係夠晒抵死串嘴！！
不過，套戲係兒童戲，
冇太多有味笑話，
睇得好過癮， 冇尷尬位，正~~

戲中講故事既情節會成真，
但又唔會脫離現實，
佢會話番比你聽點解會成真，
只會令你覺得所以事其實只係"巧合"。
令到成個故事更有真實性，
目的只係想比你夢幻下，癲下~
真係不得不讚下個男主角(Adam飾)，
雖然其貌不揚，但卻偏偏散發一種魅力，
使所有人都比佢吸引，佢就個種越睇越靚仔既人。
女角全部都好ok，有錢女當然係靚爆喇，
但女主角都係越睇越靚，由普通睇到好清秀好靚~~

戲中所有特技畫面全部都好靚，
睇得出係好用心之作，
個人最like太空個個，
真到呢，靚到震呀！！！
真係用4個字形容d電腦特技，「目不暇給」
內容就最鐘意最後個個肉緊位，
一次過出晒所有時代既造形，
緊張到睇到我之都離埋，
鋪排得非常好，好抵讚！！
完全係超流暢之作，
冇廁所位冇打喊怒位！！！！！

今次真係迫自己熄左個腦，
完全唔被自己諗野，
唔盡諗套戲下一步劇程，
唔準諗用左咩特技手法，
唔準諗其他天馬行空既野，
只可以全程投入套戲當中，
被個故事帶住你，你只係負責睇！！！
就即係好似搭過山車，
冇得諗太多野，只係要乖乖地坐低！

Maybe你會覺得係Boxing Day，
一個人去睇movie會好loney，
但我真係好興奮，難以形容既新奇有趣！
真係過左個好快樂既早上，雖然我得一個人，
但完全冇孤單既感覺，好似一齊入左套戲度玩咁！！
如果邊個唔想過loney christmas，
入場睇睇lee套戲呀！！

希望佢會好似荒失失咁有2喇，
真係激讚呀，巴打必看！！！

工展會

續睇完《Bedtime Stories》，
一個人繼續旅程！(ha，講到好浮誇)

由kf搭mtr去銅鑼灣，
一路搭就一路寫番岩岩睇戲既感受，
haha，人地實以為我傻左~
唔係靠念力定係神既力量，
令我係金鐘站順利無障礙咁落車，thx~

由mtr行去工展會好方便，
完全係不停直行就到。
去到唔算多人呀，
唔駛點排隊就去到買飛，
之後入到去黎料...

一入到去，淨係feel到好熱鬧，
一口氣就迫左入去第1行到行，
冇麥點睇過本野，冇咩用，
真係好多野食賣，乜都有~
最唔好真係太多車仔、bb車個d lor，
成日撞到隻腳好痛，
好彩我都成日攝到位行姐，
如果真係唔知要塞幾耐~~
我要自己每一檔都要睇，
其實有好多人都有衝動想買，
但無奈冇咩錢+唔想買左無謂野，
所以我決定行晒先一次過買，
將暫時想買既寫低左先，
再行晒之後同諗清楚就買！！！

我曾經想買有機水果，
曾經心郁過想買碗明知呃人既$8"燕窩"豆腐花，
曾經諗過好唔好真係買d實用d既野呢...
最後，多數得個行字，
因為一黎多人，二黎d野唔係太平，失望。
試食都唔多令人有驚喜，
又少新奇野喎，唯有得個睇字。
仲有，今日真係熱到炸，
好似夏天咁，我要不停用本場刊撥涼！！

真係過得好開心，
好熱鬧，好有節日既feel~~
我最後都只係買左3樣野，
榮華老婆餅($20 6個)、芝士圈($5)、
冰鎮龍鬚糖(草苺味，$10)，
買咁少除左真係冇咩心水，
最重要係我真係冇"水"...
我走個陣先至多人，
買飛條隊打晒蛇餅，
d人仲四方八面咁黎...

搭mtr翻ty，ty真係凍d，搭249m時，
坐我隔離係一個勁似細so既人，好搞笑。
落車時唔小心撞到一個小女孩，好內疚><

聽日開始有瘋狂既補習喇，加油。

Get Lost

一生中，總會有迷失之時，
那時的感覺特別無助，
很像周遭也是凹陷的地方，
不能走出自己身處的空間。

看到這幅圖，很是感動，
就像把我心中的想法畫了出來。
當我感到無助灰心時，
自己的心就像瞎了一樣，
甚麼也看不清想不到，
而且四周的路也沒有盡頭，
像永不會成功的模樣。
但是，當我出現此sad feeling時，
我會想起「前面是絕路，希望在轉角」。

重新愛上

近排又鐘意番幾米既作品，
《向左走向右走》係最鐘意既一個，
人大左先體會到當中更深層既意思，
以前成舊雲咁淨係識睇圖，
lee個故事有d sad但又有d warm，
唉，都唔知自己講緊咩，
要真係睇住先feel到...

靚 wall

無意中發現既hsm3 wallpaper，
好鬼死靚呀，雖然係out左，
但都係好靚呀！！！！！
歡迎自取來用~~

悶熱的聖誕

聖誕正日喇，聖誕快"上"！！！

基本同普通sunday冇分別，
不過幾好就係今日tvb有花師奶睇~
好睇呀，直程係《衰鬼媽咪》既卡通版/日本版呀！！！

下午就同mum去左mk，
行左一陣花園街+女人街，
真係唔明自己點解揀好多人既日子去咁迫既地方，
不過中途好多有趣既事發生左~

係條街見到有條友拖住隻巨型狗，
隻狗高成1m嫁，冇誇張嫁，
佢企起身分分鐘有2m tim呀，勁！
mum要去buy聖誕禮物比人，(冇我份T.T)
我幫佢係零食物語揀左3份，
好正呀，又抵又好玩又好食~
買聖誕禮物比人原來係一種享受，
施比受更為有福，今日我feel到。
(夜晚erica打黎問我，我送比佢份禮物係邊到買，
我以為佢唔鐘意，原來係佢都想買黎送比人，
佢話d朱古力好好食，而且個盒好靚，
我完全同意呀，好開心人地咁like我送既禮物，
大成功，yeah！！！！！)

係女人街個度不停見到好多外國人，係不同國籍都有，

有時心裏面真係好難明白遊客既心態係點，

始終自己都未真真正正出過國，

冇做過大鄉里，有d野真係唔會明，

點解女人街d野一d都唔平，

d遊客都咁鬼鐘意買！？

仲有，女人街勁多名牌等假A貨，

點解佢地仲會貪平買！？

可能，lee d就係d外國人係外國見到我地hk人既睇法~

中途經過一間寵物店，

d狗比我既感覺係好冇精神，

唔係訓就係呆滯，

佢地既眼神好混沌，

完全冇左個種生氣。

真係唔知點解d途人見親佢地都話Q，

仲有一、兩個入左間鋪睇tim呀，

問題係個間鋪勁殘，牆身剥落之餘，

動物身處的地方又窄又污遭，

唉，真係唔忍心睇落去。

諷刺既係，我係搭車番home個陣，

見到個WWF既攤檔，

有幾隻狗同一隻貓係度，

希望D人可以捐錢支持佢地個組織。

係個攤檔個隻貓，

就係我一直好想養既英短，

但今次我既feel唔係好強烈，

難道我既雙子座劣根性又再出現？

今年lee個聖誕節真係好鬼熱，

好似番左去10月咁...=.=

但今日既陽光好溫暖，1d都唔覺熾熱。

係街到同mum口痕buy左$15既"日本米通"食，

脆就夠晒喇，不過唔夠甜:P

我真係發現自己鐘意外國男仔多過本地個d，

唉，咁我發生異國戀既機會咪好大！？

不過要練好oral先...

講就咁講，我仍然係覺得做單身貴族係非常好嫁~

仲有，其實當一對戀人文化背景唔同，

就會有好多矛盾同衝突出現，

你係熱戀個陣係睇唔到嫁，

但當你過左蜜月期就會慢慢比佢煩死，

It sounds impossible，but it is true！

今日仲係商務印睇左本由blog轉變而成既書，

個名叫《五個背包的廿七天練習曲》，

5個女仔柴娃娃咁揹起背囊，

去左台灣成個月旅遊，

當中梗係有開心有唔開心喇！

不過真係睇到我好感動，

唔只因為佢地既經歷，

仲有佢地個份純真堅穩既友誼！！！

試問而家仲有幾多人可以咁？

我都好想試下咁玩呀，

無拘無束，又可以擴闊自己既視野，

可惜，我身邊並未有搞手+真正可以過咁既旅程既同伴。

今日既街道真係好大對比，(魏sir成日講)

一邊d鋪頭關晒，人影都冇個；

一邊就d鋪頭開晒，成條街只見到一堆人頭。

P.S. 第一次見到巴士"bu"人，厲害！

P.P.S. 來回搭車都見到葉問做車身既bus，

好搞笑，hk真係咁細！？

準確

四、才華型(生日日期︰3,12,19,30)性格解構：

你要記住，這類型的女孩子大多數都充滿藝術天分或者語言天分，
亦具有高貴的氣質。
她對任何人和事也抱有興趣，喜歡提出許多疑問，故知識非常豐富。
還有她的想像力十分強。
即使性情令人難以捉摸，不過基本上都是屬於受歡迎的類型。
但有時又容易沉醉於玩樂而缺乏責任感。

建議：
你最好先熟讀一些關於藝術方面的資料，方便與她聊聊。
學一兩句外語也無妨。
別把自己裝扮的太俗氣，避免令她反感。
只要你有多方面的知識，或者是某方面的專家，就很容易獲得她的青睞。

*************************************************

很久沒有遇上那麼準確的性格分析，
也不是只得我一個準，
連雪的性格也準了，很是高興。

Special Guest

I am a very special and important person in Disney!!!

Disney

Photo源至maria

難得有免費飛，
而黎緊個mon又唔駛test，
去玩lu，let's go！！！

其實我係下午成1點先去到，
都已經好鬼多人，
而且有個唔好既開始...
一入到去就係main street見到個聖誕老人，
諗住排隊同佢影幅相，
點知差唔多排到我佢就話要去休息，
o到我呀，倒霉，但好彩唔係等左好耐~
跟住去搭火車，ok好玩喇。

係fantasyland落車，
即刻跑去睇golden mickey，
頂，多人到呀，簡直係水泄不通。
入到去又周圍都冇位坐，
後尾坐左去尾2個排，都ok睇到。
其實成套野都悶悶地，
最勁咪d演員去落去觀眾席到lor，
見到最近(隔左成4-5行)就係扮泰山既人，
嘩，超級恐怖，會扮上去欄個度嚇人，
真係搞到同d人激近，
不過佢都比人以閃光燈還擊，哈！

睇完之後，走去隔離玩"小小世界"，
排左一陣就上得船，
其實真係成程係睇lor，
真係，真係好童真，
好似翻番去細過，好多細路仔野，
sis仲拍左片，成3mins多d...
老實講d公仔近睇幾嚇人...

之後，出去竟然同sis食雪糕，
我係比sis游說嫁，
我地2個夾份食$30既雙球雪糕(朱古力+士多啤梨)，
連個皮都有朱古力+朱古力粒粒，
好好味呀，極快被ko了。

然後，走去睇米奇幻想曲，
排到個好位，攞完3D眼鏡就走入去霸位，
坐正正中，超好view~
勁好睇，又有香味+灑水點，
又係我最鐘意既donald做主角，
真係好鐘意睇3D，真到爆！！！
d野飛埋黎個陣，真係比佢嚇左嚇，
又好似全部都掂到咁喎，
最鐘意同成班人一齊伸隻手去掂，
明知掂唔到，但又忍唔到手，哈哈！！

最可惜係冇去到"夢想花園"，
成日都冇同過d卡通人物影相，
算，下次再去先影！！！

跟住就拿拿臨跑去tmrland，
要玩我最鐘意既Space Mountain！！
排左一陣就玩得，
勁好彩咁有得坐最頭，正正正！！！
玩既過程超興奮，
景太靚，真係好似進入左太空，
空間感好強，滿天繁星好靚。
我想講，完全冇驚既位，
只係不停左轉右轉，
根本冇尖叫位，唔夠刺激，
不過都算抵玩嫁喇，
一一一一一定會再玩~~

之後去玩"巴斯光年"，
lee個要等耐d，
等個陣，前前前面有對父女，
2個女都係金髮藍眼，
好鬼死靚女嫁，Q死，
不過佢地老豆唔知點解好hea，
好似好唔想玩咁...
同sis一齊玩，出發！
太多target，花多眼亂，
隻船又可以左郁右郁，好玩，
好正係自己極投入，
擺d pose超有真係射怪獸feel~
但最後出黎既result...
我同sis只係得level 2...
但我地前要一個人既大叔都有level 3...
下次要攞最高既level 7~~

係喎，排Space Mountain個陣，
見到出面巴斯黎左呀，
無奈排緊隊冇得影相...><

因太少時間，

所以玩唔到heidi推介既"馳車天地"，

唯有下次先喇~

再之後就去advland，

唉，又唔夠時間玩個隻觀光船，

最遺憾就係lee個， 又要等下次喇！！！！！

好彩夾到時間去睇"獅子王慶典"，

but入到去冇晒前排lu~

嘩，我想講d音樂真係勁大lor，

不過又幾好睇，跳得好勁，

但好似睇左好耐咁...

等睇parade之前，

先去"火箭餐廳"買野食醫肚，

我買芝士漢堡，sis買照燒雞扒包，

可能因為我覺得肚餓， 我覺得好好味呀，

薯條係粗個隻(like mos burger)，

飽又好食喎，好幸褔~

Parade開始喇！！！

全程都好興奮，

係咁好傻咁揮手，

最鐘意個d綠兵，

型到死！！！！！

影左好多相， 好回味呀！！！！！

之後去企定定等睇"皇家舞會"，

都等左我諗至少半hrs，

終於等到佢開始~

嘩，全部都好靚lor，

不過我隻真係有d唔掂，

睇唔清王子個樣，

唔知佢近睇係唔係好靚仔嫁呢~

王子同公主係煙花同城堡陪伴下，

完美地生活在一起喇，

很童話，很久沒有feel過。

之後等前面d人走左之後，

立刻去霸有得坐個d位等睇煙花，

你真係咪諗住有得坐好正，

坐到隻腳冇知覺， 係冇得伸展既程況下勁辛苦...

煙花真係好壯觀好靚，

勁響呀，不過真係第一次咁近睇！！

加上有個副眼鏡，

d煙花好似有好多雪人彈出黎咁，

勁得意，全部仲有一齊咁講，

我覺得diney此着好妙~~

這一個畫面，永遠刻劃在我心裏。

個個睡公主不斷變色，

靚到痴線，影左好多相。

睇完之後，係main street個到行，

終於無可避免地被d飄雪飄中，

成頭白左，好多泡，

haha，不過入番d鋪頭一陣就融晒lu~

係一間店見到有個維尼bb公仔，

可愛到暈呀，但我無$帶你番屋企...

今日既收獲有一枝史迪筆(好靚)，

一個donald金幣...(一時唔記得，後補！)

之後點到要影埋個聖誕樹先走，

影完就真係要走喇，好唔捨得，

成個過程好夢幻，好耐未試過~

其實仲有好多地未去，

like"米奇聖誕屋"、"動畫藝術教室"...

希望下次有機會玩晒喇~~

天國的微笑

天國的微笑 - 薛凱琪
作曲：方大同 填詞：林若寧 編曲：方大同 監製：崔炎德/方大同
(youtube：http://hk.youtube.com/watch?v=aoyfuOyhG9c)
↑慘情的，不開心不要看

車歡送了隧道 天拋棄了白鷺
聽不到的悲哀你會否感覺到
天空突然靜悄 像遺下我 流浪到 某一個島
荒草抱抱落葉 花瓣暗暗羨慕
經不了的分開你會否都懊惱
開心極為深奧 就凴直覺懷念你走進了地牢
可笑 地球 繁華遺下這個叛徒
並不痛苦 我消失漆黑之中 難道會孤獨

＊直覺此刻你於天國也是含著笑　直覺此刻我給一個宇宙忘掉了
鬧市借宿多一宵　我心不再跳　恐怕有別人圍繞
直覺此刻戲中一個笑匠流淚了　自你那天走了人類變得很無聊
從此起我自我亦都不見了　盛世在搖　晚風在搖　多煩擾

都失去了量度 他宣洩了味道
冰室裡的憂鬱你會否抒發到
開心極為恐怖 未能做到 懷著笑走半里路途
只有睡眠 祈求能夢到你睡袍
甚麼結果 你憂心天空之中尋覓我出路
Repeat *

已放棄世界 以安息的心 停頓了
過去過去 風景永遠炫燿
大概放棄世界 我滯留何地並無重要
若世間關注我越少 撩動我的痛愛也越少

直覺此刻你於天國也是含著笑 直覺此刻我的都市已是淪陷
廿四店始終通宵 每一天過了 討厭與未來纏繞
直覺此刻錯失的愛會沒完沒了 自你那天走了人類變得很無聊
從此起我面對自己不再笑 淚腺動搖 滲於浪潮的微笑

********************************************************

真想逃避那些不想觸碰的事。

不要表露出來，不要想任何事，
命運從來只會弄人。

數則小事...

終於過完我最想skip既一個星期喇！！！

今朝同kwan補完習，
經天橋行去mtr個陣，
突然比個人截停叫我地做訪問，
本身唔想理，但佢話係幫rthk做既，
係幫手揀年尾頒獎禮既野。
超多lor，又10首歌，
男女又各揀10個，
新人又3個，pth又揀...
多到暈，搞到我係咁話"咁多既"...
不過又真係幾好玩，
幾多歌+歌手比我揀，
我揀左好多側田，好偏心~
留資料就只係留kwan，我真係好cheap！
仲有呀，個條友問我地係唔係f.1-3，
我同kwan一齊0左，再講係f.5，
乜我地個樣好細咩！？不解。

之後一條友搭車去左尖東換野，
由尖沙咀行去尖東站真係好死遠...
去到永安就迷路，好彩詢問處姐姐超好~:P
換到喇，angelababy簽名poster呀！！！
番到home即刻拆左喇，好靚呀，
真簽名喇嫁，不過幅相就太x喇，
但d電車男實好愛...

係喎，搭mtr個陣，
見到有個女揹住我個dream bag，
(詳情可見http://fkmplanet.blogspot.com/2008/06/my-dream-bag.html)
第一個反應係「下，係咁咋」
換然之，即係佢比我想象中差喇！
隻色唔夠紅，較偏橙紅，
質地唔係厚個款布，
而只係普通款個種質地。
整體唔夠sharp，唔夠靚！！

但是，吃不到葡萄是酸的，
不論我怎批評也是沒有人相信的。

放假補課補習多到暈，
體能完全不足，成日眼訓，
救命呀！！！！！

*** Mon就玩模擬放榜，期待。

P.S. 但又怕出「希望越大，失望越大」，
算喇，要有蘇軾既平常心，
當係玩咁去喇，yeah~

精采

今日最低得13度咋，
朝早真係凍到pk lor，
但係我都係冇換冬季...

reading個陣派左d飯卡，
得幾個人有咋喎(我冇lor)，
點解會咁！？
唔通遲一日都唔得？
係school超遲派咋喎！

小息"撞"到miss yip，
佢自以為事地以為我同heidi搵佢，
係勁多人面前落我地面！！
妖，嬲佢呀，決定唔睬佢，哼！

Eng listening 趕到痴晒線，
唉，做到錯晒，大失敗。
仲要比miss kwok 勞役，好野...

lunch有驚喜呀，
第一次見到有焗通粉呀，
又幾好食呀，ha~

lunch再去搵張sir，問佢攞時數，
佢第一句就話已經同eric sir傾好左，
等左勁耐佢都唔講，
真係嚇到我心驚膽跳呀！！
最後佢講話有50 hrs，
嘩，開心到我呀，
真係覺得勁好彩呀！！
由0去到50，岩岩好有張證書！！>.<
不過，好戲左後頭，
佢竟然冇喇喇問我地讀書讀成點，
好hea咁答左佢之後，
佢就引伸到問有冇諗過入咩department，
我地一聽完心諗佢想拉我地入地獄輔導處，
梗係唔制喇，所以係我仲o緊嘴既時候，
heidi就答升到先諗喇等既推走佢，醒到呀！
麻抽煩當我地傻嫁？咁易上當:P

上hist個陣，有人冇喇喇見到出面山頭火燭，
全班即時起哄，乘機唔上堂，ha~
miss yip仲叫左葉生落去校務處通知。
我地係睇住個火由山下燒到去山頂，
勁到呀，幾度以為佢熄左，
但原來整極都唔死，慘。
上中文堂個陣，開始有直昇機倒水，
型到爆呀，極壯觀，真係第一次咁近見到！
聽番heidi's mum講，原來1點開始燒嫁，
後尾番屋企睇，嘩，
真係成個山出現左個黑色既大圓圈，
好似有ufo黎過咁，
慘喇，死左咁多樹~~
今日特登睇晒2台既新聞，
全部冇報ty，被忽略了。

之後有活動堂，嬲爆呀！！！
今日玩校內定向，
明明一開始就話我地係第一組，
又唔講明個信封裏面係有分組喎，
張紙個c字有唔知點喎，激死人喇！
後尾有出錯就賴晒我地， 完全唔聽我地講，
做人咁主觀係唔得嫁， 又冇老師幫我地，極無奈！！
成件係我地錯晒喇喎，我地蠢晒喇喎？
咩事先！？點解唔比機會我地的解釋？
點解付出左努力都係冇成果，
佢地都有內部出錯，點解冇人理？
搞到我地極nor，各人受到不同情況既影響，
唉，超超超超超慘！！！！！
(如果有人係覺得我係搵緊藉口，
又或者係推卸責任，我想講，
我只係講出真相)

放學去睇現場，睇到少少...
跟住比heidi哄了上長亨，
原來個度變左好多，
有好大間既波仔+日本城，
係波仔買左肉醬意粉，幾好食~
突然好想飲思樂冰，痴左線，
去左7-11 "針"左成杯藍苺，
成杯藍色咁，好靚呀，
不過heidi同我講佢未飲過...

上網check mail時，
星島sd左個email黎話我抽中左angelababy既簽名poster，
嘩，正喇，不過要自己出去尖東攞，
即刻叫heidi幫我print，但heidi同我講佢唔知邊個angelababy，
我以為佢講笑，點知佢真係唔知，
heidi真係個好special既人...
仲有仲有，佢未聽過華麗邂逅...

玩電腦個陣順手睇埋《東》，(個名太長)
余c曼d懶音好死"un"耳！！
個個鳳德好痴線，諗野偏到死，
想打暈佢，清醒下喇！！！
但娥姐又好好戲，我憎死佢！！

打blog/xg 真係可以比人抒發心情，
可以睇到人既真實一面，
但真實又有幾多人真係真心打！？

we go to there everyday to do history exercises

忍左咁耐，
今日miss終於良心發現比名次我地睇，
我又真係幾矛盾，
一邊好驚，一邊又覺得冇乜野，
越黎越冇左以前既熱情，
點解會咁！？
睇左，真係心情勁平伏，
冇咩驚喜，冇咩開心唔開心，
雖然我認我有失望，
冇第一喎，不過冇以前咁hurt，
冇會唔開心成日既感受，
一切歸於平淡，好悶。
可能真係受得文學薰陶多，
也無風雨也無晴…

放學個陣，咁”岩” 撞到net teacher，
佢就向我地搭訕，
我既耳仔自動耳聾，
聽到第一句，聽唔到第二句，
但我個口又唔聽個腦指揮，
自動講左句「we go to there everyday to do history exercises. 」，
好核突呀，發音唔正講野細聲文法唔岩冇晒尾音…
nor到爆，heidi又唔講野！！>.<

heidi仲肴到唔夠膽行天橋，haha~

但我又諗，如果我真係去外國住成個月，
我咁樣咪好sxxt！？
唉，真係要more confident！

食夜粥

話咁快就星期6，
都未玩夠又要做野！！

倒霉既開始lor，
明明我已經早左成半個鐘落去等車，
都仲係冇車，等到人都癲！！
搞到我遲晒到！！！！！
我要去KMB投訴！！！
再係咁，我真係想死！！！！！

maths遲左，我又見唔到kwan，
搞到要同男仔坐，勁憎！！！
好辛苦咁捱過左1hr15mins，
去現代d廁所簡直係折磨，
窄到呢，我d咁肥既人點入點出！？
爭d夾死我隻腳！！妖！！！
唉，仲有呀，聖誕開求積法course，
要額外比多$460，
窮到癲喇，赤赤貧人士！！

之後去圖館又好好彩喎，
睇報紙個度竟然有晒milk同東touch，
lee 2本野陪左我成個幾鐘or more，
好開心，好充實既一日，
個腦好滿足~~

由mtr行去pp時，
見到有個ar伯坐左係度，
有個女人就係咁問佢有冇事、駛唔駛送院，
我就視若無睹地行過，
唉，又犯了罪，冇良心...

去到pp一陣，heidi就即刻打黎，
話pp 1/F就快開KFC，
我去睇，真係呀...
好或是不好？

補完eng同heidi去試下新城市隔離個間粥店，
好耐未試過夜晚食粥，通常都係朝早食，
嗌左白粥、蘿蔔糕(蒸)、油炸鬼、炒米，
全部都幾好食，可惜炒米是凍的，
不過加左麻醬即刻唔同晒！！
食晒好飽，計先知我地2人總共食左$25，
我比$13，超抵喇！！！！！
lee間極可能翻叮~~
爭d唔記得，我ar媽叫我速遞一條牛膩"so"，汗！=.=

番home等車個陣，
見到有人截409，
諗住聽日同heidi講，
原來我等車個度可以截409。
因為前面紅燈，
間車停左係我面前，
我feel到有人係度揮手，
一望，原來係heidi係架409度呀，
我地2個即時笑左，係大笑，
佢仲想同我講野，
但我最驚估人唇語，
結果我地都係笑到架車開走，
我周圍d人肯定以為我傻左...

今晚又要開工喇，
目標係maths+hist essay！！

P.S. 23/11 update ，maths完成，essay就只有1/2(a題)...

至爆

今日係friday喇，
又可以放假，好開心！！

而家eng堂調晒位，
我地三巨頭個位都好pk，
唉，仲要坐到唔知幾耐...

maths越做越差，個腦萎縮中，
開始變蠢，點算！？
做個d會考pp，
真係冇一條唔駛張sir講，
唉，變得好廢~

lunch有dream lunch出現，
"芝士焗肉醬縲絲粉"！！！
賣相一流，味道都ok，
但太少肉醬喇！！(係唔係得我個份係咁少？)
開心~^.^

最怕既中文oral堂，
好彩miss調晒位，
唔駛同simon個d一組，
不過都要同lily wong、cc張個d一組~
都冇麥野，我一早決定放棄，
我講左一次野，滿意~
成組都好搞笑，奶哥好痴線，
係咁講屙屎個d野，好crazy，
估唔到佢變到咁搞笑~~
不過都唔夠葉x浩勁，
佢真係好搞野，個腦唔知裝咩，
勁多無聊搞笑idea，
又打邊爐又校內野外定向，
勁多野，不能盡錄，令成班笑左成2堂~~

入hall睇學生會就職，
仲以為有得補課，可以早d走，
點知個就職勁快完，
我地都未開始補課...
geog真係好廢，
勁快完，做左陣mc又走...

放學就同heidi去青城食kfc，
我要試下個個8層飽！！！
要成$29.8，貴~~
個飽幾好食，個薯格得2舊，
舊雞又細又唔辣，激死，
懷疑比人呃了！！！
不過食得幾開心，
仲諗住會撞到魏sir，最後冇~

聽heidi講，8/12就玩個個模擬放榜，
好想快d到呀，唔知會點呢！？
但一切真係唔可以作準，
同真正ce一定好唔同！！
*已知hist模擬中有C，多謝！

頂，我地班去旅行去石澳沙灘，
點知全級中4都去！！！
死得喇今次，迫死人喇，
都唔好玩既！！！！！

下星期3就要上跳舞堂喇，頂！！
可能冇partner lor，煩！！
人地仲要話牛仔舞超難跳，妖！！

聯校陸運

今日聯校陸運呀，
好似冇之前個幾年咁悶，
唔通係有heidi係度！？
又或者係人大過左！？

同heidi係青城食完早餐+買左bread，
番到學校等左勁勁勁耐先有車，
仲要咁岩隔離車係miss yip=.=
搭左好耐車，冇到就先攰，
好死誇張，但係真既。
不過都有好彩野，
我地因為車遲，所以可以坐高d，
咁岩坐個個位岩岩離太陽曬有1、2行，
完全唔駛曬，連王sir都話我地正，
結果係成日都唔駛曬，激好！！！

今年同舊年一樣，得個吉…
戥人開心都幾慘，
不過人地抵攞既，
我地下次再努力喇~~~

走個陣去搭84m，
妖，超多人打尖lor，
仲要係我地學校既！！！
救命呀！！超樣衰lor！！
人地學校都話我地，
唉，超唔想着住件運動服呀！！！
最後要走一架車，等左第2架先上到，
但我地發現左其實好多時架車係未滿，
只係因為下面d人以為上層full左，
迫晒係下面，搞到其他人上唔到車…

搭mtr個陣遇到鄧婉珊，
自從佢冇讀我地學校後，
佢就好似係我腦海中消失左咁。
今日見番佢，佢同heidi傾計，
從中得知原來佢仲有讀書，
去左長沙灣唔知咩學校讀，
佢仲由理科轉左讀文科。
初初見到佢仲以為佢去左讀英皇開個d學校，
因為佢d校服好似，原來唔係~
今次撞到佢，突然覺得自己原來已經好大，
要開始面對一d以前唔會遇到既事…

晚餐再同heidi去食mos burger，
我請，要兌現佢既生日禮物…
要左sis之前食既摩斯芝士漢堡set A，
好好食呀，d蕃茄仲係好甜，大滿足！(某君不同意><)
裝汽水既杯好靚嫁，有隻雀仔係度，
極有feel，勁想帶佢番屋企！！！
好開心，真係好好味呀，
不過又真係會食窮人…

P.S. 係UNIQLO睇中一件嬲，好平好靚！！！
但heidi大反對…T.T

High School Musical 3 : Senior Year

等考完試咁耐，終於去睇喇，
睇lee套戲都有好多阻滯，
又以為冇早場，冇時間睇，
之後個朝去睇，勁多人排隊買飛睇戲，
幾驚冇晒靚位，排左勁耐！！！
入到去，又勁衰咁唔坐自己買個個位，
去坐後一格，以為冇人，
點知有人之餘，仲要係識既，
勁nor，好彩人地冇叫我地換番咋，
大感激，太不好意思喇！！！！！

講番套戲先，
開頭真係好究兀lor
一開始就講籃球比賽，
又冇講做咩冇喇喇有，
佢雖然已經好努力想比緊湊氣氛我地，
但真係只feel到一半，
真係未ready，未投入到...
我覺得lee part似特登用黎sell "Now Or Never"多d lor，
減印象分，哼，繼續睇~

其實真係有好多位都好特登塞d歌入去，
'Right Here Right Now"又係~~
之後我覺得"I Want It All"都幾痴線，
跳到痴晒線，不過ryan真係靚仔！！
"Can I Have This Dance"好好聽，
睇佢地兩個咁冧係度跳舞都夠晒開心，
佢地真係好襯，不過略嫌d舞有d太大動作，
咁樣唔係好靚嫁麻~~

"Just Wanna Be With You"，我又係勁鐘意，
鋼琴女仔同ryan好襯，
雖然戲裏面冇直接講佢地係一齊，
但我覺得佢地已經係一齊喇，
ryan又請人去party，又可以讀同一間大學~~
lee首歌真係好好聽，好正！！

"A Night To Remember"就一貫快歌，
d歌都幾得意，睇佢地咁得意一齊跳舞，
我都忍唔住係個位到郁郁下，ha~
"The Boys Are Back"，本身唔太鐘意，
但佢地2個跳得咁勁，
而且後尾有2個細路出黎扮佢地2個細個個陣，
真係好鬼死搞笑，好Q~

其實內容都係講Troy同Gabriella要升唔同大學而煩，
最後Troy一句真係令我好感動，
佢唔讀阿大，轉讀加州柏克萊，
因為阿大離史丹褔成千幾里，
而Troy就話佢轉讀左離你三十幾里既柏克萊，
勁感動，冧死人咩！！！！！

Senior Year Spring Musical裏面真係好正，
如果hk都有就好喇，我第1個去玩~~~
Sharpay女跟班真係好鬼死衰，好姣！！
開頭個首歌真係好好聽，
ryan跳得好勁，型爆~~
代Troy演出個個好似叫「火箭人」，
真係好鬼死搞笑，嚇死 Sharpay~~

"We're All In This Together"，好好聽！！
極有feel，岩晒成班人一齊玩，
盛傳5A會揀黎參加班際sing con，
10個好，加油！！！！！！

"High School Musical"，又係好聽，
佢地高中畢業就有得着袍，
會唔會太誇張！？
我都一定可以升上中六，再升CUHK！！

睇完成套戲有少少失望，
因為佢比唔到激動我，
唔似上次睇bat man咁激動，
又冇再睇一次既衝動！！
d歌又冇2咁好聽，
內容真係唔夠故事性！！

應該真的唔會有HSM4嫁喇，
希望disney有新既青春戲喇~~

P.S. 真係好想買晒3集vcd/dvd，
有冇人送or贊助我！？

匯報！！！

番黎喇！！！
而家4:28p.m.，岩岩開機咋~><
咳咳，講番今日既重點 - 派卷！！！>O<

其實都幾灰嫁，
keep唔到水準喎，
真係好廢lor覺得~~
1st派eng，都預左冇好野，
整體上都係差，達唔到平均，
eng不斷退步，人進我退，
好無奈好嬲自己！！
加上，oral大失敗，
玉mei比左50分岩岩合格我，
仲而為執番條命，
但lunch莎華話我知佢都係玉mei考，
但佢有成58分，唉，灰爆！

hist中招，希望越大失望越大，
仲而為會係咁多科考得最好，
點知，直插谷底！！！！！
我認為自己唔值lee個分數，
但偏偏做得唔好，就好似miss葉咁講，
我答唔到marker想要既野，
唔係陳同學既咁透徹，
難道天份缺乏真是有錯！？

maths真係唔好提，
以為keep到第一好勁！？
但2份卷其實考得唔太好，
2份都唔係全班最高，
加上我諗我係靠之前個個小測拉既，
勝之不武，君子不齒。

lunch後派chin，lee科唔灰呀，
因為chin今次好似掌握到少少。
知晒所有分，真的不差，
keep到一貫水準，勁收貨，
中文其實set定左，
你係不嬲攞咁多就咁多。
最開心作文有進步+oral冇比人扣死！
葉生今次真係好勁，
差唔多份份paper都頭幾名，
可能科長+第一都係佢襄中物，
我認輸lor，ok！？
不過A班某人自作自受得來既後果，
我全程目擊，由黑面至聲淚俱下，
我沒有任何感受，因為她是心中有數的。

last派埋geog，其實2份卷都好麻麻，
多得姚sir mc個份減緊5題，
先拉番高個份，thx~
整體上ok，其實冇咩感受，
geog只要唔好唔合格就ok，
我不嬲都唔鐘意geog~:P

聽日要派我最冇信心既文學，
有諗過唔番學，真嫁！
但..蠢學生終需見魏老師，
唉，任比佢串，比佢鬧，
我唔會再做科長。

考試後感

好老套既heading~:P

又考完試lu~
不過今次特別sad，
好多事發生左，
有開心有唔開心，
不過全部都過去左lu~

其實都係個句：「考得好差」
雖然每次考完都會講，
但自覺今次真係咁多次最差既，
問題係今次係溫得書最多嫁喎！？
又係力不從心，做唔到最好！！

睇黎今次會冇晒科長+第一，
不過係抵死既，鬼叫你考得咁差！
好多科真係令自己都跌晒眼鏡，(都冇戴眼鏡:P)
完全冇晒信心，好嬲自己！！！

考完試既聽日就即刻派卷，
第一次有唔想派既感覺...
希望最有信心既世史唔好希望越大，失望越大喇！！

其實大家真係唔好對我有咁大期望，
費事失望，我唔係次次都咁勁，
當我冇科長，又或者考得好差，
唔駛驚訝，只係一件預料之中+正常事。

P.S. 今日考maths mc個陣，
臨收卷前幾分鐘，我係度發呆個陣(做完喇)，
miss kwok就細細聲問我識唔識做，
我就答識識地喇，haha，好好笑~

P.P.S. 聽日番黎匯報戰情+我會樂觀d面對嫁喇~

P.P.P.S. kwan，I have left a commet for you in the older post~

超sad之可以唔駛理我

又受壓喇，今次仲特別辛苦，
做咩都提唔起勁，sad到想死！！！

奇就奇左d壓力唔係來自exam，
而係我一直都好弱既人際關係。
我的確唔係d需要人無時無刻陪住既人，
我係可以一個人靜靜地睇書過日晨既人，
但咁唔代表我可以被人呼之則來，揮之則去！
我唔鐘意次次都係要做次選，
唔係想做你搵唔到某人之後既水泡！
但偏偏我每次都係做d咁既角色，
有誰真的重視過我？視我為不可分割，
我諗，我一直缺乏被需要的感覺。

其實識我既人都知，
我唔係d cool到爆，唔理人既人，
我只係覺得對d唔太熟既人唔會既fd，
而且我做人唔知點解好”懷舊” ，
總係覺得要同普通同學保持拒離，
認為咁樣先係禮貌既表現。
我諗我一生係會分得好清楚邊d係fd，邊d係普通相識，
唔會話玩到全部人熟晒。
當然，我對某d人仍然係有一種警戒心，
咁係因為佢地有壞紀錄，
我唔會信得過佢地，我諗.. 係永遠，
不過佢係因為傷我太深or我要保護自己。

不過，終歸究底，都係有d關學業既，
唉，其實都幾愁嫁，搞到我好想放棄，
冇讚賞既支持，令我快要倒下…

1) 中史第四問做到勁差，
對最新教個幾課完全掌握唔到，
我唔想唔合格番黎…

2) 世史DBQ越黎越唔識做，
唔知發生左咩事，
唯一有希望既科又落空…

3) 地理自以為好識，
點知出到黎又係唔識…

4) 中文情況每放越下，
陷入低潮，毫無面目地位…
加上中文朗讀勁差，
差到自己都唔滿意，超想喊，
完全原地踏步…

5) 英文oral分組失利，十死無生…

6) 數學雖然開到個靚頭，
但「創業難，守業更難」，
壓力越來越大…

7) 第七樣…我諗到，
文學難到死，證實死亡。

係咁多唔開心既野包圍下，
我真係冇辦法諗d好野出黎令自己開心番，
但係睇報紙+聽歌+上網+打blog之下，
算係治左標，但始終治不了本。

籠罩

今日算係唔開心既一日喇，
成日個人都籠罩住抑鬱既心情，
慘事多過開心事。

music exam又衰左，竟然唱錯歌詞，
唉，又唔係難，點解會咁嫁？
今次實超低分喇！！！！！

maths小測好難呀，
好似失左憶咁，
條條都唔識！！！
唔好比sis講中我係好廢好唔好！？

PE又nor左，miss呂唔好針對我sis好唔好！！！
唉，好唔鐘意pe有d咁既氣氛，
一個人好唔開心...

小息lunch都好唔開心，
好似被人遺忘左、拋棄左，
點解永遠都要有d咁既時候，
人生總要有d咁唔開心既moment，
係唔係開心過後既代價，
我已經厭倦忍受這種過程！

點解人地唔駛，我要？
我換左d咩要受lee種折磨！？
Tell Me Why？？？
回到家中，一定要發洩！！！！！

想起幾句話，
「當你認為你已找到你的最好時，
你的最好卻偏偏是別人的最好，
你永遠無法擁有。」
命運總是作弄人...

講番開心野先，
今日eng雖然又上oral，
但邱x達佢超搞笑lor，
搞左幾多gag野出黎，
搞到我笑到痴左線！！><
不過，今堂eng係全班大笑堂，
後尾唔記得咩事，miss都大笑，
跟住我地見miss笑成咁，
我地全部又跟住笑，哈哈哈哈哈~~
見到好多平時唔多笑既人都大笑，
真正咁感到笑既力量， 原來真係可以令世界大同！
我，最喜歡就是笑~^(+++)^←久休復出

會考題目實例

首先要由今個禮拜一講起，
身為會考生既我，當然要增加多d知識喇，
所以中文科就搞左個分析作文既堂(要入hall)，
其中講左08年個題網誌續寫，
個題目大概係講一個人佢失敗左，
但佢冇失望之餘，仲有d開心咁喇，
真係估唔到今日會發生係我身上！

今日kwan冇番呀，PE得我一個人><
玩完標槍就玩接力跑，
我負責跑第三棒，平凡得很，
但當我跑到去停車場個陣，
我睇住我前面個個新同學，
成個五體投地咁跌左係度，
係成個跌既過程睇晒！！
我都比佢嚇左嚇，
真係咁既事真係發生係我身上，
我本身跑得唔係好慢，
如果繼續跑，
可以超過幾個人；
但見到佢跌得咁慘，
冇理由唔去睇下佢咩事！
所以，係良知同好勝心之間，
我揀左前者，我收左步，
即刻走過去睇下佢點，
佢跌親個膝頭哥，損晒，
問佢駛唔駛扶佢去醫療室，
佢話唔駛但幫佢話比miss聽。
期間睇住後面既人慢慢係我身邊跑過，
我個組無可能會贏到，
都有少少稀虛同內疚嫁，
但我覺得我冇做錯，
如果我唔理佢，我今晚實訓唔着！

雖然lee件事我冇做過d咩，
但能夠做個無名英雄都好呀！(自讚中…keke~)
原來人係一生中能夠做到d幾偉大既事，
個感覺係咁開心嫁！！！
自小lee d「友誼第一，比賽第二」既故事就聽得多，
估唔到自己有一日會遇上，
當然我冇受到人地既讚賞，
但我已心中富有，I proud of myself！

啟發

今日上文學堂又有新啟發，
話說魏sir因為某同學既某d問題，
而開始左講佢既ce經歷，
原來佢有24分！但佢唔滿意lor，
佢認為仲可以考得好d！！
佢話自己每科做左10年pp，
而且平時考試測驗冇98分會唔開心，
旁人眼睇好似好自負，好高要求，
但佢有lee種諗法係因為除左中英文，
其他科都係有書可以讀，
係可以讀得晒，有機會攞滿分。
咦！又係喎，我而家講個d文科，
好多都係讀晒d書入腦，
其實要攞高分都唔係話唔得，
所以，我決定要將眼光放遠，目標提高，
我唔只要C，我要上到A！！！
不過，最近既係月尾既考試，
我要有理想成績！！！！！

辛苦無聊可笑無奈小事一則

今日heidi送了一本小小的貓貓memo 給我，很感謝。
但她說這本memo得來不易，
是她要站在全班面前發表後的安慰禮物。
這篇是她要我強調的文章，我寫了，ok！？
但我也想說，貓貓memo是無罪的，
它仍是很Q~:P

929 打吡！

阿祖，拜神都冇用喇，哈哈哈哈哈~~

摩生，破左你不敗喇！！！

貝佬，做人不能太串嘴！:p

yeah！yeah！yeah！yeah！yeah！

終於係連輸幾場之後，

係最重要既一場度醒覺喇！！

R80，你上番身我就放心喇！！！

kaka，我愛你呀！！！！！

原來，波，真係圓嫁。

半悲半喜

今日真係發生左好多野呀！！！

頭2堂英文，又對個份模擬卷，
好多都岩呀，多得tony咋…keke~
有53/67喎，保到c喇！！
希望真正會考都有咁既成績喇！！

小息衝去圖館影印id card，
真係估唔到自己會有份爭奪獎學金，
但其實都應該要預計定會失敗，
因為我d成績真係唔係個d好天才個隻，
如果今次真係比我攞到，
即係lee個獎學金係廢野，係豬肉獎~~
我暫時唔會同屋企人講住，
費事希望越大，失望越大…

hist話咁快就教完hk史，
要開始教中國，help，
會否大昏迷！？(heidi請回答)

maths”終於” 教ch.2，
想跟番張sir，但失敗了，
我真係聽唔明你講咩…

lunch很勤奮地完成了maths，
但我很不喜歡這種感覺…

中文堂好多人冇做野，
miss wong終於罰下人企，
麥我個頭好啡咩！？
原來miss wong由出生到而家真係冇染過髮！！！
下！！！！！
我只可以講佢天生d顏色好靚~

Geog堂，姚sir lee排講野真係好搞笑，
堂堂都差d笑爆嘴，
真係可以媲美魏sir！！！
不過佢預言(=詛咒)下星期一會打風，
仲有係打正hk！！！
唔好呀，我好想去文化博物館呀，
唔好又吹走我個plan呀！！

放學同kwan去報補數。
唉，係青城遇到件人生最悲慘既事呀呀呀呀呀呀！！！
咁話說kwan要返home攞$+換3，
so我係地鐵個間7仔等佢，
咁我等到無無聊聊咪去睇下d麵包lor，(擺係報紙隔離)
點知我睇睇下，feel到有條友越企越近，
我唔理佢喇，但佢件3有d熟面口。
後尾個個”人” ，無喇喇同我講「不如買一個比我呀！」
我即刻望下佢，呀，係姚sir呀！！！！！
我又望下見唔見魏sir，(因為佢地2個係孖住行動的)
真係見到隻黃蜂係到呀，呀！！！！！
佢仲要講左句「佢講下笑/玩你嫁咋！」
我超驚+nor，超想走！！！
嗚，以後逢fri都唔去青城！！！><
*說話內容可能有出入，因為驚到唔記得…

kwan黎到，我即係罵+打她！！
唉，我終於要向惡勢力低頭，
要去現代補數補dick hui！！
d職員好串，好樣77777，
仲要即刻影相，好彩算係影得ok~
超級貴呀，索價$495 ($460+$35) ，
聽日就開始喇，好緊張呀！！
頂！以後逢sat都係補習日，
1310就maths，1715就eng，
夜晚就hw time！！
超攰呀，希望唔會訓着喇！！
聽日就開始魔鬼課程喇，
但為左會考，就麥都抵晒~

MAMMA MIA

岩岩睇完《Mamma Mia》番黎呀，
好開心呀，又完到一個心願喇！！！

好感謝天父幫左我好多忙，

我今日先睇得成咋，感謝主！！！

講番套戲先，真係好好睇呀~~

有好多笑位、溫馨位、浪漫位...

簡直係滿足晒你既要求！！

一開始就先比首歌你聽，

《Honey,Honey》好聽呀，好搞野！！

雖然Sophie唔算好靚，

但佢同Donna真係好似兩母女！！

個故事真係幾好，

個ar媽同個女一樣，

每人都有2個好朋友，

好鬼死搞笑+正！！！

d男角都唔錯既，

Sky直情係靚仔+fit到漏喇，

不過最勁都係Donna個3個男人喇，

haha~雖然好老，但仲有有feel~~

我真係全程投入lor，

佢地既緊張怕羞尷尬個d感覺我全部feel到，

好似自己走左去做咁！！！！！

其實真係最鐘意佢地個d跳舞位，

不論係後生跳or阿媽級跳！！

我最鐘意《mamma mia》+《dancing queen》個2首，

超有感染力，我都想起身跳！！
其實仲有《money money money》，

都係整野，聽到勁開心！！

特別一提既係，到個故事完晒之後，

出字幕個陣會播d佢地特登整既跳舞片，

Donna會向住鏡頭問觀眾駛唔駛encore，

我真想勁想大叫encore，encore，encore！！！

可惜冇全場幫手，如果係外國就得~

我最鐘意《dancing queen》裏面，

「Dancing queen，young and sweet，only seventeen」

哈哈，完全講出我心聲，

我不嬲都覺得17歲係人生最美好既時光，

我出年就係喇！！！！！

真係仲有好多精彩位，不能盡錄~

快d上官網睇片聽歌頂下癮先，

我要喪聽abba d歌呀！！

http://www.mammamiamovie.com/main.html

sixteen

命中注定的事，發生的機會就是100%！

今日英文report，全班咁多人就真係抽中我，
真係中16號，都唔知撞乜鬼！！
唉，雖然話準備好姐，
但都勁驚，好震！！！！！
膽粗粗咁行去準備，
haha，我同heidi講淨係望住佢:P
上到台，等完miss謝set個timer，
就開始講喇！！！
照稿讀，又望下heidi，有d字唔小心讀錯左，
其實我仲有d震音，因為驚><
講完都冇睇仲有幾耐就走lu~
落到去，kwan、7...都話我好定，
定鬼定馬，我係驚到震就真！！！
yando話miss謝話我好，我都希望係。
後尾miss郭行過黎，第一句同我講就係我有d字冇左尾音=.=
佢話都ok，d內容都幾有趣~~
走個陣，miss謝拍我個"博"頭，用英文話幾好之類個d喇，
我都係好hea咁回左句thank you就算~

而家諗番起，真係好耐都冇試過對住咁多人講野，
當我企係禮堂正中間個陣，
除左驚，唔知點解諗起奧巴馬個d領袖，
其實驚完之後，又覺得做左lee件事好開心，
好有成功感，終於可以突破自己！！
我要記住lee一次，當我遇到挫敗時，
我就會諗起lee一次， 再難既我都克服了！！

中秋節@攰爆了

中秋節快樂！！

好早起身，又同ar媽去買做節既野，
都買左好多野，見到好多有趣既情景，
好想因此寫幾篇文，
但冇恆心既我，又浪費左d好題材了...

晏奏返home do hw，
昨晚頭痛欲裂呀，
麥都冇做到，今日要做番晒！！！
一口氣做晒hist DBQ+中史論+文學問答！！！！！
攰到我呀，而家仲打到字真係萬幸，
次次做完文學都一定係咁，
隻手痛到乜咁，又麻又痛，超慘！！！
但我地lee班文學人唔係慣左嫁喇咩！？
唉，好鬼攰呀，但我仍然要玩電腦，
好曳好任性呀，haha~~

突然

突然覺得沒有近視是一種幸運，
看見別人除con的過程，
令我膽膻心驚…

哼！sis又唔記得約左我去睇《Mama Mia》！！！><

今朝要趕起份maths，
計算易畫圖煩！！！
仲要係畫埋d好微細既點，
搞到成日有誤差，勁眼訓，
唉，書枱又未黎，冇心機，
做左勁耐先做完，悶~

食完lunch仲要做tony篇文呀，help！！！

haha~~
heidi超爆笑，搭電梯搭錯了，
我係B2睇住佢慢慢落左去B3，
真係笑鬼死我，你地幻想下喇即管，
超級搞笑，睇住佢咁無奈+震驚既樣，hahahahahahahahaha~~~

WO!

Hey, i try to use english for the blog article today!!!
It is so challenging!!!
But i think i can overcome this mission .

today's weather is so crazy!!!
this is because when i waited for the zebra crossing,
a heavy rain came suddenly!!!!!
so lucky i have brought my big umbrella,
but my dress also got wet completely...

i think i fall in love in maths again!!!
i love to do many maths exercises,
i love to ask a lot of questions about maths,
i like my maths teacher who teached me in f.3!!! (is like,not love~)

omg!many many tests from different subjects are coming!!!!!
i must study hard,i can't be a loser!!!
although it will give me some pressure,
i will try my best!!!

巧合

等我諗諗先，成日都唔記得野...

今日正式開始上晒８堂，
唔知會唔會攰死呢，哈。
其實我真係仲未慣有咁多新同學，
總係覺得好鬼死陌生，
可能過多排會好ｄ～
（但我有好多同學已經同人好熟）

今朝比鄰居「拜託」攞支水比佢個仔，
個仔係我校f.4某人，(我1d都唔識佢)
妖，好煩呀，又推唔到喎！！！
好彩我捉到麥x雯lee個替死鬼姐...呵...

今日終於有文學堂喇，超興奮！！！
但一去２０３我就Ｏ了嘴，
因為之前以為文學班係冇人新插入黎，
點知．．．有２個．．．
好驚呀，人地會唔會好勁嫁！？？？？
但仍然好專心咁上堂，
希望唔好比人威脅到！！！
唉，魏ｓｉｒ又玩我，
唔該你唔好愛我，我係唔會愛你嫁！！！

ｍａｔｈｓ終於教書喇，
預左ｄ新同學可能會好ｄ，（籍口）
唉，ｆｋｍ不要太杞人憂天！！

放學在天橋上與班上某新同學正面碰見，
更走了同一段路，互相也沒有打招呼，
可能彼此都感到尷尬吧，
不竟跟她談不夠３句話．．．

今日有ｄ恐怖野發生左呀，
我隻手在行路時自然擺動時，
冇喇喇捉住左一隻蜻蜓呀！！！
呀呀呀呀呀呀呀呀呀呀呀呀呀呀呀呀呀呀～～～
我捉住佢個陣，只係覺得有ｄ野郁郁下，
又覺得有ｄ拮喎，嚇到我即係放開手，
隻手指仲濕濕地，（唔知咩黎）
超嘔，番屋企洗左幾手！！＞＜
好恐怖呀！！！！！

第2日

第二日番學喇，仲未慣。

今日仲要hist test，溫書ing~
不過見好多人都好似唔駛溫咁，
溫晒！？放棄！？

今朝班主任堂好多野搞，
又選班長又選班會主席...
最勁就係調位，miss吳先叫我地分2人1pair，
我同heidi當然一組！
miss吳調第一個位就係老師枱前個2個，
佢首先係問有冇人想坐，之後就望住我地話「你地唔想坐咩」，
妖，又踢個波個黎！！！
我地2個都唔知比咩反應佢，
但成班(真係全班極齊心)突然大叫「係你地兩個坐嫁喇」！！
真係百年難得一遇既情境。
我地幾時比人默認係一定要坐lee2個位，
雖然個位真係唔差(我覺得)，
但咁搞法真係好尷尬+無奈，
唉，我個陣實面紅+傻笑，
真真真係好nor！！！！！

小息後入hall聽訓導處d老師「發表演說」。
咳咳，逐個講下先！(我有聽嫁><)
miss黃就不過不失喇，年年都係咁。
王sir就好極端嫁喎，一時好gag一時好惡！
miss謝就...唔知點講，唔知佢想點，
想玩親民！？咁多甩漏！？真係講到唔知自己講咩！？
鄧sir就好驚喜，我開頭諗住佢會超悶，
咦，又唔係喎，勁gag，
我而家仲記得佢話d男仔鐘2用3隻手指梳頭，
但佢示範唔到出黎，哈！(佢光頭的。)
最可惜就係冇左最勁既魏sir，
佢勁搞gag嫁，但又唔會唔惡唔認真，
如果佢肯講，實冇人訓教！！(我幾時咁崇拜佢？)

lunch今日食肉醬千層麵，超開心！！！
好好味，好耐冇食，不過份量縮小了...
kwan今日請左我食佢之前去日本旅行，
係大阪備長炭專門店買既炭糖，
糖上面有d咖啡粉，好鬼死大粒，
不過好好食，好甜又襟食~~
但kwan話lee包糖賣7百幾yen，
圍番hk$5x，嘩，好貴呀！
比我就唔捨得買喇，不過kwan就...

好耐冇上堂喇，
第一堂就上maths，
好耐冇見張sir，
因為太多人冇帶書，(me2~)
搞到又hea左成堂，哈~

第二堂就上hist，
要test呀，但又取消左，
妖，白溫喇！！！
有3個repeater冇讀hist，
好還是不好！？

第三堂中文，
淨係派野收hw就冇左一堂~

好驚呀，聽日就有文學堂喇，
會唔會有好多repeater插入黎嫁！？
好驚驚驚驚驚驚驚驚驚...

開學喇，變中五生

今日又開始番學lu~
今年好似多左好人，(其實年年都覺)
d人多到要企出樓梯~
排隊勁蠢，搵唔到5c係邊，
好彩多得sms嗌住我，
呀，佢今日生日喎，
生日快"上"~~~
排隊個陣又比miss吳遺返><
真係有好多repeater...

上到hall，坐左一陣就凍到痴線~
今年校長講d野幾有意思，
我都要學運動員精神，
「永不放棄+肯嘗試」
好多老師都換左新haircut，
太多都剪短~~
小息去左搵miss yip，
佢好似成日都好驚見到我地，哈。
頂，聽日就要hist小測，
重要測essay，背死人喇！！

入到新課室108，有d唔慣~
睇得更清楚d repeater，
原來有d係新入黎讀，唔係舊生。
妖，收通告收到亂到痴線，
我有一張以為冇帶，點知原來交左！！
就係lee個誤會而比欽點為「閱讀先鋒」，
好嘔心既名字，重要日日朝早由1樓行去4樓，
唉，倒霉的開始...
希望唔會太辛苦喇，希望...

第一日就咁就過去lu，
聽日開始上堂，gogogo~

830 免費去OP

今日係HIM搞去海洋公園(OP) 既日子！
一早同heidi去大快活食早餐，
好貴呀，要成24蚊！！！
差唔多9點鐘番到school，
得3個人係度，2個d班+wxg。
個陣其實真係就快9點，
點解仲係得咁少人番！？
我地明明約好9點嫁喎！？
等到9點鐘過d，eric sir黎左，
佢都勁驚訝點解得咁少人黎。(原本有成10個以上)
結果等左幾等，eric sir話去小童個度攞飛，
叫我地等多陣就去搵佢。
結果有多個d班黎左，
其他個d中6就冇晒影。
我地去小童搵eric sir，
點知d班個堆行得勁慢，又左等右等，
搞到我+heidi+wxg+eric sir係小童門口乾等左20 mins以上，
等到eric sir都唔耐煩！！！
等完佢地，真係估唔到eric sir連係小童行去青城都唔想，
咁都要掂的去，服鬼左佢=.=
去到青城搭完mtr去香港，
又搭的去op門口，
第一次係一日裏面搭咁多次的！
(其實之前明明話有旅遊巴嫁，
鬼叫我地得咁少人咩，
搞到要自貼車$><)
去到op門口，eric sir帶左我地入去，
就話比我多聽要自己走， 佢唔會留係度，
佢比低回程車資每人$20，
之後就走左去睇sturgeon~~
今日op裏面有好多「鴨仔」，
簡直達到無處不在的地步。

我地1st站去左熊貓館，
eric sir又話樂樂盈盈好活潑。
唉，我地去到，勁失望，
一隻訓，一隻企到超遠唔知做咩，
所以睇左一陣就走lu~
不過就見到有一隻熊貓既生日係8/8。
(唔sure樂樂or盈盈)

去完熊貓館，轉戰下一站，
去左由動感影院改造而成既「功夫熊貓木人巷」。
一入到去就有相影，係一頂古代既橋，
每人都影左d相，後尾因為太多人而要向前行了~
行到某房，有條友彈出黎，
突然向heidi講左d「請指教」之類個d野，超無奈。
(雖然早知佢係專係個度既人，sis之前去過)
我都係同佢say左個hi就走lu~
再行前d就去到用玩具掟櫃既地方，
個幾條工作人員話掟入左會考試一百分，
咁我梗係起駛咁掟，
掟到佢叫我唔好掟咁多次:P
結果我同heidi唔合格(一個都唔入) ，
wxg就100分(入左個) ，
哼，激死我，都唔準既！！
再行就有得玩夾飽落水，
我地狂夾，夾到冇晒，
本身想影相，but又因太多人喇~
再行就去同大熊貓影相，
頂，影到我冇左半隻腳，
做麥無喇喇縮腳喎，下！？
影完就到出口lu~
玩完就去搭纜車，
上左間紅色既210，
好耐冇搭喇，正！！！
係車中無無聊聊玩自拍，
架野去到差唔到最尾停左=o=
不過等左等就著陸lu~(你估係360要等半個鐘咩:P)

去到某食市，有QQ海豹像，
都影左d相，不過有d細路阻住！！
跟住再去一間係隔離既shop度攞d公仔影相，
heidi就專攞海豚影，我就情有獨鐘水母，
wxg就咩到攞黎影一餐~

然後就去左玩lu~
1st樣玩既就係「越礦飛車」，
刻服童年陰影去玩，好好玩呀！
最鐘2衝落去個幾下，
真係飄得起，個感覺正到呀！！
下次must玩~~><
(本身heidi help我影左張係車到玩緊既相，超難得！
個我睇相個陣，唔小心禁錯制del左呀！！超後悔！)

2nd樣玩既野就係「滑浪飛船」，
heidi唯一玩既機動遊戲，
出面個牌話要排成45mins，
但我地排左20mins度就玩得喇！
我坐最頭，heidi第二，wxg就最尾。 超好玩呀！！！
我太興奮而不停大叫+揮手， 嚇到heidi以為我傻了~
到最後衝落去個野真係正到呀， 開心到舉高晒隻手呀！！
不過到衝落水個下， d水好似”不” 落我個身度咁，
個人濕之餘，個袋都濕得好勁，
我直程係洗左個面， heidi+wxg都ok濕喇！
不過真係超級好玩，好想玩多十次呀！！！！！

濕晒咁同wxg去玩「太空摩天輪」，
諗住fing乾d水~
開頭都有d擔心，
因為之前試過玩到頭暈=.=
不過入去玩都好開心，
wxg坐我後面個架，
開始轉都唔驚，
轉到垂直我真係轉左360度，真係反轉晒，
個感覺…好難形容，
只係不停諗到轉左360度，
不過都算好玩，但玩一次就夠lu~
同wxg上左地都覺得有d失重心，
但過左一陣ok lu~

3rd樣就係去睇「海洋劇場」，
早左半個鐘去搵位，
咁岩有3個連位+有蔭+中層位，perfect！
開show前睇左d韻律泳+band show，幾好！
個show好正呀，個story雖然怪雞左d，
(因為佢用左3文2語，一時廣東話一時pth一時eng…)
d海豚+海豹超Q lor，
海豚好有活力，海豹就搞鬼！！
都影左d相，真係好睇到我不停嘩嘩聲！！
救人同人工呼吸個part好搞笑，
不過成套劇做得4個字…=.=

睇完就去sturgeon館，
其實我覺得佢同d鯊魚唔係差好遠，
但佢地都好靚，haha~~
始終都係人太多喇，又影唔切相，
我真係對lee個冇咩好感…
(恕我唔識欣賞)

之後因為海洋館太多人，
而走去坐摩天輪，等左超耐！！
係上面睇view好正，影左相，
轉左一個圈就要落lu~係上面開薯片食，哈~

落地後同wxg再去隔離既「飛天鞦韆」玩，
真係玩緊自動打千秋，好好玩！！
最鐘意fing到heidi面前同佢say hi，
但佢成日見唔到我>o<
平時轉一陣就會停，
但我地玩個陣換左個工作人， 好似玩耐左d~~~

意猶未盡，再去玩「瘋狂過出車」，
同越礦一樣，排左一陣就玩得~
坐尾4位，好快就玩完，
好唔刺激，太快太少轉圈。
玩完好似冇玩咁，失望~

再再去玩海盜船，超多人排！！
lee個正呀，激好玩！！
第一次同wxg坐尾3位，
好好玩，又好似玩千秋咁，
最重要係氣氛好好， say hi個d必做，
我最鐘意同heidi揮手，哈~
玩完第一次唔夠喉，
再排多次，今次要坐最尾！！
坐最尾果然係驚d， 升到最高個陣，
真係唔夠膽2隻手鬆晒，
不過夠晒刺激，好好玩呀！！

始終冇玩到上次玩左既跳樓機，
skip左佢去玩「翻天飛鷹」，
lee個唔係sell刺激係比你睇view，
um…幾好玩喇~~

之後又去番海洋館， 超少人，
而為佢close左tim呀！
嘩，好彩有黎咋！！
個d超大魚好正呀，大得好離譜呀！！
乜魚都有，d魔鬼魚大到可以包住我=.=
有勁多奇怪魚，不枉此行。

本身想玩咪夏水禮d濕身game，
點知唔岩玩+好攰，
so又冇玩lu~~
起程走lu，臨走去左某shop又玩影相~
heidi痴左，喪攞d海豚公仔影相，
影到我超悶+唔耐煩！！
本身想臨走影幅3人合照，
點知個自由行咁都唔幫手，
仲亂指d細路話叫佢地幫，
唔想幫都唔駛咁hea下話，
叫細路影，你白嫁！？
唔好意思，我太激動tim~
總知有d遺憾la…
搭629去金鐘mtr，好累~~

好喇，唔講喇，去訓la，88~~

(如有遺留，請提供，好想留低回憶)

差一點點

好多野都係差左少少，
世事真係有好多巧合...

今日陳強難得由九龍灣咁遠去左tw悅來，
我今日咁岩唔駛補習，緣慳一面...

聽日有人請去op，
但sis話d中國運動員後日先去...
再一次緣慳一面....

好無緣好無緣~

乖

今日好乖呀，晨咁早就同heidi去翠m做hw喇！！
我食早晨全餐(個名好似係咁)，
好多甩漏，激死了。

原來諗住做geog先既，
但因heidi食得太慢喇，
我轉為自己做左eng reading先~
好難呀，做左勁耐，勁晏訓...
坐左幾粒鐘，超凍，冇帶嬲...
同heidi輪流行出商場"溶雪"...

所以我地決定食d野黎warm下，
我地最後用左減$5既9件麥樂雞餐+$16巨無霸，
超抵lor，每人$18.9可以食到4.5件麥樂雞+一半巨無霸，
而且人人有一杯野飲，仲有薯條sharing食~~
不過唔知係我食得太快or heidi食得太慢，
我食晒我個份，佢先食左一件雞左右...
好大的極端...今日其實仲未完成hw任務，繼續努力！

跟住再同heidi去左樓下惠康買聽日去op既野，
買左好多野，都唔係駛左好多$~
同上次一樣買左3支水，
點解我次次買水都遇上買2送1~~><
聽日就去op lu，唔知會唔會有變數呢...
今晚仲有好多野做呀，加油！！

Queen Of Ping-Pong

大感動！！！！！！！

張怡寧打敗王楠衛冕乒乓球女單冠軍喇！！！

睇住佢反敗為勝，好tounching！！！！
氣勢上佢係輸左比王楠，(鬼叫人地打最後一年)
但佢依舊沉住氣，贏左先爆出黎，
好開心，好鐘意佢呀！！！
我係由04年開始鐘2佢嫁，

我覺得佢真係好勁，好pro，
比我一種好大既好感，好鐘意佢！！

睇住佢成功，好開心~~

要再有下一屆呀，記得呀！

菲比斯以外

我真係覺得我自己好煩，

我鐘意親既野都唔係主角。

係京奧既游水項目中，

我鐘意既唔係舉世觸目既菲比斯，
而係圖中既洛治同比亞素，(左至右)
我係鐘意比亞素多d既，
唔係又話我鐘意d叔叔，

佢真係好有魅力，好吸引，

暫且睇下我今次可以維持幾耐...

近照

這是田田的最新照片呀，
好掛住你呀，妤耐冇見喇！！！
你仲係好Q，好得呀！！
我已經喪聽你既新歌喇，
你出多d fun喇，太掛住你喇！！！！！

鸚鵡

真係不得不寫，今日好大風呀！
鸚鵡直吹hk呀，勁到爆炸！
連學都唔駛番，不過就吹去晒我d美食plan~
睇住天文台由3號風球變做8號再變9號，
仲話有可能變埋10號tim呀！！
誇到佢呀，真係未經歷過咁勁呀！！！
有得揀既當然唔想打咁大，
but我又好想睇下10號風球會點喎...(沒良心的)

今日為左體驗下8號風球之下既街係點，
特登一早跟左ar媽落街買野。(癲的~)
其實條街仲有好多人嫁，
大把人要落街買野~~
在街上，我看見：

1) 報紙極速被搶購，報紙檔+7-11。(情況類似奧運鈔or票)

2) 超市大排長龍，d人唔理3721乜都買，總知做得(食送)就買，
最好賣係一隻隻個d冰鮮雞lor，我ar媽都有買=.=

3) 第一次見到豬肉檔要排隊買野 = o =

4) d樹葉好似遇到龍捲風咁圍圈飛 (令我諗起d恐怖野)

暫時諗到咁多咋:P


打風既日子總是令人變得懶惰，
明明難得有一整天的假期，
卻沒有把握機會去溫書，
我實在太頹廢喇...

5c大變動

嘩嘩嘩！！！

唔係掛，岩岩去check eclass，
發現更新左5c既名單，
頂，有7個repeater呀！！
幾鬼大競爭呀，駛唔駛咁多人呀！？
好驚lor，不過遇強越強，我會努力！
但我真係唔想4c變質...

P.S. 我由13號變左17號，好唔鐘意！

好彩

今日去上eng前同sis去食m記，(又食><)
好唔好彩咁擺左烏龍，
激嬲左sis，希望佢快d唔記得！！

今日上eng個陣又有祈禱，
好好彩咁又冇比嗌中！！
hea到3點半，要上pth既人可以先走，
超恨+諗住有得早走，
點知咁岩走淨28人，
miss即係話要oral，god…
好唔好彩咁要同2位葉生一組，激想喊！！
好彩佢地2個都冇麥野，
今日又唔駛派人出去，大步檻過~
(heidi超好彩喇今次，下！！><)

今日硬着頭皮同佢走了，
咦，又ok喎，冇想像中咁差，
但心態已改變了。

短髮 byebye

第2日補課喇，個人仲係好唔慣，(懶慣左~)
今日起就暫別我既短髮生涯喇，
我又紮番條辮lu，即時涼左！
不過heidi比我既comment係好似變番f.1個頭…
好還是不好？

今日上eng前祚左禱希望唔好又叫我答問題，
miss kwok真係冇叫我呀，
係嗌左成24個人都唔中喎！！
感謝主對我既恩惠！
eng真係越黎越悶，
唔得，我真係要調整下自己先得！！

今日又掛住玩電腦+睇電視而冇溫到書，大失敗。

P.S. 好耐冇見中國女排打得咁好，感動。

3

今日勁攰lor，要去3個唔同既地方上堂呀！

今日第一日番eng補課，
好緊張呀，唔知會點既呢！？
不過最唔好就係阻住我睇京奧lor，
我睇唔到劉翔個part呀，激死！

番到學校，n人未番…
好耐冇見d同學 + miss kwok，
仲有今日wxg冇番！:P
好耐冇上堂，未適應~
上堂有點呆 +成日同heidi傾計~~
miss kwok又叫我答問題，
唔識，o左嘴，又nor左…
break個陣，紅心好恐怖，
成日纏住我，好煩！！> ^ <

break完之後就係oral，sxxt！
我又被迫要同heidi分開喇，
同YMK去左同冰+邱x達一組，(唔開你全名，費事污染我lee度)
每人要先講2分鐘野，
唉，我勁hea，講左大概1分鐘就dead晒…
後尾每組要派一個人出去present，
我地個組3女1男，男個個應該識做自己出去，
but我個組個個x就超sxxt lor，
死都話要猜，一d都唔gen lor！！
係呀，係我呀，我猜鬼輸左呀！！
唉，超倒霉，好鬼驚呀！！！！！
前面個幾組d人都講得好好，慘喇今次，
出去要對住成班，miss kwok仲要講「look at miss Fung」…
口騰騰身震震咁講，都係用唔晒2分鐘，
狂食螺絲+傻笑，不過就多左eye contect！！
終於講完，速走。
miss講左d咩就唔係好記得，
不過就知佢講我淨係比半班見到，側晒身…

上完咁剌激既eng，又要趕番home換3去補習，
真係超趕lor，好彩冇遲到！！
今堂maths好左，教新野，我冇再成日唔識~
超想快d落堂，因為仲要趕第3場！！

上完maths就行去m記食晚餐，
要自己一個人食，好慘~
食完再睇左一陣書就行去新城市，
時間岩岩好，7點半上到去24樓等左1陣就入得，
tony又overrun喇，9點幾先走得，
好彩條街唔係好黑，
等左一陣車就番home lu~

番到屋企超攰，成個人散晒。
不過仲有好多野未做，
搞到2點幾先訓，傻左。

P.S. 劉翔，請加油，我支持你！

今日...

今日中史終於補得成課，
好耐冇見d同學，
有少少唔記得，但有多多驚喜~
上堂上得好開心，
好高興可以重拾鐘意中史既感覺！！

今日同kwan傾計，原來佢同我一樣，
大家同樣比d野纏住...
(7月流流仲亂講野...驚)
我就被衛斯理...d書纏，
佢就被福爾摩斯...d書纏~:P

今日刻意沒等你便走了，
心虛的我決定逃跑了，
我想比大家自己，
想必你也不想跟我走吧...

P.S. 今日為左番lee個，睇唔到女團體操頒獎呀！！！！！

I miss you

唉，買左咁多屈臣，
結果一個都冇中，
好灰好激氣！！><
又冇得去見田田喇！！
好想去好想去好想去...

8號 again

今日又打風喇，
亦都再次打散左我既plan！
本身今日去幫東華賣旗，
但你睇下d雨、睇下d風...
連續2次搞亂左我d野喇，
有點恨你！

大家努力！

好勁！！

今年好多s.c.gaw人會考考得好好，
有成幾個廿幾分！！！！！
我地09會考既都要加油呀，
我地都可以咁勁嫁！！！
我要見到我地一齊開心歡呼既畫面！
If you think you can , you can！！

始動！

我的房間大裝修，始動！！！

P.S. 今年s.c.gaw有人29分，勁呀！

還算朋友麼？

還是朋友麼？
不要怪我第一句就跟你說這句說話！
為甚麼所有事也不跟我說？
為甚麼要暪着我？
為甚麼所有事也不跟我分享？
我還是你朋友嗎？
一次算吧、兩次算吧…
我容忍你那麼久，你也是無動於束？
為何你所有事也是從旁人來告訴我？
這感覺很難受很難受！！！
這不是「朋友」的所為。
不要令我恨你！！

我們是從何時變了這樣？
我們要回到起點，從頭開始嗎？
你究竟有沒有顧慮過我？
原來，我從來就只是一個人。

我多次曾努力修補我們的關係，
但是，是你放棄我吧，
我究竟是那裏不好？
那處你看不順眼？
我不要永遠作主動，我已厭倦了。
你既然不介意，我亦放棄吧！
我不需要一個愛理不理的人！！

我想，我們該退回成為「普通朋友」吧，
對你，我很陌生。

對不起，我們無法當一世的朋友。

妹妹妹妹

我與妹妹妹妹 (Ekee & wwwinggg) 的合照，wowowo~~

活動場地一影！

ekee + wwwinggg的簽名，YEAH~

妹妹口中的"神秘禮物"~~

今日去妹妹妹妹喇，yeah~~
下午1點出發，gogogo~

去到會展差唔多2點3度，
係出面排左陣就入左去會議廳排，
同昨日一樣，出現「籌」既問題，
好彩我唔關事，但戥個d白黎既人慘！！
今日唔算好多人黎，好驚ee同www唔開心！><
不過原來有d人係去左簽森美先，
所以後尾多番d人！！不過個場都唔full…
等左好耐，因為我地太早到…
等左陣，發現王郁，係超近距離！！
佢簡直就係我面前行過，
不過我冇影佢，可能唔太like佢~:p
ar郁係去撐森美，佢搶盡風頭！！(特登的！)

等等下，ee同www黎喇，
不過開頭影唔到佢地相，
我個位唔係太好，唔緊要，
我等我去到佢地面前先影！！
等左唔係好耐，終於到我喇！！
我超緊張，因為好近距離見到佢地，
嘩！！佢地好靚靚靚靚靚呀！！
又nice喎，我見到ee係超白lor！！
比佢地簽個陣，我話比ee聽我叫咩名，
同Leo一樣，聽得唔係清楚，
懷疑係我口齒不清…
點知ee寫完我個名之後，
www突然講左句野令我好surprise！！
佢竟然講「你個名我係forum度見過喎」，
我都回左句「係呀。」(語無論次) ，
嘩，激開心lor，www認得我呀！！！>.<
估唔到仲有得影合照，正呀！！
全部都係預料之外既事呀！！！！！
I Get It！！

走個陣，特登走去森美個度睇，(佢個簽名會係正隔隔離)
佢仲係度呀，雖然遠左d，
但仲見到佢好靚仔+好大隻，ha~
而且…再次見到ar郁，
今次佢仲企我隔離tim呀，
我又係冇影到相，唉~
不過我真心覺得ar郁個頭好正，
同埋佢同相中既佢冇分別…
其實仲有王貽興係妹妹妹妹既隔離，
佢真係唔太靚仔…

嘩，lee 2日見到好多明星or名人！！
好開心+驚喜，真係無悔lor~
今個暑假好充實！！

P.S. 有好野就梗有衰野…
今日我又犯了罪，我冇讓座2次…
mum又發生了事…
今日曬我張被郤偏偏下雨…

P.P.S. 今日特登去買左份《蘋果日報》，
睇下我係唔係真係上左鏡，
結果…係冇既~

Leo簽書會！！

我與Leo的合照，Yeah~

超多人撐Leo，勁！

fions sit，好靚~

提了名的簽名，gdgdgd~

芒果沙冰

相簿Link：http://picasaweb.google.com.tw/fkm0530/Leo

嘩！！！太開心喇！！！
我攞到喇，I Get It！！
攞到Leo簽名喇，yeah~
仲有合照呀，yeahyeahyeah~~~
Just Do It！！

今日就係Leo簽書會既大日子，
亦都係我人生第一次去會展簽名會既大日子！
好緊張呀，一定要簽到呀！
去之前祚晒禱，天父要保佑我！！
2點鐘出門口，落到去岩岩有架巴士，
估唔到第一樣要做既野就係追巴士！！=.=
平安到達青城平安搭MTR，平安去到灣仔，
痴線，超多人去書展lor，
我lee d唔係去書展既人都要同佢地一齊迫！！
迫到某地，我終於有路走，yeah~
嘩！真係超熱同超曬，好彩我有晒準備，
不過開晒遮都冇咩用！！(我懷疑個陣有40度！)
唉，唔想迷路，但都係要迷路！
行到某地，明明黎過都係唔記得，
行左不少寃枉路後，終於成功到達博覽道大堂，
比預定時間遲左，但好彩未排隊！

去到3點3度，諗住已經有好多人排緊，
點知個實Q話要3點10先有得排，
超，早知唔駛咁趕喇！！
等呀等呀等呀，見到好多”同道中人”，
個個都攞住本《喪do男》，好有趣！
等到唔知幾時，Leo佢地出現左呀，
我地班fans緊係撲上去睇下咩事，
嘩，第一次咁近距離見到佢，
都冇攞得切相機，佢就入左去裏面lu！
又等左一陣，終於排得隊，
不過場面有d混亂，唔知去邊到排，
我突然見到有d人急急腳咁行去圍欄(鐵馬) 裏面，
我緊係唔執輸都去喇，結果lee個決定係岩既，
因為開頭冇咩人知既關係，我成功排到頭7 or 8既位，
勁開心，有d眾人皆醉我獨醒既感覺，ha~(驕傲性格又出現…)

等等下，Leo行過黎我地個度叫我地一齊舉高本書影相，
我緊係照做喇，不過始終係第一次，
我做左d傻野…(岩岩先話完自己醒..)
人人舉高個陣係順便遮埋自己個樣，
我就…毫無經驗下我竟然舉得本書好高，
個樣就出晒鏡，omg！
後尾都跟人遮番喇，
不過都流左好多張有樣既出去，
希望個d相唔要得，唔好登呀！
Leo叫我地幫手個陣，
我突然覺得佢冇我想像中咁搞笑，
反而係好認真個一種！！
繼續等，影左好多相，
但其實全部都係偷影Leo、陳強等人…
見到好多人呀，有明星有903人，超開心，
係真係估唔到有咁多人出現撐Leo！！
先係有fiona + 鄭融出黎撐佢，
搞到做左好耐訪問…
不過佢地2個都超靚，又成日大笑，
佢地3個真係好fd呀，haha~

真係見到好多人嫁，
陳強、amber、光仔就一定會出現嫁喇，
不過陳強唔知係唔係趕番去做U，
勁快走，影左佢勁少相咋！
amber真人靚過睇相，ha~
光仔把聲怪怪地，kaka~
估唔到今日3姜都黎撐喪do男，
佢真人真係好靚仔呀，之早我都唔覺既！
好多人搵佢合照，我都想…(佢太好人，有求必應！)
最估唔到蕉蕉同傑傑都黎埋，
佢地仲要着埋喪do男fan club衫，型！
佢地係係我面前出現，超近！！！
我緊係即係攞部機黎影佢地，
佢地都比我地嚇左嚇，好似仲「嘩」左聲，ha~
冇計喇，鬼叫佢地係903中數一數二既靚仔，呵！

嘩，開始放人入去喇，好緊張呀！！
但當個d工作人員話我地簽硬既時候，我個心都定番d！
我前2個諗住入去個陣，朱fun突然出現，
雖然我地所有人一早知佢會黎，
但佢既出現都令我地同d記者嘩嘩聲！
佢仲送花比Leo，搭晒"博"頭影相，
仲有d記者叫朱fun錫Leo一啖，痴線！
咁緊係冇錫到喇，人地有ar榮嫁喇麻…
騷動左一陣，又開始放人入去lu！

下個到我喇，好驚呀！
我比本書Leo，不過條友叫我地合左照先，
影完我半踎半跪係佢隔離，
超近！！！連佢d暗瘡印都睇到！！
佢仲問我叫咩名，我話FKM，
不過佢都係要聽2次先寫到…
佢比番我，我即係講多謝，超開心！
佢都同我講番「多謝你既支持！」~~
嘩，成件事好夢幻，我而家仲未開心完！
(不過我可能入左好多鏡，希望唔好係電視見到我！)

走個陣，fiona咁岩都要走，
係正我隔離，不過我冇勇氣攞合照 (蠢！！)，
但我都影左d近鏡相，
佢真係好靚，點解隻眼可以咁大！？
佢有勁多人搵佢影相，佢都好樂意，
都搞左好耐先走，我都迫左好耐！
超開心，真心佢好靚！
其實我仲見到軒仔，不過好遠見到！

今日有多人黎撐Leo，條隊長到呀，
好彩我唔駛等好耐！！
Leo之前太緊張喇，點會冇人撐你呀！！
又有幾多人舉牌，我終於見到相中好靚個個fan ar E，
佢真係好靚，但件衫未免太性感吧，個妝也太濃吧…
聽日Leo生日，佢d super fan真係買埋蛋糕，
係有幾個lor痴線，我冇留低睇，
不過我估一定勁好睇+Leo好感動，
一定幾多記者爭住影，haha，
今次Leo有得發圍喇！！

聽日要去埋妹妹妹妹，gogogo！！

番home個陣突然好想飲沙冰，
轉車去左kf，特登去3樓買，
買左杯芒果沙冰，好好飲，
佢落左好多冰，但仲有芒果味+甜，
不過都幾貴，成$7，以前$5…
(後尾sis講番話我做咩唔去7-11買，又大杯又平，係喎...)

今日真係好開心，Just Do It！

聽日！

聽日就去簽名會喇，好緊張！！
Leo，加油呀！！
Just Do It！！

今日發了脾氣，有點內疚…

P.S. 希望別迷路！

雜記

因為係書展買到好野 (數碼暴龍02．1)，
所以今日決定一次過翻睇成套漫畫！
到而家都係睇左一半咋，
老實講，我都係鐘2數碼暴龍01多d，
而且我d壞習慣開始出黎，
我成日都唔小心飛左d字，直接睇圖…
都係睇小說散文個d岩我多d~

今日lunch又自煮螺絲粉喇，
不過今日唔用芝士，用蕃茄意粉醬！
又係煮得好靚呀！！！！！(自讚中~)
個look真係好得，而且幾好食，下次再煮~

今日又有一個同學問我hw既問題喇，
唔通大部份人已經開始了study！？
唔係掛，我仲渾噩緊喎！！

書展勁好玩！

書展10本書！

本書好睇，把扇好靚！>.<

2個簽名籌，yeah~

↑率先有海寧的簽名！

書展開始左喇！！
巴打們，快d衝去喇！！

今日約左leelaam + her fd 9點一齊去，
但佢地遲左好多，因為her fd岩岩起身…
算喇，lee個唔係main point！
我地大約10點入到hall 1，
我就同佢地分道揚鑣，
因為我地其實係一齊去，但唔係一齊行，
佢地個d「尋夢園」唔岩我…

朝早人流好ok，唔太多，行得好舒服，
我開始好鐘意朝早去！！
出年都要咁，又買到鐘2既書，又唔多人！

一入到場超興奮lor，
為左要攞簽名籌，
拿拿聲衝過去天地，
激死人喇！！！！
馬仔d籌派晒喇！！
(後尾先知，d籌係9點半前派晒，omg)
灰爆，差d唔記得找$...
lee度攞唔到，即刻去知出版！
一手攞左2本書，去比$！
Yeah~有籌喇今次！
有d簽喪do男喇，仲有妹妹妹妹！！！
但其實妹妹妹妹個個唔駛籌，
唔知點解又派？why？
但唔理喇，總之就簽到名，就勁開心！！！！！

買完以上個d其實都輕鬆晒，
慢慢去買埋ar sa個本，
再行下行下就買多左幾本！
再跟住去hall 2，d野差唔多，
又買左少少野，就去埋hall 5，
執到寶，開心心心~~

今年冇買過突破任何野，好貴呀！！
今日本身可以搵葉劉淑儀or陳志雲簽名，
but我冇咁做到，真心唔太想為佢地而破費！
行到12點幾就走lu，
行到勁攰呀，d書好重！！

好！報告下先！
我買左10本書，大約用左$460~
算抵嫁喇，我好忍得手嫁喇！！
10本書如下：
1) 我們的低能婚禮(有扇送，靚靚) -小馬
2) 妹妹妹妹 – ekee+wwwinggg
3) 喪do男 -喪do男
4) 單．親．愛 – Sa
5) 正音功 -朱薰
6) 卑微裡活出勇氣 -曾繁光
7) 第一次一個人旅行(簡體) -高本直子
8) 三萬呎高空上的喝采聲(簽名限量版) -藍海寧
9) 我不是黑羊 -關麗珊
10) 數碼暴龍02 (1) -？ [我有儲開lee set漫畫，岩岩差lee本！yeah~]

真係買得超開心，
好多正野呀，
雖然好攰，但咁係值得既！！

去完番到青衣城仲買左芝麻雪糕新地，
個樣嚇親人，但味係ok既~

P.S. 走個陣唔知邊到有MTR，
差d迷路，超驚！！！