妹妹妹妹

我與妹妹妹妹 (Ekee & wwwinggg) 的合照，wowowo~~

活動場地一影！

ekee + wwwinggg的簽名，YEAH~

妹妹口中的"神秘禮物"~~

今日去妹妹妹妹喇，yeah~~
下午1點出發，gogogo~

去到會展差唔多2點3度，
係出面排左陣就入左去會議廳排，
同昨日一樣，出現「籌」既問題，
好彩我唔關事，但戥個d白黎既人慘！！
今日唔算好多人黎，好驚ee同www唔開心！><
不過原來有d人係去左簽森美先，
所以後尾多番d人！！不過個場都唔full…
等左好耐，因為我地太早到…
等左陣，發現王郁，係超近距離！！
佢簡直就係我面前行過，
不過我冇影佢，可能唔太like佢~:p
ar郁係去撐森美，佢搶盡風頭！！(特登的！)

等等下，ee同www黎喇，
不過開頭影唔到佢地相，
我個位唔係太好，唔緊要，
我等我去到佢地面前先影！！
等左唔係好耐，終於到我喇！！
我超緊張，因為好近距離見到佢地，
嘩！！佢地好靚靚靚靚靚呀！！
又nice喎，我見到ee係超白lor！！
比佢地簽個陣，我話比ee聽我叫咩名，
同Leo一樣，聽得唔係清楚，
懷疑係我口齒不清…
點知ee寫完我個名之後，
www突然講左句野令我好surprise！！
佢竟然講「你個名我係forum度見過喎」，
我都回左句「係呀。」(語無論次) ，
嘩，激開心lor，www認得我呀！！！>.<
估唔到仲有得影合照，正呀！！
全部都係預料之外既事呀！！！！！
I Get It！！

走個陣，特登走去森美個度睇，(佢個簽名會係正隔隔離)
佢仲係度呀，雖然遠左d，
但仲見到佢好靚仔+好大隻，ha~
而且…再次見到ar郁，
今次佢仲企我隔離tim呀，
我又係冇影到相，唉~
不過我真心覺得ar郁個頭好正，
同埋佢同相中既佢冇分別…
其實仲有王貽興係妹妹妹妹既隔離，
佢真係唔太靚仔…

嘩，lee 2日見到好多明星or名人！！
好開心+驚喜，真係無悔lor~
今個暑假好充實！！

P.S. 有好野就梗有衰野…
今日我又犯了罪，我冇讓座2次…
mum又發生了事…
今日曬我張被郤偏偏下雨…

P.P.S. 今日特登去買左份《蘋果日報》，
睇下我係唔係真係上左鏡，
結果…係冇既~

Leo簽書會！！

我與Leo的合照，Yeah~

超多人撐Leo，勁！

fions sit，好靚~

提了名的簽名，gdgdgd~

芒果沙冰

相簿Link：http://picasaweb.google.com.tw/fkm0530/Leo

嘩！！！太開心喇！！！
我攞到喇，I Get It！！
攞到Leo簽名喇，yeah~
仲有合照呀，yeahyeahyeah~~~
Just Do It！！

今日就係Leo簽書會既大日子，
亦都係我人生第一次去會展簽名會既大日子！
好緊張呀，一定要簽到呀！
去之前祚晒禱，天父要保佑我！！
2點鐘出門口，落到去岩岩有架巴士，
估唔到第一樣要做既野就係追巴士！！=.=
平安到達青城平安搭MTR，平安去到灣仔，
痴線，超多人去書展lor，
我lee d唔係去書展既人都要同佢地一齊迫！！
迫到某地，我終於有路走，yeah~
嘩！真係超熱同超曬，好彩我有晒準備，
不過開晒遮都冇咩用！！(我懷疑個陣有40度！)
唉，唔想迷路，但都係要迷路！
行到某地，明明黎過都係唔記得，
行左不少寃枉路後，終於成功到達博覽道大堂，
比預定時間遲左，但好彩未排隊！

去到3點3度，諗住已經有好多人排緊，
點知個實Q話要3點10先有得排，
超，早知唔駛咁趕喇！！
等呀等呀等呀，見到好多”同道中人”，
個個都攞住本《喪do男》，好有趣！
等到唔知幾時，Leo佢地出現左呀，
我地班fans緊係撲上去睇下咩事，
嘩，第一次咁近距離見到佢，
都冇攞得切相機，佢就入左去裏面lu！
又等左一陣，終於排得隊，
不過場面有d混亂，唔知去邊到排，
我突然見到有d人急急腳咁行去圍欄(鐵馬) 裏面，
我緊係唔執輸都去喇，結果lee個決定係岩既，
因為開頭冇咩人知既關係，我成功排到頭7 or 8既位，
勁開心，有d眾人皆醉我獨醒既感覺，ha~(驕傲性格又出現…)

等等下，Leo行過黎我地個度叫我地一齊舉高本書影相，
我緊係照做喇，不過始終係第一次，
我做左d傻野…(岩岩先話完自己醒..)
人人舉高個陣係順便遮埋自己個樣，
我就…毫無經驗下我竟然舉得本書好高，
個樣就出晒鏡，omg！
後尾都跟人遮番喇，
不過都流左好多張有樣既出去，
希望個d相唔要得，唔好登呀！
Leo叫我地幫手個陣，
我突然覺得佢冇我想像中咁搞笑，
反而係好認真個一種！！
繼續等，影左好多相，
但其實全部都係偷影Leo、陳強等人…
見到好多人呀，有明星有903人，超開心，
係真係估唔到有咁多人出現撐Leo！！
先係有fiona + 鄭融出黎撐佢，
搞到做左好耐訪問…
不過佢地2個都超靚，又成日大笑，
佢地3個真係好fd呀，haha~

真係見到好多人嫁，
陳強、amber、光仔就一定會出現嫁喇，
不過陳強唔知係唔係趕番去做U，
勁快走，影左佢勁少相咋！
amber真人靚過睇相，ha~
光仔把聲怪怪地，kaka~
估唔到今日3姜都黎撐喪do男，
佢真人真係好靚仔呀，之早我都唔覺既！
好多人搵佢合照，我都想…(佢太好人，有求必應！)
最估唔到蕉蕉同傑傑都黎埋，
佢地仲要着埋喪do男fan club衫，型！
佢地係係我面前出現，超近！！！
我緊係即係攞部機黎影佢地，
佢地都比我地嚇左嚇，好似仲「嘩」左聲，ha~
冇計喇，鬼叫佢地係903中數一數二既靚仔，呵！

嘩，開始放人入去喇，好緊張呀！！
但當個d工作人員話我地簽硬既時候，我個心都定番d！
我前2個諗住入去個陣，朱fun突然出現，
雖然我地所有人一早知佢會黎，
但佢既出現都令我地同d記者嘩嘩聲！
佢仲送花比Leo，搭晒"博"頭影相，
仲有d記者叫朱fun錫Leo一啖，痴線！
咁緊係冇錫到喇，人地有ar榮嫁喇麻…
騷動左一陣，又開始放人入去lu！

下個到我喇，好驚呀！
我比本書Leo，不過條友叫我地合左照先，
影完我半踎半跪係佢隔離，
超近！！！連佢d暗瘡印都睇到！！
佢仲問我叫咩名，我話FKM，
不過佢都係要聽2次先寫到…
佢比番我，我即係講多謝，超開心！
佢都同我講番「多謝你既支持！」~~
嘩，成件事好夢幻，我而家仲未開心完！
(不過我可能入左好多鏡，希望唔好係電視見到我！)

走個陣，fiona咁岩都要走，
係正我隔離，不過我冇勇氣攞合照 (蠢！！)，
但我都影左d近鏡相，
佢真係好靚，點解隻眼可以咁大！？
佢有勁多人搵佢影相，佢都好樂意，
都搞左好耐先走，我都迫左好耐！
超開心，真心佢好靚！
其實我仲見到軒仔，不過好遠見到！

今日有多人黎撐Leo，條隊長到呀，
好彩我唔駛等好耐！！
Leo之前太緊張喇，點會冇人撐你呀！！
又有幾多人舉牌，我終於見到相中好靚個個fan ar E，
佢真係好靚，但件衫未免太性感吧，個妝也太濃吧…
聽日Leo生日，佢d super fan真係買埋蛋糕，
係有幾個lor痴線，我冇留低睇，
不過我估一定勁好睇+Leo好感動，
一定幾多記者爭住影，haha，
今次Leo有得發圍喇！！

聽日要去埋妹妹妹妹，gogogo！！

番home個陣突然好想飲沙冰，
轉車去左kf，特登去3樓買，
買左杯芒果沙冰，好好飲，
佢落左好多冰，但仲有芒果味+甜，
不過都幾貴，成$7，以前$5…
(後尾sis講番話我做咩唔去7-11買，又大杯又平，係喎...)

今日真係好開心，Just Do It！

聽日！

聽日就去簽名會喇，好緊張！！
Leo，加油呀！！
Just Do It！！

今日發了脾氣，有點內疚…

P.S. 希望別迷路！

雜記

因為係書展買到好野 (數碼暴龍02．1)，
所以今日決定一次過翻睇成套漫畫！
到而家都係睇左一半咋，
老實講，我都係鐘2數碼暴龍01多d，
而且我d壞習慣開始出黎，
我成日都唔小心飛左d字，直接睇圖…
都係睇小說散文個d岩我多d~

今日lunch又自煮螺絲粉喇，
不過今日唔用芝士，用蕃茄意粉醬！
又係煮得好靚呀！！！！！(自讚中~)
個look真係好得，而且幾好食，下次再煮~

今日又有一個同學問我hw既問題喇，
唔通大部份人已經開始了study！？
唔係掛，我仲渾噩緊喎！！

書展勁好玩！

書展10本書！

本書好睇，把扇好靚！>.<

2個簽名籌，yeah~

↑率先有海寧的簽名！

書展開始左喇！！
巴打們，快d衝去喇！！

今日約左leelaam + her fd 9點一齊去，
但佢地遲左好多，因為her fd岩岩起身…
算喇，lee個唔係main point！
我地大約10點入到hall 1，
我就同佢地分道揚鑣，
因為我地其實係一齊去，但唔係一齊行，
佢地個d「尋夢園」唔岩我…

朝早人流好ok，唔太多，行得好舒服，
我開始好鐘意朝早去！！
出年都要咁，又買到鐘2既書，又唔多人！

一入到場超興奮lor，
為左要攞簽名籌，
拿拿聲衝過去天地，
激死人喇！！！！
馬仔d籌派晒喇！！
(後尾先知，d籌係9點半前派晒，omg)
灰爆，差d唔記得找$...
lee度攞唔到，即刻去知出版！
一手攞左2本書，去比$！
Yeah~有籌喇今次！
有d簽喪do男喇，仲有妹妹妹妹！！！
但其實妹妹妹妹個個唔駛籌，
唔知點解又派？why？
但唔理喇，總之就簽到名，就勁開心！！！！！

買完以上個d其實都輕鬆晒，
慢慢去買埋ar sa個本，
再行下行下就買多左幾本！
再跟住去hall 2，d野差唔多，
又買左少少野，就去埋hall 5，
執到寶，開心心心~~

今年冇買過突破任何野，好貴呀！！
今日本身可以搵葉劉淑儀or陳志雲簽名，
but我冇咁做到，真心唔太想為佢地而破費！
行到12點幾就走lu，
行到勁攰呀，d書好重！！

好！報告下先！
我買左10本書，大約用左$460~
算抵嫁喇，我好忍得手嫁喇！！
10本書如下：
1) 我們的低能婚禮(有扇送，靚靚) -小馬
2) 妹妹妹妹 – ekee+wwwinggg
3) 喪do男 -喪do男
4) 單．親．愛 – Sa
5) 正音功 -朱薰
6) 卑微裡活出勇氣 -曾繁光
7) 第一次一個人旅行(簡體) -高本直子
8) 三萬呎高空上的喝采聲(簽名限量版) -藍海寧
9) 我不是黑羊 -關麗珊
10) 數碼暴龍02 (1) -？ [我有儲開lee set漫畫，岩岩差lee本！yeah~]

真係買得超開心，
好多正野呀，
雖然好攰，但咁係值得既！！

去完番到青衣城仲買左芝麻雪糕新地，
個樣嚇親人，但味係ok既~

P.S. 走個陣唔知邊到有MTR，
差d迷路，超驚！！！

再遇 Bat Man

唔係去睇多次呀，
而係今日見到Bat Man...個像呀！
不過都好靚嫁，sis仲影左相tim呀！
本身想行埋去影d白痴相，
但因淆底而放棄了~

P.S. 今日終於有番D family day既感覺！

xxxxxxxxxxxxxxxxxxxxxxxxxxxxxxxxxxxxxxxxx

如無意外，書展要自己去了，有點失落...

Bat Man - The Dark Knight

《蝙蝠俠 – 黑夜之神》

(本文涉及戲中劇情，不喜勿看)

等左lee套戲好耐喇！！！
今日終於晨早同sis起身去睇，
睇早場9：30，全戲完第一套，勁~
果然不負眾望，超好睇！！
我想入場睇多次呀，
係近年唯一一套有令我想入場睇多次既衝動！！
好感動呀，終於圓左一個夢喇，仲要係個美夢！！
巴打，如果你未去睇，你快d去睇喇，睇碟唔好睇嫁！！

講番套劇先，無論選角or特技，全部都極好！
一開始就強調Bat Man佢唔係英雄，
佢只係一個沉默既守護者，
佢會比人當神咁拜，佢亦會比人唾罵厭棄。
小丑既出現真係令所有野癲晒，
因為小丑真係癲得可怕，
無論行為or性格，全是瘋的！！
小丑講既野冇一句係真，
好彩戲中佢次次都講真既爆炸地點…
當局者迷，自己通常係睇唔到自己既缺點，
小丑既出現，終於把Bat Man迫瘋了！！
小丑令他心裏不斷煎熬，甚至要向小丑投降！！
小丑好似冇弱點咁，你點打佢迫佢，
佢都愛理不理，因為佢最鐘意利用人既心理，
佢其實最想證明「人性皆惡」！！
佢某程度上係成功既，佢成功令一個好人英雄 (not Bat Man)，
變成一個恐怖人，殺人唔貶眼！！
小丑厲害之處莫過於此！！
亦都再次說明「好與壞只是一線之差」。

佈局非常好，每秒都有緊張位！！
我個人最鐘意渡輪個一幕戲，
小丑癲到係2隻船個度都裝左炸彈，
比晒2個引爆器個2隻船，
要佢地鬥快炸佢地，如果佢令唔係2隻一齊爆，
又係考驗下人性既脆弱，想證明佢既諗法，
但今次佢失敗左，2隻船都冇炸對方，
lee段戲係一邊囚犯，一邊係普通市民，
雖然一度2邊都有起哄話要炸對方，
但最後大家都落唔到手，
囚犯個邊直程掉左個引爆器落海，勁灑脫！
今次，好似係證明左「人性皆善」喎！！

好多人都話影hk個度好靚，
下！？係咩，我唔覺既，
一開始影個陣，我只係覺得hk能見度好低，
夜晚好左，不過冇想像中咁正，
唯一極可觀就係Bat Man係國金一躍而下個part，超壯觀！
其實影hk個part都唔知有冇10分鐘，
劇情直程有d"夾硬"， 唔通收左政府$？ha~
最可惜，我係完全睇唔到edc既出現，
我sis都睇到喎，不過佢出場大概只得3秒…

Bat Man有咩比其他英雄好？就係有錢！！
佢d設備勁到呀，真係達到想點就點既地步！！
個個「聲控」真係好強，落入d極權政府就die，
但Bat Man個邊d人好好，唔愛擁有咁大權力，
用完就即爆炸，一d都唔留戀，超讚！
有一個有少少無里頭既地方，
就係套戲某程度上係有少少專注講狗，
好鐘意用狗黎做武器，有少少咁多多關連，why？

成套戲小丑真係極癲， 做每一樣野都痴過人，
某幾個位我直程係個位度講左句「痴線」！
佢都有好多唔同既殺人方式，
唔算好驚喜，多數都係佢鐘意既爆炸，
得足以令人心寒，怕左lee個小丑！
咪睇少lee套戲，有gag位有嚇人位嫁！！
gag位就唔係好記得係邊喇，不過真心好笑，ha~
嚇人位有好多，最驚個個位我而家仲記得！！
當哈維(主角之一)同市長傾緊野個陣，
咁個間房係有好多落地玻璃大窗，
就突然間出現一個被吊住既Bat Man，
一野撞落個窗度，冇話個2個戲中人驚，
我地全個戲完都被佢嚇左嚇呀！！
特技好強呀，爆炸撞車打架，全部都嘆為觀止！
睇lee套戲就好似搭緊過出車咁，我連一個"喊怒"都冇打過呀！！

咳咳，講下人物方面先！
Bat Man選角好正，靚仔到暈呀，個角色又有$又有body，完美呀！！
但其實Bat Man係悲劇人物，
佢唔單止要背負比人唾罵，
佢唔會成為英雄，佢只係守護者，
冇人會仰慕佢，佢只係「鐘無艷」，
正如sis咁講，市民有需要既時候，佢地先會鐘意Bat Man，
當Bat Man做唔到佢到要求既野，佢地又厭棄佢！！
而且，另一方面，佢最鐘意既女仔—Rachel，
最後都冇揀到佢，因為佢知道Bat Man一生都係Bat Man，
永遠都唔有放低既一日…
自古英雄配美人，但Bat Man沒有。

講下女主角先，Rachel。
佢唔算係大美人，但有一種討好人既感覺，
佢個樣都算靚，而且又係醒醒目目個隻！
最羨慕佢有2個咁powerful既男人鐘意佢，超正！！
但最慘佢最後都係要死，
仲要係臨死之前留左封信咁Bat Man死心，
唉，好彩ar福最後都冇比Bat Man睇，
人都死左喇，比佢留d希望lor~
但換轉我係Rachel，我會唔會揀Bat Man呢？
我諗我唔會，我都唔想成為佢既包伏，
唔想佢有顧慮，不過，佢真係激靚仔喎！！

最後講埋Joker先，我最鐘意既角色！
佢真係好癲，癲到我真係驚有人睇完學佢痴左線！
好鐘意希治演得咁好，佢真係演活左Joker！！
佢個外形非常出，好襯Joker，
特別係個把頭髮同佢嘴個個疤痕！
佢戲中有好多小動作，
我最記得佢每當講野都會舔下唇，
我覺得佢係刻意咁做嫁！！！
佢咁樣更令覺得Joker有生命力，
真係有lee一類人，唔係只係角色咁簡單！！
佢演得好真，特別係笑聲，
聽親都令人心寒，係真心feel到佢既奸！！
希治仲有好多演得好既地方，真係不能盡錄！
唔知佢係唔係真係抽離唔到，我唔知亦都唔想知，
但我只想同希治講，你冇令全球觀眾失望，
希治，we proud of you！

我好開心可以睇到lee套戲，
能夠真真正正入場感受，
我好榮幸，好感動！！
我諗lee套係我既今年「The Best Movie」

雖然成套戲咁好睇，
但有d野都係要鬧既！
唔該睇親lee d比較嚴肅，
要全場靜晒黎睇既戲呢，
就唔好帶d細路黎喇，
真係激到我死呀，
我真係好驚d細路又問問題又大叫個d lor，
No More Children Please！！

諗到新野再後補！

P.S. 今次有少少唔好彩，
坐我前面個個比較高，
遮左我少少字幕，
佢又郁黎郁去，妖！

P.P.S. 當我睇完戲問番sis少少上幾集Bat Man既野個陣，
佢竟然答左Spider Man d野比我，god…

tagtagtag

♥♥♥♥♥♥♥♥♥♥♥♥♥♥♥♥♥
被誰tag了:: kwan
和他么關係:: 同班同學+gd fd

- 1♥名:: fkm
- 2♥年齡:: 16
- 3♥生日日期:: 5月30
- 4♥星座:: 雙子
- 5♥學校:: s.c.gaw.
- 6♥班別:: 4C
- 7♥學號:: 13
- 8♥班主任:: Miss吳

♥♥♥♥fD篇♥♥♥♥
- 9♥最低能:: erica
-10♥最傻:: kwan
-11♥最令女:: 唔話你知
-12♥最令仔:: 真係冇
-13♥最可愛:: kwan
-14♥最樣衰:: xxx
-15♥最賤格:: 4a的男仔 (哈！)
-16♥最有魅力:: 好多
-17♥最受歡迎:: 同上的人
-18♥有異性緣:: 同上上的人
-19♥最老友::kwan+wxg+heidi

♥♥♥♥愛情篇♥♥♥♥
-20♥初戀係幾時:: 未有
-21♥兒家有冇情人::no
-22♥冇的話,,暗戀定明戀:: 暗 (知道是誰嗎？)
-23♥暗戀的話做咩唔表白:: 身份、地位…
-24♥明戀既,,對方因咩唔接受:: n/a
-25♥為佢做過最傻既事:: 太多
-26♥點識佢:: f.1的事
-27♥最想知道佢d咩:: 所有野
-28♥如果佢有一日同你講佢聽日就死你會點:: 幫佢祈禱lor
-29♥同佢做過最幸福,,最開心既事:: 旅行個次！
-30♥希望佢點睇你:: 可愛有趣既人or有用既人！！

♥♥♥♥三選一篇♥♥♥♥
-31♥日本,,英國,,美國:: 日本
-32♥老鼠,,蚊,,烏蠅:: 蚊
-33♥hello kitty,,meodly,,monchhichi:: monchhichi
-34♥水,,牛奶,,茶:: milk
-35♥廁所,,廚房,,垃圾房:: 廚房
-36♥電話,,電腦,,電視:: 腦
-37♥中文,,英文,,普通話:: 一定唔係pth！！
-38♥飛輪海,,棒棒堂,,f4:: 3人都非本人心水
-39♥周杰倫,,陳冠希,,古巨基:: 同上
-40♥twins,,hot cha,,at17:: twins twins twins twins twins
-41♥背書,,食藥,,介手::背書
-42♥紅,,白,,藍:: 紅
-43♥唔貶眼10分鐘,,唔呌氣10分鐘,,唔吞口水1個鐘:: 唔貶眼10分鐘

♥♥♥♥點名篇♥♥♥♥
被點的13人請完成100問!
a) kwan
b) wxg
c) heidi
d) 雪
e) lee laam
f) 牛牛
g) cmm
h) 高靖
i) sms
j) cl
k) 紅心
l) tin
m) jojo

-44♥::a係低b,,白痴定弱智:: 3個都唔係，係傻！
-45♥j同你表白你會接受佢嗎:: no la
-46♥如果d同e死左拜邊個先:: d，最好唔好死！
-47♥比你咬c一啖,,你咬邊度:: 手，佢個口咁細，當比蚊咬
-48♥f既口頭蟬:: 唔知，聽得最多係大笑聲…
-49♥h同b一齊去火星邊個會第一個番地球::h，佢要去聽903
-50♥g最中意去邊:: 教會！！！！！
-51♥a同你做過最親密既事:: 唔知…
-52♥如果l係同性戀者你會點:: 100%佢唔會
-53♥搵4個字形容m:: 恐怖人生
-54♥k最了解你d咩:: 我既衰野
-55♥有冇試過發i脾氣:: 真心冇
-56♥e關心你嗎:: 關心
-57♥d有咩祕密淨係得你知:: 太多
-58♥a住邊:: 盈翠
-59♥b識唔識l:: no，其餘12個都唔識佢，得我識，呵！
-60♥h同k一齊望住你,,你會向住邊個嘔:: 唔會嘔，會大笑
-61♥a-m邊個最討厭:: no la
-62♥最受歡迎呢:: kwan
-63♥如果i同你講知道左個關於你既祕密,,會係個咩祕密:: 有關成績既
-64♥j最吸引既部份:: 有關動漫既熱衷
-65♥你最想咀咒g咩:: 肥死，hahahahaha~
-66♥a-m簡一個做你兄弟姊妹:: 我揀d同m，而且m本身就係我sis
-67♥j望住你好耐,,你會覺得係發生左咩事:: 真係冇事
-68♥f既愛人係:: 牛眼先生=.=
-69♥用一個字形容c個樣:: apple
-70♥最想同a-m邊個拍拖:: 得l係男咋喎，但我唔love佢喎！！
-71♥咀咀呢::同上
-72♥攬又簡邊個丫:: 陳sir，呵

♥♥♥♥無聊篇♥♥♥♥
-73♥有冇偷聽人地講電話:: 有
-74♥有冇試過寫名寫錯愛人個名:: no
-75♥有冇試過連續打錯密碼超過10次: 5次就有
-76♥有冇試過揸住舊擦膠,,一邊係咁搵:: 有..
-77♥會唔會呼氣落塊鏡度之後係上面寫字:: 會 (無聊行徑)
-78♥係街偷望人地隻錶睇時間:: 試過
-79♥自己一個人搭lift時唱歌:: 成日嫁喇，ha~
-80♥上到巴士先發現冇帶錢:: 幾個禮拜前，個陣係上緊車，好彩落得番
-81♥偷偷地拍人之後擰轉身:: 有，人地教唆我
-82♥係張枱上面寫d火星字:: 水星字就有
-83♥同人鬥唔貶眼:: 木頭公仔唔準郁，唔準笑，唔準呱呱叫！
-84♥跳樓梯:: 有，好玩~
-85♥經常自己一個出街食野:: 有心情就會
-86♥會唔會扮狗吠:: 扮貓嫁我
-87♥曾經有冇衝動想試下食屎:: 打死我都唔食
-88♥有冇用橡筋射人:: 有
-89♥有冇同路過既司機揮手,,個司機有咩反應:: 白痴，我先唔咁做
-90♥番錯屋企:: 出錯lift lor~

♥♥♥♥鬥多篇♥♥♥♥
-91♥食飯vs食面:: 粉得唔得呀！？螺絲粉我強項~
-92♥講粗口vs舉中指:: 講粗口，每日都有，頂！！
-93♥著p.e衫vs校服:: 著p.e衫
-94♥被愛vs愛人:: 被愛
-95♥訓教vs打機:: 打機
-96♥傾電話vs sms:: sms
-97♥筆vs衫:: 筆
-98♥聽歌vs msn:: 聽歌...
-99♥喊vs笑:: 笑笑笑笑笑笑笑笑笑笑笑笑笑笑笑笑
-100♥覺得呢100題好唔好玩:: ok
♥♥♥♥♥♥♥♥♥♥♥♥♥♥♥

上錯堂

好nor好nor好nor好nor好nor呀！！
我竟然會做出d咁傻既事，救命呀！！

話說今日係mon，要番補社補數，
超乖的我準時抵達目的地，
我見平時上堂既地方好似有人入左去，
咁咪問下counter d人lor，
我問佢「f.4數學入得未？」，
佢就話「入得喇，lee間呀！」。
咁佢就指住我不嬲去開個間房喇，
入到去，我發現唔係dicky係林sir，
我諗可能dicky又冇番搵林sir代，(以前試過！)
咁咪求期搵個位坐lor，
但係平時極少人上堂既課室，今日係極多！！
我開始有少少懷疑，
直至正式開始上堂，我發現林sir不停講d中四野，
下！？revision咩？咁我搵有聽落去，
因為全部學過，所以覺得超悶，
但我d同學就好似一d都唔識咁，
我心諗，死喇，唔通我真係入錯課室！？
上到一半，我認命喇，我真係搞錯左，
林sir真係教緊"升"中四既，
唔係而家岩岩"讀完"中四既人lor！！
咁我而家先走好nor嫁麻，
咁唯有死撐落去lor，扮晒係" 升"中四喇，
點知我都係要比人識穿左，
臨落堂15分鐘有人入黎叫我落堂出去counter，
唉，我都估到咩事…

好辛苦終於撐完成堂，出去受死…
我先發制人，廢事人地以為我真係蠢到咁緊要，
我問佢我係唔係上錯堂，佢地係度笑住話係，
我點解釋都洗唔到「我係傻婆」既形像喇！！
我咪話我問左佢中四係邊個課室，
但冇講到係中四升中五…
我冇諗過賴邊個，因為實在太nor！！
我仲見到dicky係隔離課室，
唉，下堂實比佢笑+問！！
下堂可唔可以請假呀！？
help help help help help help help help help
求求其其同佢地講完唔實補番、唔緊要等說話，
就拿拿臨鬆人，想逃離nor地！！
我係9秒9走嫁，超想死！！

後尾同sis講番，佢話我傻，
佢話如果佢知道自己入錯課室，
佢會即刻走，唔怕nor咁話喎，
佩服佩服！！！

P.S. 乜我個樣似中四咩！？冇人識穿我咩！？哈~
(人地以為你個樣生得老咋…)

青公farewell

今日係青公最後一日，
亦都搞左個「情繫青公」既farewell活動，
好彩雪一早幫我地成班6c book晒位，
唔會好似sis咁冇得去晚會~~

(我地青公係全青衣第一間小學！！)

約左6:30係青公等，雪要遲d先黎到，
要我自己番去同搵王老師，好驚呀！！
好彩去到青公個陣，雪竟然已經黎左喇！！
佢好似冇咩變，haha~~
搵完王老師，就見番好多小學同學，係好多！！！
我超尷尬lor，唔好問我點解！！
特別見番d小學既男同學，唉，總係覺得好nor~
好無奈lor，係所有，所有男仔都高過我！！
連以前矮我一個頭既男仔都高番我一個頭…=.=
好多男仔都靚仔左喎，呵！！
不過老實講，有d走左樣…(包括我！？)
除左男仔，都見番好多女仔，
救命，做咩個個變晒靚女嫁！？
特別係我班某個女仔，由小學靚到中學…
我冇咩點同d同學傾計(除左雪) ，
因為我實左太shy喇！！
可能人地都比我嚇親，唔明點解有條友成日企埋一邊…
其實唔只見到同級同學，仲見到好多師兄師姐，
仲有好多已離校既老師都番左黎，
好似係陳主任，許老師，miss姚，miss張，
真係睇到我o晒嘴，見埋d仲留係青公既老師，
何主任仍然好有威嚴，怕怕！！
見到高主任，周副校，余老師，鐘sir，嘩，超懷念~~
原來青公d舊生係有超多靚仔，
點解我以前唔覺既，haha~~

搵左張有個名既貼紙，(唔知點解冇印畢業年份，人地有嫁喎！)
再有人派左個紀念品袋我，(我sis冇得攞，呵！)
個紀念品袋其實整得好有心思，
裏面有1男1女既公仔鎖匙扣，
係着住青公既校服，QQ~~
又有一本紀念特刊，裏面有n幅相，
但冇我份，嗚~~~(係唔係特登唔放我個年！！)
又有一張vcd/dvd，仲未有時間睇~:P

晚會正式開始喇，多人到冇位坐！！><
我唯有同雪企係度喇，
一開始就全部人一齊唱校歌，超感動！！
唱完校歌，又一齊唱《一點燭光》！！
跟住就有d校董、校監講野，
其實青公d人都幾勁，(賣花讚花香~)
有一個就係葵青區區議會主席，
有一個又特登由英國飛番黎…
不過我lee d都係聽左一陣，
因為雪唔想聽，陪佢周圍行下~~
跟住就有d學生表現，
我記得就有跆拳道，流行舞x2，
中國舞，敲擊樂表演，劍術，合唱團…
完晒之後就有小型自助餐，
真係好鬼多野食，多得黎又好食，
我最鐘2食佢既肉醬意粉，
又香又濃，但我食左少少就走左lu~
因為雪同我都唔想留係到咁耐，
同王老師講聲88就走lu，
可憐中途被上段形容好靚既同學攔截要求合照，
我同雪強顏歡笑地胡混過去了~
同雪去左m記繼續食野，
我地傾左好多以前既野，超搞笑，
加上雪不停搞爛gag，笑到癲左~~

聽講我地青公被殺之後，
係會拆左黎起室內泳池+體育大樓，
雖然好實用，好岩我既需要，
但要我既母校拆掉，心裏有千萬個不依和不捨，
有個揀既，當然係唔好拆喇，
我唔想我一日係窗望向對面時，
母校已消先，「青衣公立學校」6個字消失於眼中…
好唔捨得，要捉緊每一個時刻！！

雪可以講係我最好既fd，
佢好特別，唔好而為佢同我一樣係d好shy既人，
其實佢係超有表現慾，會成日大大聲講野既人，
以前係班中係好突出既人！！
我都唔係好明點解我會同佢做到朋友，
可能又係一凹一凸掛，佢咁active我就咁靜，
我負責控制下佢既衝動既性格~~
但其實佢咁活躍既背後，佢係一個好複雜既人，
佢諗既野，我其實都未必明，
唔好睇佢好多野講，同所有同學都有兩嘴，
但其實佢同我一樣，係容入唔到大圈子的，
我地係好難同一般既同學溝通，
總係覺得唔係好岩嘴形咁！！
所以其實成個晚會，我都係同雪成日兩個人企埋一邊自己講野，
我有時會諗，係唔係我既問題呢？係唔係我影響左佢呢？
lee個謎我永遠都解唔到，但我只係知我同佢係溝通到既~

我同雪都好認同一點，
係中學中係搵唔到小學般既同學，
就算係一齊升上去既，都會變左，
所以如果比我揀，我都係認為雪真係一個非常好既fd，
雖然佢成日都會串我+爆爛gag…

但同佢一齊，我覺得好舒服，
有一種真心可以交心既感覺，
至少她好care我講既野，
thx 雪~~

記．

8:14

被一個電話吵醒後，我知已無法再入睡。

9:40

一口氣買了三枝屈臣，機會還是落空了。
側田，和你之間還是缺一點緣...

煮飯仔

今日難得好free，一於玩煮飯仔！
之早係PK買既芝士螺絲粉，
今日終於有機會試下~~
首先要落街buy材料先，(有脫脂奶+牛油)
跟住指示執晒d野，洗晒d野，落晒d野，
乜都搞掂晒，好彩出黎個賣相好ok！！
即刻試下味，又幾好喎！！
係唔知點解有少少酸，但整體好好~~
我第一次覺得自己係識煮野食嫁！！
勁開心，可惜sis唔係度，而且部相機又唔係到！！>.<
食得太飽喇，好辛苦但好滿足~

P.S. 岩岩HIM有人打黎話聽日去OP又取消左，
要改到30/8，駛唔駛咁耐呀！？
真係一玩完就要番學，激死！！

Big Day（１）

忐忑左咁多日，終於到9/7喇！！
(前一晚仲驚到係咁煩人，ha~)
學習生涯中第一次攞到咁多"大"獎！！
早上起來，甚麼也準備好喇，要出發喇！！
聽埋宣佈，正式上hall喇，好緊張呀！！！
坐定定，好驚呀好驚呀，就快頒喇！！！
估唔到好快就真係出左去排隊，
好開心呀，真係陳sir負責點名呀！！
不過，我又做左"nor"事，
我竟然係佢同我講野既時候失聰呀！！
help！！錯失左機會tim~~
上台喇，頂，條路超遠，行左好耐(自己覺得)，
笑容又再彊硬了，不過我有講「多謝！」~
上完第一個獎，驚魂未定，又要準備攞第二個，
嘩，lee個勁lor，有個獎座既！？
上去個個家教會人黃生頒左lee舊野同獎狀同獎學金(wo~)，
個舊野真係好鬼重，搞到我都忍唔住爆左句「嘩，好重！」！！
攞完lee個又要出去等攞第三個，好趕！！
今次陳sir又同我講野喇，佢講咩就唔講喇，
總之就讚喇，好開心呀，我終於比佢見到喇！！
第三個獎得獎學金冇獎狀，激死！！
第四個獎，唔提也罷~
今日仲要攞多個思健，我重要係第一個…=.=
唔知邊個大整古，比個唔係我個名既獎狀我，
個名仲要係…激死，超唔想攞住個獎狀！！
Haha~估唔到今年彩虹終於有我，極驚訝！！
仲有仲有，今次張成積表有印班名次，
人生第一次第一名，多謝！！(雖然好多人都曾經試過~)
估唔到姚sir都係要比hw我地，
重要係1人project，仲每人有唔同題目，
我要做「波鞋街重建」，難爆！！
唔記得左tim，miss謝都比左份大hw我地f.4，
要睇1本eng bk +番學就要present，妖，去死喇！！
hea下hea下就放學lu~~

今日唔只攞獎開心咁簡單，
係我真係做到自己訂下既目標！！
年頭定下的目標，所有有關學術既目標我都做到喇！！
仲有，一年前在hall中懷恨地要求自己要係來年攞到學科獎，
今年的我，我做到了，上下學期全做到了！！
我要係陳sir面前表現自己，我做到了！！！
原來能夠完成自己訂下的目標既感覺係咁好嫁，
我唔會因此而滿足，我只會為自己訂下更難的目標，
我會再次成功，會再感到震撼既開心！！
今年的我，I DID IT！！

P.S. 人生難得有咁開心既一日，巴打，讓我驕傲一日吧~

Big Day（２）

朝早攞完，下午又有得攞，yeah~
我同leelaam去攞徵文比賽既安慰獎~
搵左間學校勁耐，行左勁多路，激死，
入到去只係坐觀眾席！！>.<
睇左d冠軍作品演繹，
除左小學組個個好d之外，其他…

睇完去課室攞獎狀，
去之前去左個mini書展，
睇下今年出既結集，
點知揭到最後，有嘉許狀名單！！
我同leelaam也榜上有名，
仲要只隔幾個人名，超有緣，
第一次係書上留名！！
我想講張獎狀超簡約，
有點求其的感覺…
〔今日學校派左《青川》，裏面有我既文章呀！！
原來我之前有書卷係因為lee個，哈！〕

去完lee個活動，一個人去食kfc，
好好味，但有d寂寞…
唔知係唔係個天聽到我既心聲，
我真係係個度撞到人…
我終於明白魏sir之前話食牛雜唔想被人見到既感受…

是禍擋不過…

P.S. 原來我同leelaam可以好鬼多野傾！

忙碌前的休閒

很高興，今日終於有機會做到一直想做的事！

不用補習，可以什麼也不幹地留在家中，
輕鬆地躺在床上，翻閱積累多日的過期雜誌，
開着收音機，但又不是專心收聽，
整個氣氛也自由自在，不受束縛。
多麼忙碌的人偶然也需要休息，
不知要到何時才可再過這樣的生活。

寫於享受休閒後的忙碌

大步喊過

真不敢相信，剛剛我竟然崩潰了。
我停不了地哭，不斷回想悲傷的事，
負能量大幅上升！！！
這令我想起《求戀家庭》中的女主人，
經常不自控地哭，因為她是患了躁鬱症的。
奇怪的是，哭過後，人舒服了不少，
不止身體上，心情上也變好了。:)

The Best VS The Best

拿度，世界新皇者！

西班牙今年真係行運一條龍
贏完歐洲國家盃後，
再有西班牙人拿度為其摘下溫網男單冠軍，
難道北奧也會看見西班牙崛起？

講番正題，歷時5小時的男單決賽終於由拿度勝出！
其實作為觀眾既我，點止5小時咁少！
我由9點半睇到凌晨4點半，
睇左成7個鐘電視呀大佬！！
攰到我呀，中途多次想放棄去訓，
但次次都諗，都睇左咁耐，唔睇咪好傻…
但當睇到拿度勝出的一刻，
又覺得捱咁耐乜都值！！
其實賽前冇乜話撐邊個，
但睇緊1st局既時候，我又好奇怪，
每當拿度得分既時候，我會拍手+開心；
但當佢失分既時候，我又會挨聲嘆氣，
所以，我發覺我原來係撐拿度既。

成場波都睇得好辛苦，
因為成個賽事都係佢地2個既拉鋸戰，
你一分我一分咁，都唔知要鬥到幾時！！
老實講，費達拿都唔廢既，
連追2盤喎，唔係人人都得嫁！！
不過佢有一個極大既弊病，
佢接波真係麻麻，特別係對住拿度lee種力量型既對手，
而且佢成日諗住開Ace波攞分，
咁樣唔止悶爆，仲容易犯錯！！
係尾個幾局，費生差唔多球球想開Ace波，
雖然開到既次數唔少，但一開唔到就容易比人食到個位！！
反觀拿度就完全唔到，佢就冇乜諗過要開Ace波，
佢主要係要底線抽擊，要令對手體力消耗得快d！！
不過佢都有缺點，就係太緊張喇！！
曾經有多次可以贏唔駛打決勝局既機會，
但因為自己太緊張而失左分比人，
唔止佢自己嬲，我都睇到激氣！！
不過佢得22歲仔，大把機會喇~

其實我覺得費生好自負，(像某人)
一輸左頭一盤就黑面+頹頹地，
費生，要贏人就要有信心，
唔好贏左個頭就成像死狗咁！！
雖然佢追番2盤，
但其實個2盤當中有好多分都係拿度送既…
拿度真心覺得佢可愛，
打波出晒全力，全程投入於比賽，
打親波個樣k晒都唔理，
完全係力的表現！！！
其實佢地2個都打得好辛苦，
打成5個鐘喎，唔暈都算勁喇，
雖然有中途暫停比賽，但一時間都補充唔到咁多體力嫁！！
真係好佩服佢地，同時亦發現自己一生都做唔到運動員…

打到中間某局既時候，
拿度曾經因為"善"親而整親舊患，
好彩最後冇事姐！！
但我係佢坐左係度至到起番身，
我feel到佢想贏個種決心，
lee個係我係費達拿身上睇唔到既！！
好開心拿度最終能夠勝出，
又一個有信心就事成既成功例子！！

睇到拿度攞埋致勝得分個陣，
我真係開心到跳起，
大叫yeah~(當然係細聲版，凌晨麻~)
同時都覺得好感動，
簡直feel到拿度個種震撼喜悅，
見到佢開心到訓係地，
同埋去觀眾席地同人擁抱，
我真係超感動，完全感到佢開心到震既情境，
回想起我自己，我遲d都有獎可以攞，
我都要開心d，要好似拿度咁開心！！

但係點講都唔重要，
重要既係lee場比賽真係好精彩，
我係有生之年可以睇到lee場世紀之戰，
我覺得好榮幸同覺得人生不枉過，
好多謝你地帶給我咁精彩既賽事！！

P.S. 其實今次比賽最大既贏家係服裝贊助商— Nike

P.P.S. 費生你真係唔好成日黑面喇，
雖然你冇左個冠軍，
但攞到亞軍都好勁嫁喇，
有好人打左成世一個獎都冇呀！！

P.P.P.S. 睇完溫網，我完全識打網球lor，
一定唔會再考E lor，而且我發現左一樣野，
之前miss教我地開波既方法完全係錯既，
唔怪得我成個開波落網喇！！
如果溫網早d打，我就會考好d喇！！

更多精彩照片，即上溫網官網！

Link：http://www.wimbledon.org/en_GB/news/galleries/2008-07-06/2008-07-061.html

功夫panda

lee套係係sis要求下去睇既，
都岩既，我揀親個d戲都係偏沉重+用腦，
所以sis話要睇番d得啖笑嫁喎~
睇早場，好鬼多細路，憎！
故事冇驚喜喇，又係個d lor~
由失敗奮鬥到成功，再打敗埋個敵人收工~
冇悶場既，有gag位我都識笑，
我唔係話lee套戲唔好睇，
只係唔適合已經長大既我lor~
(其實我都唔係好大姐…)
細路去睇就實好睇既！

睇完lee套戲我同sis同樣有一件事最想做，
就係要去食個菜肉包！！！
戲裏面無論畫or講都搞到我同sis超想食，
但搵晒成個青城都冇lor無奈！！
要行到去青衣街市買完再番home蒸，
真係咩mood都冇晒，
所以…買左3個都係食唔曬既，ha~

我既睇戲心情未平伏嫁，
超期待Bat Man + Mama Mia！！
(必睇之選！！！)

Ensemble C'est Tout

抽中左戲飛而去睇既一套戲，
因為上左畫太耐，搞到要去到嘉禾海威到睇！！
睇完，4個字「唔知講咩」。
可能係我深度唔夠，我真係唔明喎！
好迷惘，唔太知佢想帶出d乜野，
不過我幾鐘意第二男主角，
我就係鐘意d好有學識既人，
嬉皮笑臉既唔岩我！！

戲不能長說，因為我真係睇唔明！
不過睇戲之前都遇到好多事，
我同sis搭地鐵個陣，
真係要哼起一句歌詞，
「卡(街) 裏愛人一對對」，
我真係第一次見到成個車廂裏面都係情侶lor~
仲有仲有，sis睇戲之前無喇喇去左雪糕車到買雪糕，
好耐冇食，原來係咁好食，
奶味好濃，好似飲左啖牛奶咁，好正！

其實今晚還是遇到倒霉事，不說了。

HIM

今日係HIM既閉幕禮，好鬼攰呀！！
一早就出左門口，要搭MTR去香港，
估唔到一切由錯誤開始…
係7-11等埋wxg就去搭車喇，
點知heidi冇喇喇話想try下搭去東涌，
所以我傻傻下咁跟左佢去玩，(精明的wxg唔join我們)
由青衣搭去東涌，再由東涌搭番去香港！！
miss約我地8:45，我同heidi開始去東涌已經係8:25，
去到欣澳已經覺得唔對路，就快夠鐘喇喎，
去到東涌完全想喊，仲有一個字就夠鐘！！
omg！！我地今次完全估計錯誤，激死！！
等到架車再郁既時候，我地已經開始絕望，
我地不停討論點樣同miss say sorry，
miss會嬲成點，點解會失敗等議題。
去到香港，已經係9:15，遲左成半個鐘！！
一出左閘，miss即係問reason，
我同heidi已經好快咁say sorry，
跟住誠實作供之後，miss冇講d乜野，
但我覺得好"nor"同好慚愧，仲要係"nor"到唔想去個活動！！
好彩去到都冇咩事，不過成個活動都有比人串過！！>.<

閉幕禮開始前，
唔知點解會場冇喇喇會有小型自助餐食，
咁我地3個緊係即係去攞喇！！
我都攞到好多唔同既野嫁，
不過，d野食既size好細嫁，
差唔多全部都可以一口一件！
食到好飽呀，我最鐘2食有2樣野，
其一係小型漢堡包，好足料嫁，
味都完全普通漢堡包無疑，
有一大塊扒，又有菜，又有好味醬，
一㗳一個，超級好味！！(搞到我不停夾黎食~)
其二係小型芝士餅，(真係全部都要加「小型」2字！)
嘩，真係好味到暈，入口即溶嫁大佬，
而且佢既芝士度好濃，啖啖滑而香，正到爆！！
我係狂食lor，奇怪的heidi不喜歡吃~

個閉幕禮其實都真係幾悶，
循例有人致辭，有人分享，有人表現。
今日最大驚喜係估唔到曾繁光黎，
我仲係影大合照既時候，
特登企係佢後面，同佢有超近距離接觸，
我仲記得佢問我地佢會唔會遮到我地，
嘩，真係活生生係我面前呀，仲要同我講野tim！！
要係邊到搵到lee封相，我要曬出黎呀！！><

最開心既，就係完左活動又有一餐小型自助餐，
雖然又係個d食物，不過我唔介意再食！！
照舊狂食小型漢堡包+小型芝士餅，
我仲食左一個包，裏面有好多菜同一塊煙肉，
略嫌lee個太多菜似沙律，唔岩我lee唔健康人~
仲有一款包，好似扮緊食鵝肝，
不過其實係雞肉黎既，都ok好味~
又食左一件藍苺撻，好好食呀！
人地真係好足料，小小地一個撻有成3粒藍苺，
成個食落口，個撻底好鬆化，
d cream好滑，味同質感勁似雪糕，
配合埋d藍苺真係超好食，甜酸混合好好味~
我真係食到勁飽，飽到夜晚都唔駛食！！
不過比d咁好食既野填滿個肚，抵呀！！

食完野緊係要飲番本野黎完結，
之早飲左杯橙汁，
今次就飲左杯soda，好好味~
扮晒飲酒咁款，因為裏面有好多冰+一塊葉，
haha，又幾好飲嫁，奇怪heidi都鐘2~
不過有一怪事出現，
我飲個杯soda明明同heidi個本個樣same，
但我地d味係唔同嫁！！= o=

P.S. 今日又有張獎狀，本來好開心，
但麻煩的張sir決定要係結業禮上台攞，即係又要出醜~

P.P.S. 同heidi去扭YES咭，2張都係港星，yeah~

Four

今日返學睇人表演非洲鼓，又係超唔想返既活動…
未睇表演，kwan已經比左個壞消息我喇，
佢話7月尾要練band，去唔到camp喇！！
下！！！我又一個暑假活動冇左喇，
不過好彩我未買袋住姐，冇破費~
但真係好失望，如果想補鑊，請留一日同我去街！！
今日lee個表演又ok好玩喎，
可惜再一次坐位很差，差唔到完全睇唔到，
不過成個show好互動，好好玩~
又全場拍手打拍子，又全場一齊唱非洲話歌，haha~
佢d拍子好強烈，好吸引到人注意！！
不過…我用左好多時間同kwan+7傾計…

完左lee個活動，
鐘sir/梁副校無喇喇要d結業禮有獎拎既人留低綵排。
下！！！即係宣佈有咩人可以攞獎！！
嘩，好驚呀，食粥食飯睇今次喇！！
讀讀讀，1A、1B…、2C、2D…、3B、3C…4C！！！
真係一路等，一路震+驚！！
讀到4C個陣，真係超緊張！！
有我個名喇，重讀多左幾次呀！！
好多人都有份呀，不過葉生冇左，唔通威脅已消除！？
留低係度，ar sir仲要叫我出去代4C攞紙，條路超遠=.=，
我見到疊紙，手不停地震！！(柏金遜？)
連派比人個陣，隻手都未震完，係真心驚嫁！！
派個陣其實仲未有機會睇我有咩獎，坐低就開心睇喇，
嘩嘩嘩，有4張呀，我今年有4個獎攞呀，超開心！！
分別有文學科長，文科成績優異獎 (唔知咩黎！) ，
全班第一名 (好似有$嫁！)，準時繳交家課獎！！！
超額完成年頭定下的目標，大開心！！
不過，開心背後，都係有少少遺憾…
一是文學科長好似攞得唔興香(考得不太好！) ，
二是差少少攞到hist科長(出年黎過~)，
最後係我冇得係陳sir手上攞lee d"得獎紙" ，
冇得比佢分享我既喜悅，唯有希望係9/7佢會睇到我喇~

雖敗猶榮

鄭潔，加油！

因為鄭潔打左入溫布頓4強，tvb反應超快，
今晚即係直播賽事，我實潮撐鄭潔！！
夜晚9:00坐定定準時收看，
但好無奈頭個30-45mins係播番之前比賽既精華，
悶到嘔，好想睇今晚既賽事呀！！
終於打喇，細威好大隻…=.=
一開始鄭潔先得分，但其後就比人禁住黎打，
結果真係比細威先取第一盤。
跟住唔知點解轉左播男單賽事，
又唔知乜誰喎，播左勁耐，
有幾次仲要關電視走人！
等多一陣，又播番，
但睇左一陣，個邊竟然落大雨，
賽事要暫停，又播番男單…
今次又睇左超耐，好眼訓但照睇，
但睇睇下又幾好睇喎，好有技術！！

終於係12點半度，終於播番鄭潔，
好緊張呀，下下都打到不分上下，
真係好難係度解釋，
決勝分係要打兩球先有既，
先打一球A，再打先有分。
佢地就輪流打去人地既A，
搞到疆持左勁耐，2個都攞唔到分，
結果第二局打成平手，
要打即時決勝分，邊個快d攞6分就贏，
兼且唔駛理任何A等規則！！
結果鄭潔輸左，輸就輸係佢最後double fault，
但係，佢輸得好美麗，佢成場賽事都好成功！！

其實鄭潔好勁，我覺得細威開頭係有少少睇唔起佢，
但後尾細威係比鄭潔迫到透唔到氣，
仲超大壓力，連還出錯！！
我覺得鄭潔對住d世界級既對手，
有咁既表現都好厲害，
有技術，又冷靜，冇細威咁失控~
我認為鄭潔係輸體力不足同開球有問題，
如果佢加以苦練就一定成大器！！
不過睇黎lee場賽事好賞心悅目，
睇到細威被迫出真功夫，真係超刺激！！！
又重新愛上網球了~

P.S. Sunday有男單決賽，必睇！！
希望又係費達拿對拿度，我唔怕悶嫁~

626 更新了！

我up左上次參觀警犬訓練學校d相喇，

相簿 here→ (睇唔到就重新整理！)
http://www.flickr.com/photos/26281385@N05/sets/72157605964859788/

仲有拍左2條片呀，up左上youtube，

佢整濛左我d片呀！！>.<
Link：
http://hk.youtube.com/watch?v=arWaseSJADY

http://hk.youtube.com/watch?v=o6IwFPxQ_RY

好神奇

明明我有好多唔開心既野想打，
但我一番黎對住部電腦，
我就即係唔記得晒，好似洗左腦咁，
仲開心左tim呀！！

好還是不好？？

Again

又一個徵文比賽輸了，
但我唔會放棄，
我出年黎再黎過，
我會再創作更好的作品！！！

體力是０

今日體力極差，放學行番屋企， 行到樓下個條紅綠燈個陣，
隻眼睇野好似多左層野咁， 周圍睇野都好似有好多黑點，
而且睇野開始有d唔清楚， 我貶左幾下眼都冇作用！
個背脊超痛，郁一郁都唔得， 個人又冇力喎，要行得超慢，
我都知其實我應該就黎暈， 因為我以前都試過見到黑影就暈！！
但我話比自己聽，我就黎返到屋企， 唔可以暈住，
慢慢行慢慢行（真係龜速），終於行到去禁制，
一入到大堂就即刻搵位坐， 我係差唔多死左係張登度！！
好彩坐左一陣就睇清楚番d野， 即係冇事，岩岩好有lift，
返到屋企隻腳仲震震下， 攤左係張床到一陣就冇事喇！！
好明顯我真係攰得滯喇， 下次都係食多d早餐，做少d野...

憑意志戰勝暈倒！

水彈日~4C王道

今日學校為我地f.4搞競技日，就係玩水彈喇！！
其實一直都唔係好想玩，好怕運動好怕濕身！！
一番到去聽左一陣野就開始喇，
循例分班比賽，我實潮撐４Ｃ！！
第一場就對４Ｄ，４Ｃ勝出！！
第二場對實力有番咁上下既４Ａ，４Ｃ險勝，YEAH！！
lee場我有份落場"企"，好無奈lor，miss迫人去玩，仲要超惡！！
第三場對深不可測既４Ｂ，４Ｃ反敗為勝，超強！！
第四場對痴左線既４Ｅ，超驚lor，最緊張就係lee場！！
究竟４Ｃ可唔可以４連冠呢？真係睇到心都跳得快左！
lee場比賽真係場世紀之戰，疆持左好耐，鬥到難分高下！！
真係投入到每一次４Ｃ得分，我地都拍晒手嗌晒咁！！！
終於等到４Ｅ既最後一個機會，我地４Ｃ成功擊敗佢地喇，
ｗｏｗｏｗｏｗｏｗｏｗｏｗｏｗｏｗｏｗｏ～～
係開心到癲左，差ｄ想衝落去大叫！！
好彩我落去個陣，大家仲好開心，可惜就影唔到大合照！
大家今日真係超投入呀，玩得超high呀！！
平時覺得佢唔係幾好既人，今日突然變好左喇！！
今日super star係：葉生、陳ｘ強、Anson、momo
佢地真係勁強，為４Ｃ爭氣，為其他班挫４Ｅ！！（４Ｅ淨係輸比４Ｃ）

今日４Ｃ唔係一盤散沙，係一舊泥膠，超團結呀！

P.S. kwan今晚番黎，你冇得參與太可惜！！

7．1

七一，沒有甚麼大感覺。
可能是因為身邊有太多煩事出現，
又或是我根本是個不稱職的中國人。
我就是這樣，
中國有好事，有值得驕傲的事出現時，
我會突然好愛國；
中國有不好的事，有再爆出醜聞時，
我會慶幸自己是香港人非"中國"人。