游泳記

今日同heidi去左城門谷游水，
我因為一d小事而泥遲左~

好耐冇游過水喇！！！
落到水超爽呀，
被水浸住既感覺好正。
但無奈heidi超驚水lor，
連1.2m都唔敢落去。=.=

西九遇外記

今日約左kcm、cl、wxg去食壽司，
個間壽司店環境幾好，只係坐得迫左d，
壽司既款又少左d，但我真係食得好好好飽！！！

之後就去左西九行街，由最高行到最低，
務求消化下太多的壽司。
落到大堂個陣，發現突然有好多外國人行黎行去，
紛紛都走向台個邊。
我地幾條友就八掛下咩事，
點知見到佢地開始set台，
因為佢地係外國人既關係，
又係玩music，所以我地開始想起kwan，
諗下在場邊個岩佢，哈。(太crazy~)

傾傾下個show就開始，佢地一開始就唱"男兒當自強"，
仲大晒功夫，睇到我地幾high！
真係服晒佢地，我地狂拍片+影相，
有個結他手未開show已經覺得佢靚仔，
好岩kwan，希望佢都鐘意喇~~~
晒完功夫，就唱朋友，又係中文歌呀，勁！
唉，但勁少人打beat同拍手，
冷漠的hk人，我討厭呀！！！！！！

之後佢地又表現drama，
其實佢地某程度上係宣傳褔音，
講耶穌為我地釘十字架的事。
之後又唱歌，今次唱番英文喇，
總一齊做動作，超好玩~~
中途仲有個超高既成員落台跳勁舞，
欣賞度一萬，雖然短，但好睇！
唱完晒歌之後，佢地有break，仲落台同人傾計！！！

kcm超勁，一開始就同某一個女仔say hi，超大膽！
個個人總落埋黎同我地影相+傾計，
但我地個個都英文有限又細膽，
完全冇話題，搞到佢超無奈，
之後無幾耐就走左lu~

因我不斷自責，so kcm他們就決定去睇多次，
其實個班人都係重覆唱+演番之前既野，
所以我地又等佢地break個陣去傾計~
今次同多左好多人影相，但我都仲係唔夠膽，
多數都係kcm講+影，勁！

同左某幾個人傾計，
我仍然都唔出聲，太冇野講，
但kcm則好主動咁問好多問題，
雖然唔一定條條人地都明，
但佢真係好勇敢好勁！！！
我地全部人都好proud of佢！
真係全體佩服佢，kcm，你抵讚嫁~~

雖然最終都同唔到最靚仔個個影相，
但成個過程好刺激同好有意思！

然後行番去搭mtr時，
kcm+cl不斷進入麻甩佬的世界，
我同wxg超唔想入，只係門口大笑，
真係服晒佢地~~

之後，再番去青城行左陣cd warehouse，haha，就番屋企lu~

P.S. 我最鐘意動L的頭！

相link：http://picasaweb.google.com.tw/fkm0530/EetkIE
片在facebook

完全考完ce！

完成埋今日既Eng oral喇，
終於可以無憂地放假喇，
實在太太太太太開心！！！

"High School Musical 2- What Time Is It"

[chorus]
What time is it? Summertime!
It’s our vacation.
What time is it? Party time!
That's right, say it loud.
What time is it? Time of our lives. Anticipation.
What time is it? Summertime! School’s out. Scream and shout.

[Troy]
Finally summer's here.
Good to be chillin’ out.
I’m off the clock. The pressure's off.
Now my girl’s what it's all about.

[Gabriella]
Ready for some sunshine.
For my heart to take a chance.
I’m here to stay, and I’m moving away.
Ready for a summer romance.

[Troy & Gabriella]
Everybody ready, going crazy, yeah we're out.
Come on and let me hear you say it now. Right now.

[chorus]
What time is it? Summertime!
It’s our vacation.
What time is it? Party time!
That’s right, say it loud.
What time is it? Time of our lives. Anticipation.
What time is it? Summertime! School’s out. Scream and shout.

[Sharpay]
Play by the rules.
No summer school.
I'm free to shop til I drop.

[Ryan]
It's an education vacation.

[Ryan & Sharpay]
And the party never has to stop.

[Sharpay]
We've got things to do.
We'll see you soon.

[Ryan]
And we're really gonna miss ya all.

[Sharpay]
Goodbye to you and you.

[Ryan]
And you and you.

[Ryan & Sharpay]
Bye bye til next fall!

[Ryan & Sharpay]
Everybody ready, going crazy, yeah we're out.
Come on and let me here it now. Right now.

[chorus]
What time is it? Summertime!
It's our vacation.
What time is it? Party time!
That's right, say it loud.
What time is it? Time of our lives. Anticipation.
What time is it? Summertime! School’s out. Scream and shout.

[Troy & Gabriella]
No more waking up at 6 AM.
Cuz now our time is all our own.

[Ryan & Sharpay]
Enough already. We’re waiting.
Come on, let’s go.

Go out of control!

Alright. Everybody. Yeah.

School pride. Let’s show it.
We’re champions, and we know it.
Wildcats! We are the best! Red, white, and gold.

When it’s time to win, we do it.
We’re number one. We proved it.

Let’s live it up. Get the party down.
That’s what the summer’s all about.

What time is it?

[Gabriella]
Summertime is finally here.

Let’s celebrate.

[Troy & Gabriella]
Wanna hear you loud and clear now.

School’s out.

[Chad & Taylor]
We can sleep as late as we want to...

It’s our time!

[Ryan & Sharpay]
Now we can do whatever we wanna do.

What time is it?
It’s summertime.

We’re lovin' it.
Come on and sing it loud now!

What time is it?
It’s party time.

Let’s go have the time of our lives.

What happens in VEGAS

之前睇得太多慢戲，
即係一d慢慢談情既純愛戲，
今日想轉轉口味，
睇番d癲d嘈d既典型美國戲。

今日睇既lee套《What happens in VEGAS》，
故事又係個d lor，又係由恨到愛，
由初頭鬥氣鬥到痴線，
之後又互相了解，慢慢愛上對方，
好常見既故事架構呀！！！
橋唔怕舊，最緊要受，
明知下一步會點嫁喇，
但都仲係會feel到d浪漫既感覺。

女主角係好熟悉既Cameron Diaz，
冇見一排，又老左喇~~
不過佢演戲又真係幾好呀，
我最鐘意睇佢對眼，
下下都有情比到出黎。

男主角係完全唔識既Ashton Kutcher，
齋睇相係完全唔靚仔既，
睇佢郁番又好左好多lor喎~
不過佢太細喇，2個唔係太襯。

Anyway，lee套戲不過不失，
當我再想crazy一下既時候，
我會再攞佢出黎嫁喇~

IELTS

20/6，終於到喇！！！！！

今日就係考IELTS既大日子喇，
好緊張好緊張好緊張！！！
我既英文不嬲就九流，
今次仲要考同外國人一對一oral...

傻manman搞錯左時間，
令到我地2個勁早出左去，(大佬我今日5點起身)
唉，好眼訓好眼訓...

去到考試場地甚麼富豪酒店，
比想像中細n倍，好唔掂，
入到去lobby坐住等，
等到咁上下，上到去又勁多人。=.=
我仲以為得我地係咁細，(17喇，仲唔知醜講細)
完來勁多同我地差唔多，
當然都有d中年人士及1個外國人考。

登記時仲要交低個袋，
乜都冇得帶入去。(文具佢供應)
試場本身係個ballroom，
又比佢地整到幾pro下！
排左勁多枱，每張枱坐2個人，
但中間用左張紙皮隔住，(gd，尤其我隔離個個係男仔黎)
冷氣有廿級凍，我差唔多疆硬左。><
跟住就開始考喇...

一次過考3份，no break，total 2粒9個字。
1st份係listening，eddie又話同學校差唔多，
無奈我有n題係完全聽唔到ans，白撞。
2nd份係reading，唉，點解咁難既，
但我唔會交白卷嫁，try my best！！！
3rd份係writing，task 1係f.7既東西，
係劣勢既情況，艱辛地交出15x字，(人家limit係150字)
task 2係一般argu，咪以為識做就得，
周圍不斷有人要求加紙，
可憐的我...

考完同cmm去食lunch，
去左間叫subway既野，
食美式大份三文治既，
入到去先知落order都要講英文=.=。(店員也是外國人)
cmm當然冇問題，我！？
係cmm大幫忙下我先買到，超nor！！！！！
唉，人地一睇就知我英文極爛。
um...我覺得麻好食喇，中間仲要好辣，(唔知有咩)
但cmm話好好食，仲話遲d約人再黎...
走個陣呀，我差d pk呀，超級極度爆燈地nor，
連個2個外國職員都問我有冇事，
我冇理佢就走左lu，冇計，太nor~:P

呀呀呀呀呀呀呀呀呀呀呀呀！！！！！
考speaking喇！！！！！！
我係lobby都等都已經勁驚，
上到去prepare room就仲驚，
坐係度都勁震，連張chair都震埋，
好耐冇試過咁恐懼，我諗其他人認為我痴左。
要入去喇！！！禮拜地敲敲門，
一入去就見到1個外國短髮女人，
先要感謝天父答應賜給我女考官，
佢唔係好話好nice但又唔係惡，
平凡得不可更平凡。

打過招呼後就開始喇，
我連一開始問我叫咩名都唔係好聽得明，
因為佢用左個我唔識既字，
不過好彩撞岩左係答全名，
如果唔係咩印象份都冇晒...
1st part係短答，問左勁多題，
有d都唔係好明，好多都亂答+勁"er..."，
我仲要問左佢一題要求解釋某詞語，nor~
lee part算死得頗嚴重。
2nd係類似ce既1分鐘自由作答，但佢係2分鐘limit。
我條題目唔係話好難，但我答左d好白痴既，
詳細唔講喇，廢事你地笑話我！:P
3rd就係discuss，其實又唔係真係好discuss，
都係一問一答，不過會多d根據我既ans再問，
d問題feel到深左，唉，有1題我又搞笑，
答埋d超現實既野，考官好似唔多明...
然後再講左一陣就走得喇，yeah~

oral整體黎講，我真係好緊張！
一開始入到去就好似急x咁坐，勁拘謹。
雖然後尾放左d，但答得唔好，太多er！
有時好似唔小心講左中文tim！(白痴)
不過，以第一次真正同外國人講咁耐野，
我覺得已經有好大突破嫁喇！！！

其實我考IELTS真係好矛盾，
點解咁辛苦咁唔情願都仲去比$考呢！？
我考完，我先覺得真正跨左一步，
我成日畏首畏尾，(雖然而家都仲係)
但起碼我始終都真係有去考左個speaking！
考完個種開心舒暢，係前所未有，
真係有種苦盡甘來既感覺，
原來我真係做到，我一直唔信，
雖然唔夠好，但1st總會有沙石吧！
昨晚都仲鬼死咁緊張，
但考完先發現一切擔心實是枉然，
應該要信自己，I can do it！
至少，我已經覺得我lee個假期我冇枉過。
我有信心去考好ce eng oral喇！！！

Alex & Emma

剛剛看完很久以前以超低價購入的《ALEX & EMMA》，
其實lee套戲有冇上過畫我都唔太清楚，
因為2位主角都算係出名既，
所以我對套戲都幾有期望。

戲中故事好old school，唔係話情節老套，
而係戲中好多野而家可能唔會出現，
例如係Emma用既打字機 =.=，
我差唔多好似未見過…
而且套戲應該係係好耐以前拍，
無論環境事物都比人一種好舊既感覺，
同而家好似有一段幾長既距離咁。

條愛情主線略為平淡，好多野都唔夠深入，
令人感受唔到佢地濃濃既愛意，
簡單d講咪即係唔夠sweet lor，
不過可能係我比而家d戲寵壞左姐，
用以前既角度可能已經好好。
我亦覺得套戲節奏唔夠快，
情節衝突/高潮實在太少or太平淡，
如果可以寫得佢地有多d唔刻意既浪漫就好喇~

我通常對戲既結局唔多滿意，
唔係嫌人地太行，就嫌人冇我諗得咁好，
我今次又覺得個結果唔夠精彩，
我自己又諗左個自我認為巧秒d既，
唉，算喇，又睇完一套戲喇~

COCO CHANEL

今日去睇《少女香奈兒》(《CoCo Before Chanel》)，
好趕，爭d買唔切=.= (我係個d夠左鐘就點都要睇下一場既人)
對lee套戲冇話有咩期望，
1)因為我戲癮起，而lee套係上畫中最感興趣
2)我唔係追求名牌既人，仲要係CHANEL...
3)唔係好知個故事背景，純粹入場睇

其實仲有一個私心，
我本人都睇左2套由Audrey Tautou主演既電影，
兩套都睇到我o晒嘴，
真係唔知佢想點，
開始對Audrey Tautou同法國電影失望，
所以今日都算係比埋最後一次機會佢地，
再唔好睇我就永遠遠離他們！>.<

UA既位真係好舒服，
尤其係冇麥人既場，
好似今日咁，我坐最高既落一行，
左右都冇人，一路睇就挨左挨右都得，
個位又夠晒大黎"橋"腳，
而且簡直可以成個人半訓係度睇，正！

講番套戲先，大體黎講係好睇！
故事好簡單，就係Coco (Gabrielle)既前半生，
生不逢時，個時既法國仲好守舊，
階級觀念好強，coco既出身好差，
當時既女人，只可以日日著到孔雀咁，
又要戴晒腰封，然後當男人既玩物。
可見，coco係反傳統既人，
戲中，佢好似冇著過一次腰封，
膽禁去反駁(串)男人，就得佢一個，
佢好似唔係活於個個時代既人。
不過，佢有時又令我摸不著頭腦，
點解唔灑灑脫脫咁離開自己唔鐘意既男人！？
唔...我諗係錢掛，唉，唔知呀。

終於比佢遇到自己真係"愛"既人，
越睇越靚仔既英國紳士 - Boy，(我越睇越鐘意佢，但而家又唔鐘意lu~)
佢地2個係party度跳舞個度好靚呀，勁襯呀！
可惜，命運使2個只能以偷情既身份來往，
命運再使Boy死於車禍，無法兌現承諾。
唉，不過見到coco最後咁成功，
都真係好感慨世事難料。

整體黎講，真係好睇呀，
唔明點解網上咁多劣評，
可能係觀點與角度喇。
睇完套戲，真係令我沉左一陣，
仲比戲中既氣氛影響緊，
我覺得一套戲至少做到咁就已經好好，
今日心情不錯。

未完嫁未完嫁，
之後我番左青城食mos burger，
用左Q旁都要成$32，覺得有d貴...
但我去個陣，人很少， 氣氛好輕鬆，好假日，
無左平時lunch time既嘈吵。(我最驚><)
係mk買左milk睇，
一路食(終於慢食到)，一路睇，
真係太好食，人地真係即叫即整，
又脆又熱，並非麥記咁求其，
好吃到暈，好開心好舒服，
終於感受到優閒既感覺。
服務又好，令你好開心，真係好浪漫咁食左個lunch，
大滿足，好喇，我決定以後淨係去mos burger，
唔會再貪平去老麥/KFC嫁喇~~~

終於有機會見真sa~

買到喇！買到喇！

今日特登一早就搭去tw通利等買飛，

我終終於於買到dream 飛喇！！！

係《勁金歌曲》既學生飛呀，$120，

仲要個個人幫我揀左樓座第一排既中間位，

正！！！！！

我可以見到sa喇！！！(雖然距離好遠)

P.S. 估唔到sis幫我買左同一日做既小丸子舞台劇飛，一日睇2場=.=

P.P.S. 今日去埋朗豪坊睇《地球很美有賴你》，唔好意思訓左一陣，

但總括黎講...係好睇嫁！

最好的時光 02

今日特登睇完《star trek》，
就搭mtr出去apm撐妹妹妹妹！！！
好緊張，雖然已見過佢地一次，
但今次又可以再見喇！！！！！

12點幾去到，冇麥人，
排都未排得，咩都未set好。
同heidi傾電話打發時間，
傾到成1點左右就入得，
等到2點左右就真係開始！

其實二汶黎左好耐，
佢冇我想像中咁肥，
真係上鏡肥3磅！！
跟住ee同www都黎埋喇，
佢地真係好好好好好靚！！！！！
然後佢地係咁影相，
唉，好似影到我好多次，help，
之後又要做訪問，我都偷拍左~

搞掂晒所有野，就開始簽喇，
我係排第2個，個個人就叫我去左ee度先，
我都唔知同ee講咩好，好驚！
講左句"你好"就第本書比佢，
佢都係好溫柔咁回左句"你好！"。
我覺得2汶好似有d唔開心咁，
驚驚，唔夠膽同佢講野。
www最好，I love you~
我因為太緊張，搞左好多nor事，(唔好提)
佢只係好nice咁同我講野，
我叫佢寫"Fkm"時，佢又認得我喇，
講左句"哦，原來係你"，
我都係係好shy咁回左叫"係呀"，
仲要笑得好尷尬，唉...

好開心咁攞晒d簽名，
結果連部相機都冇晒電，
不過，今日真係大豐收呀~~

之後仲去埋apm某層睇www有份design既t-shirt展，
仲衰影唔到相，好鐘意www&細so個件呀，
soooooooooooo sweet~

P.S. 我覺得鑽石山mtr d柱好靚，又影唔到...

Star Trek

冇睇過任何trailer，冇聽過lee個故事，

同題材出過咁多套戲，我一套都冇睇過，

係lee個情況下，我去左睇《星空奇遇記》。

其實都聽過下lee個故仔係不少人既集體回憶，

唔怪得我今朝去買飛個陣，

10個人中有成8個都係3字頭以上既男人...

睇完lee套戲，一個字「正」！

畫面極精彩，內容豐富吸引，

雖然有部份題材都係舊橋，

但竟然拍得不落俗套，

真係係係好精彩！！！！！

戲中估唔到有好多Asian，

有一個更係大配角，

出鏡多過好多外國人！

而且我覺得戲中好多角色個性好鮮明，

有俄羅斯口音，(特登有點搞笑)

但佢真係好醒，有睇就知！

仲有個唔記得左咩名，

算係天才發明家，

佢同隻怪獸之間超搞笑~~

另外，仲有個女主角(算係)，

見到2個男主角爭女真係笑死人！！！

不得不講就係2位男主角，

由頭帶到尾既Kirk，

我真係唔覺佢靚仔，

但佢真係演得好好呀，

佢今次應該好滿意自己表現喇，Captain！

我最鐘意梗係火星mix人類既Spock！

本身唔太鐘意，因為個演員本身係《Heroes》中既大奸人，

我好憎佢嫁！！！！！
點知佢今次飾演既Spock，

可能因為佢既童年有d慘，

又中途死左ar媽，加左d同情分，

而且佢cool得黎又係個d唔識表達內心感受既性格，

仲有佢超凡既智慧，真係好吸引呀！

點講呢，佢真係好鬼死可愛，

雖然佢已經名草有主(女主角搶左喇)，

但見到佢同個女主角咁sweet都登佢開心！

總體黎講，真係好好睇，包你冇後悔用$35(早場)入場！

P.S. 我始終覺得...bat man都係好d...

曲終人散

這晚，渡過中五的畢業禮，
說真的，心情不太好，
真不敢相信到最後才將一切失掉。

我始終不能讓母親見證我的成就，
突然令我覺得我之前所有努力也在迅間磨滅。

整晚也"登"人高興，場刊上的名字應該是我的，
但連我最敬愛的文學也流走了，
很心痛，也不敢正視陳sir了，
但抱着詩人既自我開解精神，(仲夠膽拋書包)
我會係中七攞番晒所有失去既野！[升到既話]

典禮既嘉賓，蕭律師，
講左一篇好生動有趣既演說，
我知道你的成功捷徑(勤力x毅力x自信心)很好，
如果我升到中六，我會試着實行的！！！！！
假若我中七畢業又係你頒，
可能我會多謝你嫁~~

向商台出發

是日是我的大日子，
因為真真正正去商台喇！

約左ko man十點出發，
搭完mtr再轉小巴，
終於去到門口喇！！！！！
係無數dj同歌手同fans經過既地方！！！
麥都唔駛講住，影張相先~

我仲可以入去，
係度等本書既時候，
我真係親眼見到商台間lift喇，
好多野都好新奇呀，
同時個度有幾個年青人係度，
我同kcm一致同意係班"小霸王"！
可惜，www始終都唔係佢親手比我，
only一個工作人員落出黎。
今次黎商台一個dj or 歌手都見唔到呀，
唔甘心，下次黎過！！！
不過我地個度都影左d相，
都幾好玩+有意思呀~

之後真係慘，因為唔知回程既小巴站係邊，
結局同kcm沿路行番落去，
沿途都有幾多搞笑野，(請睇相簿)
最好玩係我入到大學喇，
不過唔係最鐘意既中大~

完左我既商台之旅，
就代表住shopping既開始。
先同kcm去左又一城，
行左好耐但得個睇字，
好多都唔係好岩我地，
唯有係柏斯買左幾多野(for kcm)。

之後就轉番去kf繼續行，
其實今次真正目的係幫我買grad din裙，
kcm完全興奮過我~:P
行左好好好好好耐，
中途去左紅樹林食下午餐，(because kcm有Q旁，其實係任攞既)
我地2味都係肉醬，廿個正，
埋單每人$17，gd~
結果真係行左好耐，隻腳痛到呢...
我買左好多野，但仲未買齊。

最開心就係買左條裙喇，
終於唔駛煩，$60 only，
鞋又係$60，唔駛晒咁多$。
之後又要去買gift比erica，
買左一樣無聊野+2隻碟，
希望佢鐘意喇~~

買太多野會唔小心買多左野，
就好似我咁，唔小心咁，
就買多左件衫同一件泳衣，
唔該快d搵人同我去游水！！！

然後又貪玩，嗌左kwan落黎，(個陣我地已去了青城)
3條友超無聊咁講是日發生既事，
仲迫kwan玩估價錢遊戲，
途人應該覺得我地癲左~
多謝kwan送左一樣我鐘意既野比我，thx！
[kwan's dad超年輕，完全似佢既大大大大哥。]

P.S. 我想問其實個d裙應該襯咩袋？
可唔可以唔好咁細，
我真係有好多野要帶！！

Link of 相簿：http://picasaweb.google.com.tw/fkm0530/rpNbLH

人生最好的時光 - 十七歲 (1)

5‧30
今日我生日，就唔好介意我開多幾個post喇~
估唔到咁快就到左我細個好嚮往既17歲，
有開心有唔開心，但我覺得我活得無悔。

我唔想咁快18歲，
唔想要面對更多成年既問題，
對，我拒絕長大，
我覺得而家係人生中過得最舒服而又最青春既！

lee一刻既我，
既為左會考而擔憂，
同時亦為自己長大而快樂，
我講過，我唔會浪費青春，
我要好好享受我lee個17歲，yeah~

祝FKM：生日快"上"！

P.S. 多謝晒你地既禮物及祝福~

人生最好的時光 - 十七歲 (2)

[I] Dancing Queen - ABBA

You can dance, you can jive, having the time of your life
See that girl, watch that scene, dig in the Dancing Queen

Friday night and the lights are low
Looking out for the place to go
Where they play the right music, getting in the swing
You come in to look for a King

Anybody could be that guy
Night is young and the music's high
With a bit of rock music, everything is fine
You're in the mood for a dance
And when you get the chance...

You are the Dancing Queen, young and sweet, only seventeen
Dancing Queen, feel the beat from the tambourine (oh, yeah!)
You can dance, you can jive, having the time of your life
See that girl, watch that scene, dig in the Dancing Queen

You're a teaser, you turn 'em on
Leave them burning and then you're gone
Looking out for another, anyone will do
You're in the mood for a dance
And when you get the chance...

You are the Dancing Queen, young and sweet, only seventeen
Dancing Queen, feel the beat from the tambourine (oh, yeah!)
You can dance, you can jive, having the time of your life
See that girl, watch that scene, dig in the Dancing Queen

Dig in the Dancing Queen

[II] Sixteen Going on Seventeen - Rolf and Liesl

[Rolf:]
You wait, little girl, on an empty stage
For fate to turn the light on
Your life, little girl, is an empty page
That men will want to write on

[Liesl:]
To write on

[Rolf:]
You are sixteen going on seventeen
Baby, it's time to think
Better beware, be canny and careful
Baby, you're on the brink

You are sixteen going on seventeen
Fellows will fall in line
Eager young lads and rogues and cads
Will offer you food and wine

Totally unprepared are you
To face a world of men
Timid and shy and scared are you
Of things beyond your ken

You need someone older an wiser
Telling you what to do
I am seventeen going on eighteen
I'll take care of you

[Liesl:]
I am sixteen going on seventeen
I know that I'm naive
Fellows I meet may tell me I'm sweet
And willingly I believe

I am sixteen going on seventeen
Innocent as a rose
Bachelor dandies, drinkers of brandies
What do I know of those

Totally unprepared am I
To face a world of men
Timid and shy and scared am I
Of things beyond my ken

I need someone older and wiser
Telling me what to do
You are seventeen going on eighteen
I'll depend on you

Lee2首歌都係有關17歲嫁，
1st首係係《Mamma Mia》聽既，
一聽就好鐘意~~
2nd首就係《仙樂飄飄處處聞》聽嫁，
我覺得首詞好有意思~
送給17歲生日的我。

人生最好的時光 - 十七歲 (3)

今日一口氣睇左2本書，
係sis借比我睇既，
2本都係李牧童，
個名同一個友人有關係，
但個故事當然同佢冇關係喇~

書名為《追蹤海豚戀人》，
分為I & II 兩集，
本身初頭睇覺得好平淡，
因為情節太舊，係人都估到既幾角戀，
但一直睇落去，你先發現佢係行少少詭異既，
我即刻諗起林詠琛。
就係因為lee個突破，令成個故事加晒分，
總結：很好，故事緊湊萬分，結局亦令人滿意，情節亦甚少犯駁之處。
(欲罷不能、愛不釋手等既形容詞只可用於金庸小說，我堅持！)

其實lee本書最妙之處，
我認為係在於純熟運用愛情金句，
以引起讀者共鳴的一舉。
故事本是死的，只因作者借腳色說出不少愛情真實，
令人不禁大為同意，不斷加加加分！
以下是書中一些我最愛的例子，請看看有沒有共鳴！！

「大部份blog都是公開的，瀏覽無須輸入密碼。
把隱私告訴樹洞的人，是真心希望它替自己保守秘密；
選擇把隱私送上互聯網的我們，又是懷着甚麼心態？
如果單純為了安慰自己，為何不把秘密寫在深藏抽屜的日記簿內？

因為，我們都渴望被了解。」


「能夠成為男人的第三個女人，其實是比想像中幸福的。

初戀對象教人刻骨銘心，但是十居其九沒有好結果。
如果男人在初戀中失敗了，被嫌棄了，
男人在潛意識中，會想到要好好平衡一下受傷的心理，
於是在第二次戀愛中，男人的首要擇偶條件，
並不是要有一個自己真的很喜歡的女人，
而是要找一個很愛自己的女人。
惟有對方很愛自己，男人才會感到有把握，
確信這次不會再遭滑鐵盧。
恐怖的是，為了平衡心理，
男人會在不知不覺中找藉口、找理由，
非得要把第二任戀人甩掉。

成為男人的第三個女人，最大的優點，
是在這個時候男人的心理已獲得平衡，
所以在這時才出現的女朋友，
大多可以獲得幸福。

男人與初戀對象結婚的比率只有5%，
相反，與生命中第三個女人結婚的比率高達48%

.

.

.

.

.

男人在得了第二個女人後，最渴望的不是找第三個女人，
而是走回頭路，與傷害過他的第一個女人再續前緣。」

仲有一日！

今日又約左cmm去交$，
成日都好攰呀，唔想出街！><

估唔到只係隔左一日，(可能係我唔知)
地鐵站個間7仔摺埋左lu...
我企左係碌柱個度等cmm，
不斷見到有好多人都呆左，
唉，原來lee間7仔已經成為左唔少人生活既一部份。

等到cmm，因為一d事而又要先搵一搵eddie，
我發現我真係有d問題，
係人都覺得我怪呀，我唔想嫁！！！

之後cmm好傻咁話帶漏左相，
佢就要番屋企攞，我就去左圖館一陣。
點知...原來佢d相一直都係佢個袋度，
佢番到屋企先知道...氣炸了！！！(她太懵)

又出到去，唔知點解好緊張！！
好彩我順利咁完成d手續，
cmm就唔好彩喇，張支票出左少少問題，
搞到佢dad要特登搭出黎金鐘。
20/6，我會努力嫁！

等佢dad之前，我地去左太古廣場睇展覽，
cmm突然好驚訝咁講話有靚仔，
我睇左眼，哦，又係外國靚青年，(我諗同我差唔多or細少少)
又真係幾正嫁，戴晒帽咁幾型，
不過我地都覺得佢太瘦，
超痴線，我地係咁望佢！
突然，個個靚仔都望過黎呀，
好彩我咁岩走開左，搞到佢就望到cmm，
但cmm個時都有望佢，不過佢就話冇四目交投。
不過根據以上cmm行徑，cmm=發姣
(lee段係for kwan的，個靚仔既細路都好得意，
佢大概11、12歲喇，岩晒你:P)

聽日就17歲喇，I am ready！

P.S. CMM，謝謝你的禮物！:P

THX MUM~

今日端午，先講句「端午節快樂」，
我會繼續記住屈原...既楚辭《九歌‧國殤》。

mum冇喇喇拉左我去青城，
佢鬼鬼崇崇咁，唔妨有好野，
點知...原來佢係想送份禮物比我！
好surprised呀！！！
送左咩就唔講喇，但我好鐘意！
事出太突然，我都反應唔黎，
太開心，太感謝佢，估唔到佢都有咁搞野既一面！
(都有一秒感動到想喊)

Anyway, thz a lot~
希望我既ce唔會令你失望！！

P.S. 仲有2日就到喇~(自我倒數...然後爆炸)

天使愛美麗之我唔知佢講咩

今日睇左之前用d印花同網人換既《天使愛美麗》，
嘩，睇左頭半個鐘，真係講左句「好藝術呀！」

其實由頭到尾我都唔係好知個故事想點，
愛美麗做好事既動機係咩？
愛美麗做既好事點解隱晦？
愛美麗鐘意人為何要搞咁多無謂野？
唉，我真係覺得成套戲好玄，
愛美麗果然係個不折不扣既怪女孩。

我懷疑自己完全唔識睇法國戲，
我知我唔可以以偏概全，
但我之前睇過一套又係Audrey Tautou既戲，(詳情睇n年前既post)
睇後感同而家一樣，唔明=.=

不過，lee套戲特別既就係，
佢冇美國戲既吵吵鬧鬧，
添左一份法國獨有既休閒。

P.S. 好想係網上換走佢，唔怕怪想睇既話快d問我借！

P.P.S. 距離生日仲有3日~
先要同Brenda同Erica講生日快"上"！！！

Notting Hill

多得好多人推介(包括bu)，
我終於睇左《Notting Hill》(《摘星奇緣》)。
其實佢個故事好夢幻，
係好多人個腦諗過既野，
同個靚女大明星拍拖兼結婚喎！

不過導演拍得lee段情好淡好慢，
好似鐘意又好似唔鐘意，
戲中冇好誇張好吊人心弦既位，
只係慢慢咁若即若離，
令你好舒服咁等落去。

唔知點解，我真係好想講一句，
lee套戲好"英國"，但其實唔知係唔係美國拍既=.=
戲中既人物會用好多說話去營造氣氛，
特別係個d黑色幽默，好英國。

不得不讚既就係d配樂，
首首都耳熟能詳，
岩晒戲中一句常見對白「classic」！
好好聽，擺位又好應，為套戲加左好多分。

Julia Roberts靚爆就唔駛講喇，
最開心既係佢真係天生有種名人既高貴氣質，
真係無人能及呀，加上導演手法好，
拍得佢好靚呀，不論咩時間環境。

有一點真諷刺，我昨天才睇完Hugh Grant近年既戲，
今日就睇番佢後生既戲，好大對比。
後生就梗係白滑d，靚仔d喇，
但其實我成日都覺得佢隻眼好似未訓醒，
但一戴左眼鏡就唔同左喇，
型左一億倍呀！！！！！！！！
我幾時都話戴眼鏡戴得好睇既男人係爆分既，哈！

主角固然係好，但無左d配角根本不成世界，
就以飾演William既同居租客而言，
佢真係搶晒戲，唔靚仔但好戲，
完全表現到角色需要既crazy，太欣賞佢！
仲有William班朋友同佢個妹，各有個性，
充份豐富左成套戲，生色左好多，
冇左佢地，成套戲會減左一半分。

其實一開始睇套戲，就覺得好sad，
唔知係唔係導演刻意營造，
主角及其他角色好多都有自己既慘事，
大家生活都唔如意，但大家都好樂觀，
氣氛好沉重，但之間有滲透一種浪漫甜蜜，
唔識點講，唉，總之好special。

P.S. 「一日一戲」既計劃進行順利，keep going~

今日有感

岩岩去完青衣城番黎，
昨晚有睇新聞都知青城近排有招聘會，
我經過...

有好多年青人，
有好多唔同既好工，
有好多我識既人...

場內已經有好多人，
場外更加係排到去巴士總站再落一層，
而且仲係打晒大大大蛇餅既，
真係，完全冇諗過咁犀利。

我不斷係lee班人身邊經過，
我冇得打工，祝你地好運！

冇得打工的逍遙人上

有得去商台喇！！！

今日大約6點鐘左右，
正正同kcm傾緊電話，
而咁岩就有電話入，
禁過去聽，第一句就問要搵我(講全名)，
以為又係d訪問之類個d電話，
點知之後佢就講左句「我係ar wing」，
嘩！！！！！
之後就問我係唔係參加雜誌抽書個d野，
然後就話我中左，可以任何上班時間去商台攞書，
yeah！！！！！

勁開心係wwwinggg打比我，
而且有得去商台喇，(唔係無無謂謂上去)
我仲有得入去喎，
雖然只係去reception，
但我都幾開心呀，kcm直程尖叫！！！

我定暫plan左1/6去，
希望見到多d歌手同dj！！！！！

大成功！

P.S. 但我唔記得叫wingwing幫我簽名>.<

Music & Lyrics

今日終於有時間睇之前買既《冧歌有情人》，
比我想像中好睇，並非我諗既普通愛情片。

對lee套戲有興趣，其實係源於Vicky Lee，

佢係我F.3既時候，應該係考完6月試之後，

就諗住播比我地睇，點知我地反應極冷淡，

冇人理佢之餘，仲自己做自己野。

我就lee件事，一直都有一種難以形容既內疚感，

可能我實在太小題大做，

但今次買左隻碟再睇埋之後，

感覺即刻好左好多，

但我要強調，套戲真係好睇嫁，

我冇偏私嫁，鐘意淡淡既愛情就梗加唔好錯過！

但我真係覺得Hugh Grant老左d，
連我lee種幾鐘意老餅既人都有少少頂唔順。

佢雖然仲有型男魅力，但真係...

不過算喇，唔可以諗得太現實。

Drew Barrymore驟眼睇有少少似Kate Winslet，

其實我幾鐘意佢嫁，希望佢有多d戲上喇~

裏面d歌好多都好好聽嫁，
除左係咁發姣既女仔既歌，

我最鐘意係《Way back into love》同《Dance with me tonight》，

哈哈，都係一貫既浪漫情歌，

得閒上youtube聽下喇，有時舊歌都好好聽。

New Moon

嘩嘩嘩，究竟《New Moon》幾時係香港上！？

個故事好似係講Bella會變心於狼人喎，

下，咁靚仔既vampire都唔要！？

好期待好期待...

翻生侏羅館2

今日去左睇好多人都期待既《翻生侏羅館2》，
都幾多人睇嫁，但又未full~

其實故事都ok既，

得ok係因為我嫌佢時期太短，

上一集係橫跨幾日既故事，
但今集就一晚就玩完。

真係冇上一集精彩lor，

但如果你當一個新故事就好睇既~

今集要讚既就係有好多好多新角色，

林肯、拿破侖、新法老王..etc
夠晒熱鬧冇悶場，

而且樣樣都夠晒逼真or好戲！！！

個人最鐘意係林肯，好搶眼！

今次故事特登新加左條愛情線，

其實睇睇下我又覺得Ben Stiller幾靚仔呀，

佢同飾演女飛機師既Amy Adams又幾襯喎，

有d可惜就係Amy Adams既現代look太土...

總體來說，套戲真係好睇既，

但比人既印象唔深刻，

同我心中既bat man仲差太遠。

但lee套戲有一好大既優點，

佢巧妙用左咁多歷史人物，

有時我都有d衝動想上網翻查下lee d歷史人物，

以活潑既手法教歷史，good！

法院道

今日約左cmm去報IELTS既test，
其實我而家仲有d十五十六，
唔知自己應唔應付到...

點知我地千辛萬苦咁終於搵到間野，
其實好易搵好大間，
係我地2條路痴實在太蠢。
上到去，唔覺意聽到一d家長講野，
先知道唔可以交現金，一定要支票！><
唉，o晒，不過點都好過去到櫃枱先黎nor...

報唔到名咪走左去隔離既香港公園玩lor，
我好鬼鐘意超少人既公園，
好正，好靜，咁先係公園。
當地人口佔左7成係外國人，
我反而以為自己係外國...

咁岩經過茶具博物館，
嘩，佢係係一間好靚既英式大屋裏面嫁！
又有轉角樓梯，又有華麗既擺設，
加上一入去個種香茶味，
完全係入左另一個世界。
但唔鐘行博物館既人唔該咪黎，
因為lee度真係純粹睇，
冇任何互動既game，又冇得試下d茶~
不過我真係過左個休閒既下午。

之後我同cmm講我一定去搵我小學去親香港公園，
都會係個度野餐既大空地廣場。
原來個度叫「奧林匹克廣場」，
咁岩個度一個人都冇，
一入到去，一幕幕畫面出番晒黎！
全個廣場得番我地2個，
我企係廣場正中間，感受住清風送爽既休閒。

之後又周圍行左一陣，
唉，有一個噴水池好賤，
佢有條路比你行入去，懶浪漫咁，
點知行到入去先知裏面原來係水浸既，
成隻鞋+襪濕鬼晒，小佢！！！

走過陣仲有驚喜！！！0.0
我地見到陳振聰既律師Ian Mills，
一眼就認得出佢，
佢高我成兩個頭以上，超誇張！
真係估唔到會係香港公園撞到佢，
佢係我隔離行過咋！
cmm話佢可能係最高法院行過黎，
我地不約而同想去聽下審，
ha，too amazingggggggggggggggggg！

P.S. 之後一個人去左朗豪坊，
終於買齊hsm三集DVD成套喇，
超超超興奮，但大出血.....

Museums

今日連去左2個博物館，
有歷史博物館同科學館，

係同heidi兩個人去嫁。

首先，先去左科學館先，

因為實在黎過太多次，
好多野都熟晒面口，

好有親切感！！！！！

本身因為極多野玩既關係，

而真係好開心+興奮。

但其後遇到kammy等人，

加上我最擔心既小學團殺到黎，

唉，真係大煞風景。

實在太太太太多人喇，

其後好多野都完全冇機會玩到...=.=

不過，我同heidi都好彩有睇到一個show，(小小無聊)

而且我咁岩發現到「霸王龍」！！！

即刻影底番屋企po上網！！！

(其後森大哥果然講左我個po呀，大感動！！！)

另一怪異事，我係場內發現左一個中醫用既銅人，

我影左佢幾次都係失焦嫁，

影其他野就完全冇事，怪。

仲有呀，館內最高個層係玩極多錯覺既展物，

好多我都睇到"嘩嘩"聲，極鐘意，

影左好多相呀，ha~

之後就轉左去歷史博物館，

不過lee個館行左好少就走lu，

because有人實在太憎睇十年如一日既「香港故事」。

睇左一個關於舊上海既展覽，

有好多好懷舊好靚既野，

仲有幸睇到張愛玲既大學資料文件(我諗係正本黎)，好開心呀~~

之後，我任性地點都要去一去「香港故事」，

與友人鬧意見，我就不理所有衝左入展區，

但因內疚感越加強烈，

結果只行左一層，仲要係超超超快，

完全冇睇既情況下走番出去，

點知友人始終都走左入館搵我，

2人追追逐逐，好那個...

但我好感動之餘，亦都好唔好意思~:P

(大不透的笨蛋fkm~)

回程時，大家的腳也痛得叫救命...

today

我今日收到封信,
係學校寄黎嫁。
裏面只有兩張紙,
全部都係集體性的。
很失落,但一想起魏sir就好點了。
(全是用速成打的)

Twelfth Night

記得中三個年仲有英文閱讀堂，
真係有老師教書個種，
我仲好記得個年係叮噹教，
我勁鐘意上，佢真係好似係度講故仔咁！！！

個年就係教Shakespeare既"Twelfth Night"，
本身個故事又唔係話特別special，
但都算係一個浪漫既故事，
我個陣都好鐘意嫁！！！！！

直至後尾某一日，
係學校圖館借左隻碟，
叫做《球愛可人兒》，
本身都係當佢普通喜劇睇，
點知一睇之下就發現d人物既名好熟悉！
又Viola又Sebastian，仲有Olivia同Duke，
(我當年都叫做演出過Viola嫁，笑喇)
睇番info先知原來lee套野係以Twelfth Night做基本背景，
再加插1d新元素，football呀high school呀etc.

成套戲節奏明快，又多笑料，
雖然d主角都唔係咩大明星，
但睇得出演得好投入，好正！！！！！
係有個好印象既情況，我好鐘意lee套戲，
鐘意到我近排仲買左佢番屋企。
今日又翻睇喇，感覺依舊，
真係好鐘意呀！！！！！

My Holiday

今日又翻睇了《The Holiday》，
真係唔記得睇第幾次，
我實在太鐘意喇，
無論睇幾多次都係咁有feel同咁投入！！

兩邊既故仔我都好鐘意，
點解可以拍得咁細膩，
完完全全click到我lor！(雖然我冇拍過拖)
我實在太鐘意lee個導演喇！！

巴打，買買買買買+睇睇睇睇睇！！！

Wolverine

我的銀行煩惱沒完沒了，
搞左3日喇，仲未得呀，
聽日又要去多次，help！！！！

今日help mum去kf交電話費，
我梗係順手去埋睇戲，
好好彩咁有《變種特攻：狼人外傳》早場，
即刻交低$35~~~
係呀，我又一個人去睇戲喇，
that's not big deal，
我開始真係好享受一個去睇戲既樂趣，
之前睇一篇文章，話只要係認真做一件事，
即使只有你一個都係值得既，
好多外國人都係成日一個人去街睇戲，
當然，有人想搵我去睇戲都係無任歡迎嫁！

其實今日都驚多人，
我都唔知d理科人幾時考完bio，
好彩我諗佢地趕唔到早場，
我睇完先見到好多年輕人排隊買飛~(搞到我好似好老)

lee套戲，動作位夠晒爆分，
特技位都滿意，但我覺得故事一般。
也許lee套真係狼人既故事，
如果你唔係好鐘意佢，
你都唔知睇黎做咩~

最大感觸既就係，
如果你自己成日唔小心間接殺左d無辜既人，

咁你應該去邊好呢？

我突然諗起唔知邊套港產片裏面既鄭伊健，

同親邊個熟都會令個個人死，
唉，真無奈。

我覺得狼人遇上既際遇太不幸了吧，

但佢一一靠意志捱過了，

咁既人生看似很難受，

但其實都係睇個個人點樣過。

最有問號既結局，狼人最終都係被洗了記憶，

好定係唔好？忘記仇恨，但失去與擊愛的回憶，

連最後抱住擊愛條屍都唔認得佢，

咁真係一個好既結局？

有時，連我都決定唔到，

還是留給命運作出決策。

P.S. 5．12，汶川大地震一週年，悼念。

任性

因為貪小便宜而特登又去青城買野，(最終貪唔成)
係cd warehouse一口氣買左3隻碟，
1) 二缺一 - Charlene Choi (我的最愛，必必必買)
2) From JUSTIN Collection of His First 3 years - Justin Lo (佢出精選又要十卜)
3) H3M - Eason Chan (我愛死七百年後！)

買完真係好開心，
買野真係好過癮，
但金錢認真有限，
唔知下次再買咁多既時候係幾時呢...

P.S. 母親節快樂！！ (我衰女，冇請ar媽飲茶)

17 again

考完會考喇！！！！！(all筆試)

但老實講句，第一時候既感覺真係唔係幾好，
因為有d麻煩出現左，加上今日是大黑日...
算喇，唔好既野我唔記得左喇，
anyway，i try my best！

本身今日真係有好多plan左要做，
但一連串既意外使我的plan徹徹底底失敗了。
先係上段的麻煩使我的銀行煩惱要延長至下星期，
本身今日可以見見知己kwan，
但佢又又又唔得閒喇，就好似全世界得我咁得閒~
原本plan左今日同佢去睇戲+去圖館，
但最後我自己做晒！！！

咩戲！？咪如題目所言lor~
我決定我今個假期真係要睇多d戲，
直程去到想睇就睇既地步！
睇lee套戲係考ce前已想睇，
中左hsm毒麻，點都要支持下佢！

睇完，滿意喇~
點講呢，其實真係好普通，
故事、選角、music、演出，
大部份都係意料之內，
有d位係一定會令你笑，令你開心，
真係簡簡單單2個鐘，
我又唔會因此而覺得唔抵+嬲，
只係講入得場睇戲，
就請完全投入戲，
不需再介懷它是否hollywood大片，
對lee套戲真係冇咩特別commet，
有機會就睇喇，開心既~

之後行左陣cd warehouse，
早知唔行喇，一行又買左3隻碟，
仲有好多好多好多想買，
唉，上左癮，遲早破產。

又去青圖，好掛住d書，
好耐冇睇閒書喇，日日都係教科書！！
一口氣借爆6個位，大滿足！
仲要一出去就撞到sarah，
佢仲有bio未考，有得睇冇得玩，
我仲要好賤咁同佢炫耀，haha~

好攰呀，番歸lu~

SL後有感...

開始左中5生必經的「溫習期」喇，
仲未好習慣唔駛番學但要日日溫書既生活，
每日都總有d時間係混混沌沌咁，
好想再投入d，快d操起狀態！

一離開左學校同老師，
就好似離開父母咁獨立生活，
總係常常感到迷惘及不知所措，
但當我迷失時，
我一想起眾老師、所有好同學，
我就知道我不應放棄！！！

各位，請加加加油！

P.S. 因為之前的版面實在太悶，換了新的，我很喜歡！

良師益友

Tony係繼魏sir後，
第2個咁積極鼓勵我地中五會考生既老師，
令我非常感動之餘，亦令我明白到，
在會考路上，我絕不孤單。
多謝你，either你仲係唔係文軒教，
我都會去補你！

study leave

18/3，真係正正式式最後一日中五喇，
因此，我迫自己一定要打！！！

今日基本上成日係咁影相，
堂想上都上唔到~><

朝早先有超快既感謝演講，
雖然真係講得好快，
有d根本聽得唔清唔楚，
但唔知點解我聽到講miss yip個度，
我突然覺得好感動，
有一秒眼濕左，ha~

上英文堂真係好勁，
miss kwok送左考試孖寶(鉛筆擦子膠)，
同埋一粒超好味既朱古力！！
佢仲比我地搞到眼濕濕，
我一會用考試孖寶，
我知你係背後支持緊我地嫁！！

中史又係係咁影，
仲出埋去平台狂影，
成功同miss ng合照！！

小息終於終於同左陳sir影喇！！！！！！
不過最衰kwan，矇左！！！><
點都好過冇，好珍貴呀！
仲有，佢真係好認真填張紀念冊，
知到左佢好多野，我L你！！

世史基本上miss yip一入黎就被人狂影，
我地都係痴晒，影完班相又影個人，
miss yip好多醜態被人影左~~

maths就算有2堂都冇用，
都係喪玩，影影影影影~~
我都始終同左張sir合照...

lunch一放就又係影，
差唔多同晒所有我想影既人影，
好開心呀，好滿足呀~
跟住又膽粗粗去搵3位ar sir，
成功同魏sir+姚sir有個人合照！
不過好衰呀姚sir，
影矇左我同魏sir個張呀！！！！！！
sxxt，好憎你呀，好難得嫁幅相！><

入hall綵排，好唏噓，
咁就5年，到我要上台畢業，
可恨的是我可能要四大皆空，
算，ce才「大鳴大放」！

班主任堂，miss ng帶左d靚靚即影即有相紙黎，
輪流同晒全班影，好靚嫁！！！！！
佢真係好錫我地~~
(佢仲送左飛吻比我地><)

放學仲未想走，
唔想咁快就完左個中五生涯，(not mean repeat！！！)
左影影右影影，
最後去左同miss yip傾計，
傾左ok耐就走左lu，
知道左佢一個秘密...

多謝，多謝吳祥川，多謝所有老師，多謝所有共度5年時光的好同窗。

假

我究竟係邊個？

點解我好似從來都睇唔清自己？

我可以突然好大方，懶好人咁，

但係另一面就成日亂諗野，

唔鐘意lee樣唔妥個樣，

淨係擺係心到唔講出黎，

自己一個人嬲，why？



好可怕，我討厭這樣的自己。

我希望早日遇到真心視我第一的人，

這未必太大的想頭，佔有慾狂。

你好嗎，mock？

嘆左3日，今日復工，
其實仲未操番起嫁，
但今日先黎派卷遊戲。

心情大上大落喇，
有d意料之內，有d真係好O嘴，
最唔開心梗係文學，
退步之於仲要比人過左，
我唔只輸左成績，我輸埋科長。
我諗，lee個係我自作自受，
係我太有信心？太少準備？根本太唔掂？
可能全部都係，總之，我輸了，
越唔想比越係會輸，
ok，I am loser！

此科影響了我整日的心情，
不管其他科如何，總是提不起勁，
真係太失望了吧！
我令到某d人好失望...
我覺得我未做到最好，
有內疚有唔甘心，
我希望其他人唔好步我後塵，
有d野而家先黎後悔係好失敗既一件事。

我希望我唔會四大皆空，
我希望我家人可以見到我上台領獎，
我希望...總是渺茫。

FKM, plz cheer up~:P

身中「家」中不知褔

http://www.youtube.com/watch?v=Kpohfny7jWg&eurl=http://hk.myblog.yahoo.com/leo_chim/article?mid=12759

這兒總是不能直接貼上youtube，不知為何？
沒有空去研究，所以煩請大家click進上述網址，
看一段觸動人心的短片，
在地球另一方有人每天也記掛住爸爸，
what about you？
請珍惜有家的福氣。

「如果你最近也為了小事悶悶不樂，我相信現在該一掃而空...
至少你還有親情！」

P.S. 原來mock失敗也不算是最悲慘的事。

乒乓玩我

是日同左heidi去打一個鐘頭既波，
真係好開心！><

首先，我地係冇book既情況下去碰運氣，
結果當然係成功喇，唔好而家有咩打！？
最好彩既係排我地後面個2個女仔，
又係想book乒乓波枱，但已被我地捷足先登，
book埋最後一張喇，yeah~

玩個陣真係好crazy，
又大笑又成日發生nor事！！！
(我成日打左個波去隔離枱...)

之後2條友又死去青城買野食，
馮某人仲要貪小便宜買$1汽水飲=.=

我真係覺得有時襯空閒就應該打下波，relax下！
lee一個鐘真係近排最好的時光，
係一個無憂既時刻。

P.S. 今日既staff好好，又helpful又nice，gd~

Slumdog Millionaire

考完mock，指定動作梗係去睇戲，
我鋪睇戲癮就快要爆出黎喇！！！！！
又係一個人呀，都幾享受，
好似個d專業睇戲寫影評既人！

唉，有好多戲想睇，
但全部落晒喇！！！！！
milk、the class，番黎呀！！！
結果揀左冇諗過睇既《一百萬零一夜》，
估唔到比我想像中好！！！

咳咳，先講番d前奏先，
話說我又一個人去kf睇戲，
估唔到又係2號院，同上次睇《Yes man》一樣！:O
不過今次冇坐最後，比人buy左lu~
我揀左F5，我都唔知點解，
可能因為我姓馮+我既lucky number係5喇~

又係我第一個入戲院，
好靜，好正，環境一流。
我真係越黎越鐘意睇戲，
我就快會因此破產，恭喜晒...

有樣野勁搞笑lor，
成個2號院中，年紀應該係我最輕，
周圍都係d上左年紀既人，why？
原來係因為佢地可以用$10買飛嫁，
唔怪得喇，恨死我喇！！！
haha，真係好有趣既發現呀！
但我係用學生價$45嫁~~

好喇，講番套戲喇，
睇完真係令我百感交雜。
開頭諗住係當普通愛情戲去睇，
但畫面實左拍+剪得太好，
我簡直被攝了入去。

故事當然係由幾位主角由細講起，
生活好苦，我一生冇遇上既苦，
他們還在童真時已要遇到。
不論係貧窮、骯髒、被欺壓，
亦甚至是天下最不合理的種族仇殺，
每一幕也看得我目瞪口呆，
真不敢想像怎樣捱過去。

另外一個片段，他們遇上白人拐子佬，
生活看似很好，反面的卻是多殘酷的現實。
為何因歌聲動聽，而要賺取更多的金錢，
結果要遭人無理地用硫酸(我估)弄瞎，
這是世上不能容許的事，
很痛心，最後還要讓Jamal重遇上已瞎了的故友，
看着他那已無神的雙眼，
深深感受到世界的無奈。
(同時係唔係有d暗諷黑白種族呢？)

另外可說說Jamal的哥哥沙林，
佢係一個矛盾既人。
可以好不顧兄弟情，但佢其實又好錫Jamal。
講佢點對Jamal衰，
小至係細個陣搶左Jamal千辛萬苦得黎既簽名相，
大至大個搶左Jamal最愛既女人—麗緹卡。
佢雖然咁衰，但好多時始終否極泰來，
為左唔比d拐子佬整盲Jamal，
佢決定反抗逃亡；
佢明知佢細路一世都唔會原諒佢，
佢仍然要搵番佢，同佢一齊住；
佢寧願死，都決定放走麗緹卡，
最後成可以令Jamal同麗緹卡係埋一齊。
總括而言，佢真係一個令人又愛又恨既角色。

麗緹卡呢，其實我覺得佢可以再strong d，
但佢而家都好好，身為一個印度女人，
做到佢咁都已經好勁，
又夠膽逃走又一直對Jamal充滿信心。
現實中，太多人會因為迫於現實而改變自己去配合，
麗緹卡的美除了係個樣，更加係發自心的。

好喇，到我地既男主角—Jamal。
佢既堅持、深情、專一，
試問係lee個世界上仲有幾多個？
如果唔係佢無論如何都要搵番麗緹卡，
成個故事根本冇得講落去。
其實我覺得lee套戲有d唔好就係，
冇咩點講其實Jamal同麗緹卡點相愛，
係根本青梅竹馬而日久生情，
定係一見鐘情？？？
我有d不解，但其實lee個又唔係太重要既...

套戲最妙就係玩巧合+呼應，
所有出現過情節，
最後都會得出一個結局，
一定唔會令人覺得有種欲言又止既感覺。
玩巧合既就係出自d問題，
題題都係可以勾起佢既回憶，
全部佢都咁岩經歷過，
真係唔知係唔係佢所講既「命中註定」，
有時有d野黎係阻止唔到嫁。

有一樣野真係令我自愧不如，
點解3位主角遇上咁多折磨，
仍然可以咁勇敢生活落去？
換轉係我，可能已經...

片尾跳舞睇得人賞心悅目，
我覺得佢地2個好似真係相愛咁，
特別係個男仔，下下眼神都有愛流露出黎~:P

lee套戲有太多位真係可以令人諗好多野，
我都寫唔晒，加上好多都比人寫左，
so，我就在此擱筆。
言有盡，意無窮...

D. It is written.

【好文分享】《荀子．宥坐》

孔子觀於魯桓公之廟，有欹器焉，
孔子問於守廟者曰：「此為何器？」
守廟者曰：「此蓋為宥坐之器，」
孔子曰：「吾聞宥坐之器者，虛則欹，中則正，滿則覆。」
孔子顧謂弟子曰：「注水焉。」
弟子挹水而注之。中而正，滿而覆，虛而欹，
孔子喟然而歎曰：「吁！惡有滿而不覆者哉！」
子路曰：「敢問持滿有道乎？」
孔子曰：「聰明聖知，守之以愚；功被天下，守之以讓；勇力撫世，守之以怯，富有四海，守之以謙：此所謂挹而損之之道也。」

-------------------------------------------------

詳細解釋就自己領略下喇，
但孔子最後講既道理就好正！

「孔子說：『其實做人的道理也和這酒壺一樣，博學的人要看到自己的無知，功高的人要懂得謙虛，勇敢的人要當作自己膽怯，富裕的人要知勤儉。人們常說不要驕傲自滿，要取長補短就是這個意思。』」

我想，我又從古人中明白了一個人生道理。

另外，剛在網上看到了一則內地新聞，
有人問：為甚麼孔子述而不作？

um...真係要孔子番生先答到你...
還是，這是一道考想像力的題目？

Oh，Yes！

http://www.youtube.com/watch?v=r5YJkahRBKc

http://www.youtube.com/watch?v=OgqzuT3eyaw&feature=related

是日心情十分郁悶，
任性地去看了《Yesman》，
任性地買了東西吃，東西喝，
完全沒有用大腦思考過，
整個腦怠惰地不想動。

早了15mins入場，
好讓自己靜下來，
可以想一想，寫一寫。
整個戲院只有我一人，
很靜，原來包場是這樣的，
2:05pm，但我不感到開心。
一個人去看笑戲不是很可悲的事嗎？

快要開場了，仍然是得我一個，
真不明白買了飛而不入場的人是甚麼心理。
結果，整齣戲總共有7人入場(包括我)。

xxxxxxxxxxxxxxxxxxxxxxxxxxxxxxxxxxxxxxx

成套戲黎講算係中上喇，
唔見突出，亦冇特別深刻位，
但好就好在夠輕鬆，
笑笑笑就冇負擔咁完左件事。

先講下d人物，
占爺超好戲，成套戲都係佢帶起，
冇左佢成套戲會變番一套平凡到不能既戲。
不過，時間無情，占爺亦要老了，
臉上的皺紋總是給人很老的感覺，
和後生靚女女主角擺埋一齊，
總係有d怪，唔太襯，
係年齡既問題！！！

lee套戲另一可取既就係d男配角好得，
演律師個個好靚仔，我鐘意！
演二撇雞個個其實都好得，
不過佢比d鬍鬚搞到殘左，
其實你會發現佢皮膚好白好滑嫁！！

咪話我淨係睇仔，
但d女角實在係...
除左靚靚女主角，
其他都...唔係好得，
特別係演靚仔律師個老婆個位，
真係...唔係醜樣，係比平凡更平凡...
女主角就真心靚，特別係佢紮計個陣，
佢朝早個個打扮好襯佢好靚~~

講就講唔深刻，但都要記得位，
係個演講個度一齊嗌「Yes」同「Noman」個陣，
好震撼，我都想一齊嗌！！！！！
原本以為跳橋好勁好精彩，
原來只係冇關痛癢+唔刺激既一幕~=.=
好鐘意裏面一首歌，歌詞填得好好，
戲中占爺唱比想跳樓個個人聽，
之後全部人一齊唱，
lee d咁齊心既畫面真係成日令我好感動~

有一個位真係好搞笑，
就係伊朗女人係網頁個段片同占爺露股，笑死人！
片尾好彩睇到有行野話仲有片睇，
唔係就miss左+走寶喇，
男女主角一齊玩超危險運動，正。
不過我又nor左，行行下又坐低...
跳跳舞機同揸電單車我真係服左佢，
勁到咁，又係超好笑~~~
「出乎意料」，之遠都係最好玩既野，
係銀行業績個度我好鐘意~

其實成套戲好positive，真係冇揀錯，
我越黎越睇唔出d電影係想表達咩，
所以我唔敢亂講喇。
我淨係覺得凡事可以從正面看，
今次既倒霉可能係一個機會或一個好運既開始，
唔駛受到挫敗後就沉哂，
嘗試講多d yes，lee個字好神奇地會令你有開心既感覺，
有動力，有番精神，有信心繼續面對問題。
今朝我覺得唔開心，但我睇完lee套戲，
我決定當我遇到不如意既事，
唔好再講「oh no」、「oh sxxt」、 「oh my god」，
改左講「oh yes」，真係成個人輕鬆左，
想灰心埋怨時，就放開左，
反而有番種力量，開心番！^.^

因為我坐最後一行，
又得我一個人坐，
而且距離我最近既人都係隔左行，
所以我可以做好多平時做唔到既野！
伸懶腰、大動作食野、大聲笑、"瀑"係前面個張"登"度，
真係好free，好似係自己屋企咁:P
不過，笑個陣有d尷尬，
因為太少人，我驚笑錯位~>.<

真係仲有好多唔重要冇特技既好位，
輕輕鬆鬆咁享受個下午都好呀，
我就鐘意睇戲睇書，
多過行街好多倍喇！！！
Oh Yes！

年初7

年初七．人日快"上"。

此刻心情很鬱悶，
怎樣也不能開心，
不要這樣，但也不要強顏歡笑。

6

今日又開始忙碌既補習生活了，
身體彷彿未能適應，全身酸痛...

晚上又是一種失落，
無助+被遺棄的感覺又再出現，
為何現實總是那麼殘酷？
承諾何時兌現？
令人失望的感覺好討厭。

請問你有沒有想過我呢？
一個人負起所有責任確實不好受，
我已厭棄一個人處理所有問題，
我還要說多少次你才聽懂？
我很累，請好好疼惜我吧，求求你。

P.S. tvb好cheap，為左廣告，將東城左cut右cut！！！(火)

人生太多錯過...

救命呀，為左會考一take pass，(考車牌？)
我決定2月開始閉關，
遠離凡塵中所有事...

我將會錯過以下好戲：

地球毀滅密碼 (Knowing)
一百萬零一夜 (Slumdog Millionaire)
浮生路 (Revolutionary Road)

荷里活猛片，題材吸引，必睇之作。

新娘愛鬥大 (Bride Wars)
開心直航 (Happy Flight)

輕鬆愛情喜劇，用黎調劑心情一流，間唔中係要睇下。

救人七命 (Seven Pounds)
愛與痛的「嫁」期 (Rachel Getting Married)
課室風雲 (The Class)

有意義既電影，令人反思同有所得着既作品，必睇。

換命謊言 (Changeling)
夏菲米克的時代 (Milk)
聖訴 (Doubt)

題材敏感既作品我最鐘意，橋段吸引，必必必看。

但...我全部都冇得睇，
唔駛考試又有得睇既人有褔了，
所有好睇既戲都係會考既時候上映了。

但...如果我咁都升唔到中6咪好失敗！？
唉.....至少我付出過。

P.S. 巴打們，可憐下我，
係會考後請買晒以上電影既vcd/dvd給我，感激萬分！><

Passport

今日特登同mum進行一場「秘密行動」，
基於某些原因，我唔可以比sis知道我去申請passport...

因為遲左冇得上網or打電話預約，(full晒！>.<)
唯有同mum晨早仆去，
早餐都趕唔切食！！！
但因為mum行錯路既關係，
我地最後8:50去到，(9點開)
條龍長到呢呢呢呢呢呢呢呢...
真係一路行，一路想爆粗！
一路排仲有d衰人不斷勸人用少少錢買前面既位，
妖，真係想一腳伸走佢地！！！
排排下，終於有d工作人員同我地講我地會有籌，
呼，鬆一口氣~~~
攞完籌就去食早餐，勁肚餓呀！
(嗚，個登記處既人講話要帶出世紙，
sxxt！冇帶呀，一陣又要仆番去屋企，
好彩攞既係下午籌...)

其實都冇點諗過去邊到食早餐，
話晒係油麻地都唔太熟路。
結果行行下，就去到「美都餐室」，
mum極鼓勵我入去試下，
話lee度係佢既童年回憶喎...
最衰冇帶相機，冇得影低d環境，
大概形容係好懷舊，好有feel，
一入去就見到好舊香港既桌椅，
仲有閣樓可以上，不過老闆話未開~:P
坐低睇下有咩食，原來係冇餐叫冇特別款，
只會有最normal野食。
唉，不過見到價錢o左，
因為全部都散叫，仲要唔平，
我覺得都幾唔抵，但mum就好唔care...(勁)
mum要左茶走+牛肉通，
我就要華田走+餐肉通，
佢話要等15mins，
唔知點解要等咁耐，
慢功出細貨？

等到佢黎齊，即刻食，
嘩，我同mum都覺得杯野好有料到，
好鬼死滑，正呀！
我試過mum個碗既牛肉，
同一般既好唔同， 好軟滑，
冇筋唔駛點咬， 岩晒我d都冇牙人，正！
碗通粉係好大碗， 食完真係飽晒，
粉又彈呀， 真係唔駛再食個d咩奄列，
佢真係值lee個價錢。
2個人$70埋單， 食左個好好味既早餐，gd~

之後，翻番ty，
係m記等mum番home攞野，
"勉為其難"地買左包細薯條，
以換來一張新Q旁~~
wow，2月又有藉口去食m記喇~~

之後又搭番車去油麻地，
未夠鐘同左mum去附近既玉器市場，
真係未去過lor，又見識多一樣野！
我想講呢，裏面係超多外國人lor，(中or歐)
我諗個d檔主d英文+PTH分分鐘好過我=.=
除左係女人街，lee度係我第2個同一時間見到最多外國人既地方。
mum最後買左隻玉介指，唔識欣賞=.=

又要番去入境處搞手續，
等左極耐先到我，
不過就好快搞點d手續，
交$370個下好肉赤，
但攞到張換領收據就覺得好興奮，
我等多2個星期就可以有自己既passport喇！
(遲d要自己黎攞，驚><)

搞掂晒之後，mum又話去high個tea，
諗左一陣，我終於被好奇心驅駛下，
又同mum走左「美都餐室」個度食~:P
今次有得上去閣樓，正呀！
一上到去，就覺得好熟面口，
咦，原來係tvb一套劇《廟街．媽．兄弟》既取境地，
我仲記得克勤坐係一張枱度食蛋撻既場面。
咁岩又有一個窗口位，我同mum即刻去坐，(好傻仔~)
嘩，勁有feel lor，真係可以望出條街度，
雖然因為仲早所以條廟街未有攤檔開，
但都好正，好似番翻去以前咁...
mum要左茶走(又飲)+西多士，
我要紅豆冰(mum推)+腿蛋治，
我杯紅豆冰係mum既主打童年回憶，
佢話佢以前成日同姨媽佢地2個人飲一杯紅豆冰。
不過今次失左策，唔記得+$8要加蓮子，
未夠傳統，不過都真係好正！
仲有件腿蛋治，超有蛋味，
熱辣辣之餘，仲有勁香牛油味，
真係好好好好好味~~
另外，份西多士都好正，外脆內軟，
佢仲要幫你落埋糖漿，好細心，
真係好有蛋味，食完又唔漏，
有心機之作，好味到難以形容，
3點3，望住個景，食個正既下午茶，夫復何求？

食完個咁好既下午茶，
行左一陣街，買左少少野，
打道回府~

P.S. 今日我終於buy左個夾碟既野，maybe useful~

年初二

今日都算還得好充實，
去晒車公+黃大仙！！！

今朝起身食完煎蘿蔔糕，
睇左陣咩歌星賀台慶就出發，
搭巴士出去大圍車公廟，
行緊去個陣，見到有人食富豪雪糕，
仲要係士多啤梨味！！！！！
我同sis都超想食，
但沿路都冇遇到...
我同sis都冇入去，
不過mum都話幫我同車公爺爺祈左，
祝我會考成功！！！
買左個金色風車就走lu，
點知，行行下又見番架富豪雪糕車！
即刻同sis衝過去，成功食到喇！！
都ok嫁，大滿足~~

之後同mum+sis商量一陣，
決定搭埋地鐵去黃大仙！
去到照舊我同sis就行街，
mum去完廟就搵翻我地，
又多左一個風車，
mum仲特登買左個有「學業進步」tim呀！
之後，3條友去左食kfc，
嘩，想食好耐！！！！！
然後就迫42c返屋企lu~~

P.S. 其實係黃大仙個個商場仲同sis一齊食左紫米糕+芒果糕~:P

文科生的驕傲

今日又有活動堂喇，
事前絕對不抱期望，
諗住又係係art room度hea左去，
點知...今日係係雨天操場！

原來今日中文學會係玩打乒乓波，
即係類似獎門人咁，
一路打一路講野。
我地個組先對5B個組，(超唔想)
我地派出heidi+wxg負責打，
我+lee laam+蔡就負責答，即係狂嗌！
題目有標點符號、金部首既字、成語...，
不過最正有中國省份、中國皇帝、
仲有！！！「中國詩人」同「中國詩名」，
對於讀文學既人黎講好震撼！！
lee round順利過關~~~

之後就去對f.4既一班人，
今次有少少難道，
算係好有實力既對手，
有一、兩次都係贏/輸接唔到波，
最係險勝3:2~~~~~~~~~~~~

然後再對一班唔知form幾既男仔組，
佢地打波就叻，答問題就九流，
今次改制，要真係一個人答+打，
本身個個都縮沙，
因為各有所長，一心不能二用，
結果我地採取存定答案既方法，
即係聽完題目，係開波前，
智囊團們就不停講答案比打個個人聽，
打個個就要記得成5、6個，
咁樣就win硬！！！！！
終於，對手個組可能冇諗過lee個方法，
淨係打天才波，結果...慘敗，
佢地往往接到一個答案，
下一個就接唔到，笑鬼死我！

特別係佢地答「中國詩人」個回，
我地答完李白，佢地答完杜甫，
我地再答王維，佢地雖接到波，
但佢地一句"唉吔"，失敗。
結果當然係我地成為總冠軍喇，
haha，我地真係超開心！！！！！
又give me five，又yeah，
連miss李都戥我地超開心，
其實玩個陣都已經讚左某人...keke

我地今次贏個超漂亮，
足以彌補上次既缺點。
雖然好多人話今次好唔fair，
d理科生唔會識答，
sorry，你地唔記得左lee個係「中文學會」，
問中國文學好正常嫁咋喎，
而且，如果我地幾個文科人冇讀書，
又點會識學以致用！？
所以，我地係眾望所歸，有得留低！

事後，得到食物禮物，
分享了很多給老師，
大家也很開心，
我和heidi更因玩得太投入，
聲又拆了，變得沙啞，
但一切也是值得的，
實在太太太太太開心喇，
wohohohohohohohoho~~

P.S. 我一定中6番到黎繼續玩學會嫁！！

Buy-day

my beautiful shoes

今日係買衫過年既大日子！！！
首站去青衣城，我仲要去埋睇老夫子，
係UNIQLO買左2件衫，
係fleece，must-buy item！！
不過色就冇麥點可以揀，
好多都斷晒，
最後buy左pink+purple~

之後去運動家，
睇下我想買個對adidas出左未，
唉，搵唔到~
再去馬拉松，又冇，
最後去cagalot，都冇呀！！！
灰爆，之後ar媽suggest去kf~

不過去之前要去左睇老夫子先，
ar媽唔入，我自己比左$10入。
嘩，好多野睇呀，
淨係最開頭個幾個figures都開心晒！
影左好多相，最鐘意所有人物出晒黎做背景個幾張，
遺憾的是冇人幫我影相><
之後咁岩有有人扮老夫子既show，
佢真係扮得好似，講野勁gag~~
佢都謀殺左我幾多菲林！！！

然後搭mtr去kf lu~
唔服氣，第一時間去左adidas店睇，
冇冇冇冇冇冇冇冇冇冇！！！
再去運動家，冇，ok，放棄！
補充，我係adidas咁好彩買到個超正袋，
佢唔單止平，(only $89)
色又鐘意，係黑配紫呀！！！！！
真係好開心，超滿意~~

之後經過Reebok，
係門口見到度金鞋，一見鐘情，
ar媽 feel the same way！！
而且又唔係好貴，
符合我既budgt，(折實$280，平過我對雞仔~)
不過都唔係即刻仆入去買，
去埋CPU睇，冇咩岩，就番左去買喇~

P.S. 我sis睇完我對鞋，話太爆喎，係咩！？

攞住幾袋野，買左少少野食就番home lu~
好攰呀，好想訓呀，
但今晚勁多tv要睇！！！
(特別係獎門人+星星同學會)

Second

今日又要出去交換喇，
同換碟個個人傾好左喇~

補完maths就拿拿臨去搭mtr，
結果早左5 mins到太子，
打左比個馬小姐，等左一陣，
佢終於搵到我~
lee個就冇咩野講，cool d~
佢換比個2隻《新紮師妹》+《行運超人》，
都算好新淨，《行》裏面重有ar sa相tim呀，賺了。

今次又係好順利地交換了。
希望可以快d清晒d野喇~~

1st 交換

膽粗粗一條友7點幾出到去mk，
個個kit就打比我，
我地講左一句到我就見到佢，
佢個樣係好好人個種，
笑容滿面，但又唔係裝出黎個種~
我地就攞野出黎交換，
其實個度都有好多人好似我地咁交換，
交換聖地！？不解~.~
佢仲問我又會咁早到，
我又無無聊聊地回應，
成個過程都好愉快，
希望佢唔會不滿我既書喇，
佢個本書好新好靚，100分~

I have a good start！

P.S. 希望佢會比"滿意"我喇~

震撼震撼震撼震撼震撼震撼震撼震撼震撼震撼震撼震撼

Again

又一個我有興趣既交換，
今次係一本書換2隻碟，
其實而家仲未傾好，
唔知係唔係人生既第2次呢？

16/1 fri

同個個人傾好左喇！！！！！

係今個星期5呀，
好緊張呀，
人生一大突破！

see u on fri~

P.S. 其實佢會唔會換左我本書之後會覺得好唔開心？
因為本書真係一d都唔好睇...

Start

大膽咁擺d野上網同人交換，
結果真係有人有興趣呀，
我已經答應左交換，
唔知會點呢？
唔會遇到壞人掛？
好期待又好驚，
終於開始左喇，

不過lee個係一個秘密行動，
唔比得屋企人知，
天父，希望一切安全順利喇。

遭天譴

今日番學搭lift個陣，其實都唔係有太多人，
大約有10、11個度喇，到左某一層既時候，
有個女仔想入，但係佢一企入黎，
個超重鐘就響起，但唔係個女仔太重，
而真係架lift不勝負荷~~
其實我覺得架lift裏面既書包重量加埋會有一個人咁重..=.=
之後係間lift牽起一陣談論，
有個男人仲話住在係度廿幾年都未聽過呀！
haha，so do i~
不過我冇廿幾年，十幾年姐~:p

今日好鬼死凍呀，得10℃！
凍得黎仲要有風，help!!!!!
我同麥+溫(特登撞既)行到去學校附近個陣，
一陣極強寒風直吹我地，
我同麥即刻躲去溫後面，
可憐既溫同學，成為了我們的檔風板，
你保護着我們前進，感激萬分~T.T

P.S. 實在太好玩:P

今日上maths，
張sir一入黎就即刻同我地講學校隔離冧棚架一事，
佢話個d花牌係慶賀隔離村村長個仔做太平紳士，
佢仲要係講之前，問我地班有冇人姓鄧，
咁岩又有喎，haha，笑死~~
終於佢係群情洶湧之下肯講，
佢話d花牌咁鬼張揚，
個天都睇唔過眼，
刮陣大風吹冧晒佢，
佢仲話lee d就係「遭天譴」，
真係服鬼左佢呀，haha，笑笑笑~~

另外，今日中文堂係oral堂，
我個組係discussion個度完全冇人講野，
咁好彩miss黃又冇黎check我地，
所以我地坐足18分鐘，靜晒。
勁free，勁開心，我諗左好多野，
包括上面既「天譴論」~~
真係估唔到咁順利，感謝主。

又到Happy Friday~

無題

《死水》真係唔係我杯茶，
完全唔明+無覺趣，
成日上堂都吽吽下，
唉，唔可以再係咁！！！

今日上上下文學堂，
李巧燕無喇喇殺左入黎，
又自己搞錯又唔知，nor爆！

看書看得人也糊塗了，
腦袋亦隨之遲鈍了，
很簡單的事也想到超複雜，
完全思考不到，很不開心，
猜不到自己是那麼弱。

很混沌，很想讓腦袋清醒一下。
唉，為何會這樣呆...
動作亦緩慢得很...

Thinking about Gradin

今朝reading堂個陣，

有人走左出黎講gradin既野，

下！？有d驚訝但其實又好平伏，

原來中五生涯已走了一大半。

快要真正面對會考，

但好像還是遙遠之事。

人該要成長的，

但怎樣才能真正感覺到呢？

不知道，從來也不知這。

但願過程與結果也是美好的。

P.S. 減肥計劃宣告失敗T.T

飛襪

今朝真係多事之秋，
由5點幾開始煩，唉。
斷斷續續咁訓左陣就準備返學，
搞好晒個飯壺就去收襪喇，
點知好衰唔衰就係懶，
竟然先放開晒d夾，
想一次過攞晒2隻。
後尾咪搞到基中一隻飛左落街lor。

睇住隻襪由26樓慢慢飄左落地下，
中途轉左轉右，最後就撞到d野，
再直抵地面，唉......
佢飛既時候真係有種難以形容既感覺，
好似乜野都唔存在咁，
佢好似當堂唔屬於lee個世界...

「皆若空游無所依」！？