Alex & Emma

剛剛看完很久以前以超低價購入的《ALEX & EMMA》，
其實lee套戲有冇上過畫我都唔太清楚，
因為2位主角都算係出名既，
所以我對套戲都幾有期望。

戲中故事好old school，唔係話情節老套，
而係戲中好多野而家可能唔會出現，
例如係Emma用既打字機 =.=，
我差唔多好似未見過…
而且套戲應該係係好耐以前拍，
無論環境事物都比人一種好舊既感覺，
同而家好似有一段幾長既距離咁。

條愛情主線略為平淡，好多野都唔夠深入，
令人感受唔到佢地濃濃既愛意，
簡單d講咪即係唔夠sweet lor，
不過可能係我比而家d戲寵壞左姐，
用以前既角度可能已經好好。
我亦覺得套戲節奏唔夠快，
情節衝突/高潮實在太少or太平淡，
如果可以寫得佢地有多d唔刻意既浪漫就好喇~

我通常對戲既結局唔多滿意，
唔係嫌人地太行，就嫌人冇我諗得咁好，
我今次又覺得個結果唔夠精彩，
我自己又諗左個自我認為巧秒d既，
唉，算喇，又睇完一套戲喇~