派卷日．１

今日派卷喇，好驚呀！！

今日淨係派左中、英、數，但都已經嚇到我標晒冷汗…

先講下中文先，
嘩，真係大起大落lor，坐晒過山車咁！！
miss黃超”好人”，派左平均最高分既listening先~
又真係好高喎，開心左一陣，
派中綜既時候，真係慘到想喊！！
全班合格，係得我一個人紅左咋，
我發生左咩事！？發神經lor，
完全睇錯題目lor，錯到7彩lor，唉…
到派中作，發現自己文筆好差，唉唉…
最後派中閱，miss黃話超失望，又話全班得10個合格，
心諗我都係死梗，但又比我碌到喎，仲碌得唔錯喎，
搞咩呀！？人生真像一場戲。

冇休息咁繼續派卷，今次派英文，
經歷上次既紅分，搞到冇乜信心，
派reading個陣，冇咩感受。
派writing個陣，冇咩感受。
派listening個陣，開心左少少。
派oral個陣，ok喎，成功突破！！
對今次英文滿意喇！！
God safe me~

完全冇break咁繼續派卷，派數學喇！！
好緊張好緊張好緊張！！！！！！
升到f.4，越考數學越冇信心…
Long Q卷，比想像好lor，
M.C. 卷，大失手，極不滿意，人生低點！！
好彩總分都可以重奪第一！！
對於某同學的衰落，對不起，我深感興奮~(奸奸的>.<)