卡啦O FACE！

今日學校有《卡啦O FACE！》黎，好開心呀！！
入到hall個位超差，尾二個行+邊邊位，激死！！
頂，d紀念品超快派晒，本身應該人人都有嫁麻，
竟然唔夠，我地S.4大部份壯烈犧牲！！
今年仲要係好靚既記念品lor，又file又8達通套，
封面係勁多明星係度嫁，恨死我喇！！
少少火咁繼續等，終於開始喇~
估唔到第1個出黎竟然唔係啤梨，係科林，
我有一秒諗過啤梨冇黎，好彩佢後面出番黎！！
科林其實做得幾好，勁多爛gag，完全帶起個氣氛~
不過唔知係唔係天命難違，黎我地學校都係d奀星，
救命呀，雖然係新人，但我想見” 明星” 呀！！
有vega，文恩澄，朱韻詩，唉，其實我差唔多全部唔識…
但vega又真係唱得幾好既，玩勁多effect~
不過佢地係翻唱twins既《一時無兩》，又勾起我既傷心事…
壓軸出場既文恩澄真係令我勁失望，
我真係以為有紅d既明星出現嫁！！>.<
嘻嘻哈哈就過左去lu，唔算十分精采但落力搭夠，
出年我應該冇份睇，我要詛咒出年都係奀星，haha~~(奸奸的again)

P.S. sxxt喇！！
昨晚唔記得左聽我地學校條友係啤梨節目出現呀！！激死！！！